1 PETERA toc2 1 PETERA 1:7 - PATHIAN LEKHABU IRTHIANG C.L. Bible (BSI)

⁷ Nin iamna fiana hrang a ni, rângachak siat thei lua meia fia a nia, kha nêka hlu ual, nin iamna chu, fia hrang pial kêng; khanchu Jisua Krista a zuang inlâr tika inpâkna hai, roiinpuina hai, chôiindômna hai, hlo nin ti.

1 PETERA toc2 1 PETERA 1:7 ပူးပေါင်းရင်းမြစ်များ

JOBA 23:10

Ki lampui hro chu an hriata, A ni fia zoi le rângachak angin suak ki ta.

JOBA 28:1

Tangkarua laih suakna hmun a oma, Rângachak irthiangtirna hmun khom a om.

INPÂKNA HLAHAI 17:3

Ki lungrîl hi ni fiaa, zâna ni ni hroa; Ni ni fia tâka, ite hmu mak chea; Ki bâiin insîrin sual no nih ki ti ngit a ni.

THUVÂRHAI 16:16

Rângachak nêkin khom vârna nei hi a sa uala, a ni, tangka nêkin khom inhriat thiamna chu inthang ual hrang a ni.

THUVÂRHAI 17:3

Rângachak le sumtak chu meiin a’rthîta, mihriam lungrîl rêk chu Rengpa’n a fia ngai.

THUVÂRHAI 8:19

Ki kuang ata nin ihmu chu rângachak satak nêkin a sa uala, sumtak irthît infâi liai nêk khomin a sa ual.

THUHRILTU 5:14

Kha irchonhai kha vânduai nikhuahai a hong tunga, an hek vinga; khanchu nâipasal a hong neia, khannisian a ta hrangin a kuta ite ma pe hrang om ta maka.

ISAIA 48:10

Tangkaruahai chu irtapa an hâl irthiang ngaia, Nangnihai khom hi intakna ata nangni fia ki ti.

JEREMIA 48:36

“Mi an inei murdi an inchân zoi hrangin, theihle tuma a chûlpuina hla an isak ngai ang hin, ki lungrîl chu Moab le Kir Heres ta hrangin a ichap a ni.

JEREMIA 9:7

Hi sika hin Rengpa Pathianin a ti, “Thîr angin ki mihai irthît ki ta, anni ki ifiahai hrang a ni. Ki mihaiin sual an isin a nia. Imo ki la itho pehai thei hrang?

ZAKARIA 13:9

Khanchu a hmun thuma chu meia infetir ki ta, sumtak chu irthiangtira a iom angin irthiangtir ki ta, rângachak chu fia a ini angin fia ki ti, khanchu ki kuang chongchai an ta, keiin anni chu sâmhai ki ti. Anni chu ki mihai an nih ti hrilhai ki ta, khan anni khomin, ‘Rengpa chu kin Pathian a ni,’ ni ti ta an ti,” a tia.

MALAKIA 3:3

ama kha tangkarua irthiangtu le infâitu angin toi a ta, Levia nâipasalhai kha irthiangtir a ta, anni kha rângachak le tangkarua angin insunfâi a ti. Khan, anni khan Rengpa kuanga felna’n thil inhlanhai kha inhlan an ti.

NAMBAR 5:28

Khannisian a uire noa ni’n chu, ama chu insiattir no nia, nâi hong vong thei a ti.

MATHAIA 19:28

Jisua’n an kuang, “Thudik nangni ki hril: Zoro thara chu, Mihriam Nâipa a rêngtoihmun roiinpui taka a toi tika, nangni a ni zuituhai khom hi Israel nam sômhleihni chunga roirêlin rêngtoihmun sômhleihnia la toi nin ti.

MATHAIA 25:21

A pu khan a kuang, ‘Siahlo sa le iamom, ni tho’n sa! tômte chunga iam ni oma tamtak chunga nang inomtir ki ti; ni pu lômna dong sa roh!’ a tia.

MATHAIA 25:23

A pu khan a kuang ‘Siahlo sa le iamom, ni tho’n sa, tômte chunga iam ni oma, tamtak chunga nang inomtir ki ti, ni pu lômna dong sa roh!’ a tia.

LUKA 12:33

“Nin inei murdi zuar unglân, inrianghai pe roi, irvâna inru fe loinaa, irthî ifâk thei loinaa khan, sum kok phâi thei loihai, sum hek theiloihai irsiam roi.

LUKA 17:30

Mihriam Nâipa a zuang tika chu khaang dên khan a ini hrang a ni.

JOHANA 12:26

Tukhom ki sintho nuam murdi’n chu ni zui ngêt ri se, ki sin thotu chu ki omnaa a om sa theina hrangin. Tukhomin ki sin tho chu ka Pa’n chôiindôm a ti,” a tia.

JOHANA 5:44

Pathian rengata inpâkna dong tum loiin irpâkirhlôm nin nuama, itin mo nin iiam thei hrang?

TÎRTÔNHAI SINTHO 8:20

Khannisianlân, Petera’n a kuang, “Pathian thil manboi pêk hi suma irchôk ni tum sikin, ni sum leh ni pumpuiin irhmang ni ti.

ROM KHUAA MIHAI KUANGA TÎRTÔN PAULA LEKHATHON 2:10

Khannisianlân, thil sa tho murdihai chu Pathian kuang ata roiinpuina hai, chôiindômna hai le irtharngamnahai dong an ti. Judahai dong phot an ta, Jentailhai khomin dong an ti.

ROM KHUAA MIHAI KUANGA TÎRTÔN PAULA LEKHATHON 2:29

aniachu, sûngrîla Juda mi ni chu, Juda tak tak chu a nia, sertan tak tak khom kha milung tianga a nia, Lekha thu ringota ni loiin irtha tiang a ni ual. Khaang mi chu mihriamin chôiindôm nohai khomsian Pathianin chôiindôm a ti.

ROM KHUAA MIHAI KUANGA TÎRTÔN PAULA LEKHATHON 2:7

Roiinpuina hai, chôiindômna hai le irhmang thei loinahai zonga thil sa tho mai maihai kumtuang hringna pe a ti;

ROM KHUAA MIHAI KUANGA TÎRTÔN PAULA LEKHATHON 8:19

Thil siam murdi’n chu Pathianin a nâihai a hong inlangtir zoro an nghâkhmo tak tak a ni.

1 KORINTH 3:13

Krista Nikhuaa khan meiin an lâr hrang sikin, mei ngei khan mi tin sintho kha fia ta a ta, a ini tak inlang a ti.

1 KORINTH 4:5

Khanchu Rengpa zuang nôk mâka chu a zoro loia tûte insîr insiat no roi. Rengpa zuang mâka chu, ama’n inthima thup irhmanghai chu ivâra hong inlang an ta, lungrîla tumna irthuphai khom inlang sa a ti. Khanchu, mi tinin mâni irphu tôka Pathian inpâk hlo seng an ti.

JAKOBA toc2 JAKOBA 1:12

Fiana tonga, ngîr indet khak mi chu a vân a sa, fiaa a om hnungin Rengpa’n ama lungthungtuhai pêk a inkung, chôiindômna lukhum, hringna kha, a ichang hrang a ni.

1 PETERA toc2 1 PETERA 1:13

Khasikin lungrîl irsiam diamin irtûng chian unglân, Jisua Krista a zuang inlang tika lungkhamna nangni a zuang chôi pe hrang kha tûng ngit roi.

1 PETERA toc2 1 PETERA 1:5

Ama nin iam sikin saninhringna sinsiam sai, zoro hnungkhôna inlang a ni dênin, Pathian sinthotheina khan nangni vong a ti.

1 PETERA toc2 1 PETERA 2:4

Rengpa kha pan roi, ama chu Lung hring, mihriamhai ihnôl, Pathian inthang, hlu tak kha a ni.

1 PETERA toc2 1 PETERA 2:7

Nangni iamtuhai hrangin chu lung hlu tak a ni, iamloihaiin chu, “In sintuhaiin lung an ipai kha, Kha ngei kha a kila lung poimo tak a hong ni ta,” ti hi.

1 PETERA toc2 1 PETERA 4:12

Inditom takhaio, fiana irkhêl tak nin laia zuang tung hi thilirkhêl tak zuang tung tâk angin bê no roi.

1 PETERA toc2 1 PETERA 4:13

Krista tuangna koppuituhai nin ni sikin lôm unglân, roiinpui taka a zuang inlang tena chu raifân le lômin nin la isip hrang a ni.

1 PETERA toc2 1 PETERA 5:1

Nin laia koiindang upahai kha, keima an upa chanpui, Krista tuangnahai inhriatpuitu le roiinpuina zuang inlang hrang chang sa hranga sabeitu hin nangni ki inthor a ni.

2 PETERA toc2 2 PETERA 1:1

Jisua Krista suak le tirtôn Simon Petera khan, a ni saninhringtu Jisua Krista zâra le ei Pathian felna zâra iamna kin idong ang donghai chubai ki mûk.

2 PETERA toc2 2 PETERA 1:4

Khanchu; thilpêk roiinpui tak le hlu tak a inkung chu, a ni pêk tâka, khasika khan rammual irzukna, a nin siatthei ata nin suaka, Pathian zia nin irkoppui thei tâk a ni.

2 PETERA toc2 2 PETERA 3:14

Khanchu inditom takhaio, hi thil nin nghâkhai hin Pathian makunga irthiang le sêlna boia om hrangin theidôr insua unglân, ama leh irngei roi.

JUDA 1:24

Tûkloi hranga nang enkol thei chu, a roiinpuina makunga sêlna boi le raiinfân tak taka nangni inngîrtir theipu,

THUPHUANG 1:7

En roi, ama kha sûm laia khin a izuang hrang a ni! Mi tinin hmu an ti, ama suntuhai ngei khomin hmu an ti. Irnêng chunga mi murdi’n ama kha châ an ti. Khaang tak khan la ni a ti! Amen.

THUPHUANG 2:10

Ni tuang hranghai hi ite chi no roh. Irngai ta! nin laia mi senkhat intângna ina khumin Setana’n nangni a ifia hrang a ni. Khante, sûn sôm dengthei nin ti. Thina dênin keimaa iamomin om roh, khanchu inhnêna lômmanin hringna rêng lukhum nang pe ki ti.

THUPHUANG 3:10

Diarna thu nang ki pêk hi ni zôm sikin, irnêng chunga mihai fia hranga rammual pumpui chunga fiana zoro zuang tung hranga irthok khomin nang inzôk sa ki ti.

THUPHUANG 3:18

Khasikin nir chong theina hrangin rângachak meia irthiang tâk hai, ni korongboi ser an lang loina hranga ni sil hrang puan chek hai, ni hmu theina hranga mitna hloi hai ki kuang ircho hrangin nang ki ti.

1 SAMUELA 2:30

Khasikin keima Rengpa Israelhai Pathian hin ni in sûngkuahai le ni pa sûngkuahai kha kumtuanga ki ochai changin ki makunga om mai nin ti, tiin ki len kunga. Khannisianlân atûn chu om viat ta no chin nih ki iti a ni. Ni chôiirsângtuhai chu chôiirsâng ki ta, a ni hmusithai chu hnuaisiahai ki ti.