1 PETERA toc2 1 PETERA 2:24 - PATHIAN LEKHABU IRTHIANG C.L. Bible (BSI)

²⁴ Sual thisana felna neia ei hring theina hrangin, Krista ngêtin a taksa’n Krosa khan ei sualhai a pêla, ama zêmna irdulhai khan indam nin ni ta.

1 PETERA toc2 1 PETERA 2:24 ပူးပေါင်းရင်းမြစ်များ

IRPHUTNA 22:6

Khan Abrahama’n hâlirvôm thilinhlanna thing kha a lâka; a nâipa Isaka a’rputtira; ama’n mei le chemte chôiin a nâipa leh an fea.

INPÂKNA HLAHAI 147:3

Milung koihai chu an damtira, An popnahai chu a tuam pe ngai.

INPÂKNA HLAHAI 38:4

Ki pualoinahai khan ki lu hi a ngîm paia, Puakrik tak, ki izoiloi hrang ang hi a ni.

FESUAKNA 28:38

Arona’n lukôm leh khan a michala inkhop a ta, khanchu keima Rengpa hin Israelhai irbôlna thil ki kuanga an hong inhlan kai chu lei pom ki ta, an thil inhlanhai khan tho’nchâina nei khomhai sian.

THUVÂRHAI 20:30

A kâra chu ei lampui fena indiktirna hrangin intakna tamtak irtem a nang ngai.

ISAIA 53:11

A sinthôna ra a hmu tena chu, a tuangna chu man boi ni mah ti inhria a ti. Ki siahlo feltakin, mi tamtak saninzôkhai a ta, an sualnahai pêl pehai a ti.

LEVI DÂN 16:22

Kêl khan an porinchena murdi kha pêl a ta, ramchâra khan insua a ti.

LEVI DÂN 22:9

“Thil tho hrang dân ki itihai hi an izôm zit hrang a ni, an zôm nuam no’n chu a mô pêl an ta, thi an ti; anni indangtu Rengpa ki ni hi.

MALAKIA 4:2

Khannisian, nangni ki’rhming chituhai chunga rêk chu felna misa hong suak a ta, a thal chu damna ni a ta, sehrâtte insua angin râifân takin irchôm nin ti.

NAMBAR 18:22

Khasikin Israel mi danghai rêng rêngin irtongna Biakbuk an hong inai hrang ni maka, an sual man chu pêlin an thi loina hrangin.

NAMBAR 7:15

pum hâlirvôm thilinhlan hranga sehrâtchal tuai inkhat, belrachal inkhat, belrate a chal kum khat mi inkhat;

MATHAIA 27:26

Khanchu, Pilata’n Barabba kha an sua pehai tâka, Jisua kha sipaihai an zêmtir zoiin, Krosa hembe hrangin an kuta a pêkhai tâka.

MATHAIA 5:20

Nin felna’n Dân irchutirtuhai le Farisai felna a khêl no’n chu irvân Rama lût viat no chin ni, ti nangni ki hril a ni.

MATHAIA 8:17

Deipu Isaia’n, “Ama’n chu ei hrât loinahai a lâka, ei natna a pêl ta,” tia insîr kha a hong tung indik theina hrangin kha kha a itho a ni.

MARKA 15:15

Khanchu, mipuihai milung inhoi a nuam sikin, Barabba kha an sua pehaia. Khan, Jisua kha sipaihai an zêmtirhai zoiin chu Krosa hembe hrangin a pêk tâka.

LUKA 4:18

“Inrianghai kuang Thurchi Sa insîr hrangin a nin thang sikin, Rengpa Irtha ki chunga a oma, mi intânghai kuang zôkna thu inpuang hrangin a ni itîr a ni. Mitchohai, mit vâr nôkna hrang le mi ihnuaisiahai zôkna hrangin.

JOHANA 1:29

A tûka chu Johana’n Jisua khan ama a hong ipan kha a hmua; “En u ta, Pathian Belrate, rammual sual pêl hrangtu so,” a tia.

JOHANA 19:1

Khan, Pilata’n Jisua a hruaia, a vîka.

TÎRTÔNHAI SINTHO 10:35

Nam tin laia tukhom ama inhriata, sin fel tak tho murdi chu a pom inruk mi a ni ngai.

TÎRTÔNHAI SINTHO 10:39

Judai ram le Jerusalema a sintho murdi inhretuhai kin ni, ama kha Krosa hembe’n an ithat a ni.

TÎRTÔNHAI SINTHO 13:29

A thurchi Pathian Thu bu’n a irziak murdi kha a tung zoiin Kros ata an kai suma, thâna an phûm ta.

TÎRTÔNHAI SINTHO 5:30

Ei irchibulhai Pathian khan, krosa hembea nin ithat tâk Jisua kha, a kaithoi nôk tâka.

ROM KHUAA MIHAI KUANGA TÎRTÔN PAULA LEKHATHON 6:11

Khaang dênin nangni khom sualna tiang chu thi tâkin irbe unglân, Krista Jisuaa khan Pathian tiang chu a hringin irbe roi.

ROM KHUAA MIHAI KUANGA TÎRTÔN PAULA LEKHATHON 6:13

Nin takpum ônhai khom thil saloi thôna hrangin inhmangtir ta no roi; mithi lai ata hring nôk angin Pathian kuang inhlan unglân, nin takpum ônhai khom kha ama kuang felna hriamhrei hrangin pe ual roi.

ROM KHUAA MIHAI KUANGA TÎRTÔN PAULA LEKHATHON 6:16

Tu kuang khom a thu zôm hranga a suaka nin lûtin chu, thina hrang tena sual suak mani, felna hrang tena thu zômna suak mani khom ni sianlân, a thu nin izômpu suak chu nin nih ti nin inhriat loi ma ni?

ROM KHUAA MIHAI KUANGA TÎRTÔN PAULA LEKHATHON 6:2

Nâi sâi mak e, Eini sual thisan tâkhai chu suala itin mo ei la iom mai thei hrang?

ROM KHUAA MIHAI KUANGA TÎRTÔN PAULA LEKHATHON 6:22

Atûn chu sual ata irkiang nin ni tâka, Pathian suaka nin lût tâk sikin kumtuang hringna chang hranga irthiangtir nin ni ta.

ROM KHUAA MIHAI KUANGA TÎRTÔN PAULA LEKHATHON 6:7

Tukhom thi tâk chu sual ata a irkiang tâk a ni.

ROM KHUAA MIHAI KUANGA TÎRTÔN PAULA LEKHATHON 7:6

Atûn hin chu, a ni khit ngaitu kha ei thisan tâka, dân ata ei irkiang ta: Dân thu irziak milui anga ni loiin Irtha dân tharin sin ei itho ual a ni.

1 KORINTH 15:3

Hi hi ki thu dong poimo tak nangni ki ihril nôk chu a ni; Krista chu Pathian Lekha thu ang zêlin ei sualhai sikin a thia,

2 KORINTH 6:17

Khasikin, “Anni laia irthokin hong suak unglân, A bingin om roi, Thil porinche rêng rêng tôn no roi, Rengpa’n a ti. Khanchu, nangni pom ki ti.

GALATIA 3:13

Thinga inkhâi chu khosâl tong a ni,” ti irziak ang khan. Krista khan ei ta hrangin khua isâlna kha pêlin Dân khosâlna ata a ni sansuak tâk.

EFESI 5:9

Vâr chu satna hai, felna hai, le thutak tinrêngin a ra suak ngai.

FILIPI 1:11

Pathian roiinpuina’n le inpâkna’n Krista zâra felna ra khan nin lei isip hrang a ni.

KOLOSA 2:14

Thupêk kuta irziak, ni khâl ngaitu, zôm hrang hmabâk chu, a kâtpaia, Krosa khan hembe’n an boitir ta.

KOLOSA 2:20

Rammual irchutirna dikloihai kha Kristaa nin thisan tâkin te, itho sika mo rammual mihai angin hi thupêkhai

KOLOSA 3:3

Nin thi tâka, nin hringna kha Krista kuang Pathianin a vong insa a ni.

HEBRAI toc2 HEBRAI 10:10

Jisua Krista’n Pathian lungdo a sina, a takpum ngei voikhat ar hlan rip sika khan, ei rêngin sual ata ei irthiang tâk a ni.

HEBRAI toc2 HEBRAI 10:5

Khasikin, Krista’n rammuala a zuang hrang laiin Pathian kuang, “Irbôlnahai le thilpêkhai nuam mak chea, Keima ta hrangin takpum ni ni irfûk pe ual tâk.

HEBRAI toc2 HEBRAI 12:13

Khan, ke’nbâi kha irlo’rphêt loia, indama a om ualna hrangin lam intûna fe roi.

HEBRAI toc2 HEBRAI 7:26

Khaang khan, Jisua Ochai Inlaltak mi’rthiang, demnaboi, sualna neiloi, mi sualhai laia irthoka a binga om, irvânhai nêka inchung uala siam tâk chu ei ta hrangin a iruk bak a ni.

HEBRAI toc2 HEBRAI 9:28

Khaang dênin Krista khom kha mi tamtakhai sual inboi hrangin voikhat irbôlna’n inhlan a ni tâka. Sualhai lapai hrang ni ta loiin ama lei nghâktuhai saninhringnaa hruai lût hrangin a izuang nôk hrang a ni.

JAKOBA toc2 JAKOBA 5:16

Khanchu, nin sualhai thupha chôi irhlôm unglân chongchai irhlôm roi; khanchu indamin om nin ti. Sathnem irngai taka mi dik chongchaina khan thil roiinpuitak a tho thei a ni.

1 JOHANA 2:29

Ama kha mi diktak a ni ti nin inhriatin chu, dik taka thoptu ka chu a nâihai an nih ti inhre roi.

1 JOHANA 3:7

Nâihaio, tukhomin nangni huang no ri sehai; Krista kha mi dik tak a ini angin thil dik thotu kha mi dik a ni.

THUPHUANG 22:2

Khopui kholai inlaina taka a luanga. Khan, muang kiang tiang, kiang tianga hringna thing, thatin voikhat, a kuma voi sômhleihni ra a oma; kha thing hnahai kha nam tin damna a ni.