1 PETERA toc2 1 PETERA 1:8 - PATHIAN LEKHABU IRTHIANG C.L. Bible (BSI)

⁸ Ama hmuloi khomin lung nin thunga, atûn ama nin hmu ual no khomin nin iama, raifânna irkhêl insîr thei loi le roiinpuina’n nin isip a ni;

1 PETERA toc2 1 PETERA 1:8 ပူးပေါင်းရင်းမြစ်များ

HLAHAI HLA 1:7

Nin hril ro, ni lungkhamna hi, Kho tiang mo ni belrahai hôlin, sûn laia kho tiang mo ni irngamtirhai hrang? Nangma zongin belrapu danghai kuang ki ichai vêl hrang ma ni?

HLAHAI HLA 5:16

A ni, O Jerusalem nâinuhai, ki lungdi chu inditom tak a nia, chong tin laia ama chongbâi vai hi a thum tak a nia, ama hi ki lungdi omdânhai chu a ni.

HLAHAI HLA 5:9

O nupanghai laia hmêl satak, ni lungdi kha mi danghai nêka imo a danglamna a om uala? Imo ama khan kha do dôra irkhêl a iom, ni kuang chong kin inkungtir hrang?

MATHAIA 10:37

Tukhom keima nêka a nu mani, a pa mani lungthung ual chu, ki irchutir rua ni mah.

JOHANA 14:15

“Nangni’n lung nin ni thungin chu, ki thupêkhai zôm nin ti.

JOHANA 14:21

Tukhom ki thupêkhai poma zômpu chu lung ni thungpu a ni, lung ni thungpu chu ka Pa’n lungthung a ta, kei khomin lungthung ki ti, a kuang inlâr sa ki ti,” a tia.

JOHANA 14:24

Lung ni thung loitu chu ki thu zôm maka, thu nin inhriat hi keima thu ni maka, Pa a ni tîrtu thu a ni ual.

JOHANA 16:22

Khaang khan nangni khom atûn hin nin char a donga, khannisianlân, nangni hmu nôk ki ti, nin lungrîl lôm a ti, nin lômna kha tûte’n nangni lâkpai pe no nihai.

JOHANA 20:29

Jisua’n a kuang, “Ni ni hmu sika iam mo ni inih? Hmu loia iamhai chu an râlvân a sa,” a tia.

JOHANA 8:42

Jisua’n an kuang, “Pathian kha nin Pa a ni lele’n chu, lung ni thung nin ti, Pathian kuang ata zuang ki ni. Keima irchama zuang ni ma unga, a ni tîrtu irchama zuang kêng ki ini.

TÎRTÔNHAI SINTHO 16:34

Paula le Sila kha a ina a hruaihaia, fa hrang a pêkhaia. Pathian an iam tâk sikin an in sûng pumin a sân an râi a fân tâka.

ROM KHUAA MIHAI KUANGA TÎRTÔN PAULA LEKHATHON 14:17

Pathian Ram thu chu fâk le nêk lampang ni mah; Irtha Irthiang zâra thiam changna hai, irngeina hai lômna hai a ni ual.

ROM KHUAA MIHAI KUANGA TÎRTÔN PAULA LEKHATHON 15:13

Irtha Irthiang sinthotheina zâra sabeinaa nin sip theina hrangin sabeina hnâr Pathiana khan nin iam sikin lômna le irtharngamna tinrêngin nangni vur ri se.

1 KORINTH 16:22

Tukhom, Rengpa lungthung loi chu vânnisalin om ri se! Maranatha: Ei Rengpa a zuang e!

2 KORINTH 1:22

ama khan ama ta ei nina irsinsia ei chunga a siaa, ei ta hranga thil a ibûmhai khapna’n ei lungrîla Irtha Irthiang a ni ipêk a ni.

2 KORINTH 4:18

Thil hmu theihai chu thîr mak mea, thil hmu theiloihai chu ei ithîr ual a ni. Thil hmutheihai chu boi nôk zôi a ta, thil hmu theiloihai chu kumtuangin om a ti.

2 KORINTH 5:7

Ei hringna hi hmu theia fe loiin, iamna’n ei ife ual a ni.

2 KORINTH 9:15

A thilmanboi pêk sika khan Pathian kuang lômthu insîr ei ti.

GALATIA 5:22

Irtha ra chu: lungthungna hai, raiinfânna hai, irngeina hai, tuangdiarna hai, khonzâna hai, satna hai, iamomna hai,

GALATIA 5:6

Jisua Kristaa ei om photin chu sertan mo, tanloi mo danglam ual mah; lungthungnaa irbel iamna hi a poimo a ni.

EFESI 3:19

Krista lungthungna, inhriat seng loi kha, inhria nin ta, Pathian famirkipna tinrênga insiptir hong ni nin ti.

EFESI 6:24

Pathian lungkhamna kha lungthungna chuai theiloia ei Rengpa Jisua Krista lungthungtuhai kuang om ri se.

FILIPI 1:25

Nin rênga iamna irsôntir le nin raifânna inpung hranga ki dam mai hi a sa ual ti kin hriat ta.

FILIPI 3:3

Eini Pathian Irtha zâra Pathian biak le Krista Jisua songa pên tiang thila irnghat loihai hi sertan dik tak ei ni ual a ni.

FILIPI 4:4

Rengpaa khan lôm mai roi, ti nôk ki ti, lôm roi!

HEBRAI toc2 HEBRAI 11:1

Iamna nei ti chu thil ei isabei kha a dik ngêt infel le thil ei ihmu loihai kha a om ngêt inhriat infel hi a ni.

HEBRAI toc2 HEBRAI 11:27

Iamna’n rêng ningmur kha chi loiin Aigupta ram a mâka; hmu theiloi Pathian kha a hmu sikin a ikîr nuam ta loi a ni.

1 PETERA toc2 1 PETERA 1:6

Fiana tinrêng nin tonga, nin lunginzîng khomin raifân takin om roi.

1 PETERA toc2 1 PETERA 2:7

Nangni iamtuhai hrangin chu lung hlu tak a ni, iamloihaiin chu, “In sintuhaiin lung an ipai kha, Kha ngei kha a kila lung poimo tak a hong ni ta,” ti hi.

1 PETERA toc2 1 PETERA 5:4

Khanchu, Belra Enkoltu Inlaltak a zuang inlang tena chôiindômna lukhum roiinpui chuai theiloi kha dong nin ti.