1 PETERA toc2 1 PETERA 1:5 - PATHIAN LEKHABU IRTHIANG C.L. Bible (BSI)

⁵ Ama nin iam sikin saninhringna sinsiam sai, zoro hnungkhôna inlang a ni dênin, Pathian sinthotheina khan nangni vong a ti.

1 PETERA toc2 1 PETERA 1:5 ပူးပေါင်းရင်းမြစ်များ

JOBA 19:25

A ni’rtantu chu a hring a nih ti kin hriat, nakana chu nêngpila hin la ngîr a ti.

INPÂKNA HLAHAI 37:28

Rengpa’n chu roirêlna fel a’rngaiinhlua, A mi irthianghai chu rotsan ngai mah; Kumkhua hrangin vong insa’n an oma: Mi sia irchihai chu irhmangtirin om an ti.

THUVÂRHAI 2:8

Theibîk neiloi mihai kha a donsuia, a mi irthianghai chu a vong insa ngai.

ISAIA 45:17

Rengpa’n Israelhai chu kumtuanga hrangin saninhringhai a ta, itiklai khomin mualinphoi no nihai,” a ti.

ISAIA 51:6

Irvân tiang nin mit inlêngtir unglân, Hnuai tiang irnêng hi en unglân, irvân khi meikhu angin irzâm zoi a ti, puan angin irnêng hi milui a ta, a sûnga omhai khom thoivâi angin, thi pher phurin om an ti. Ki saninhringna hi chu, kumtuanga hrang a ni, ki inhnêna khom hek thei no ni.

ISAIA 54:17

Nangma doina hrangin an hriamhrei siamhai chu inhroi loiin. Nangma doituhai chu thei loi changin om an ti. Hi hi Rengpa siahlohai dong hrang chu a ni, zoina pe a ti, Rengpa thusuakin a ti.

ISAIA 66:22

“Irvân thar le irnêng thar ki isiam hrang chu, ki kuanga om mai a ta, khaang ngêt khan nin irchihai le nin irhminghai om mai a ti.

JEREMIA 23:4

Annihai enkoltu hrangin hruaituhai phun pehai ki ti. Ki mihai chu chitna sikin mo, kamangin mo, om ta no nihaia, anni chu dûk thohai ta no ning. Keima Rengpa’n ki iti tâk a ni,” a tia.

JEREMIA 32:40

Kumtuanga thuthung siampuihai ki ti. Itiklai khoma anni ta hranga thil sa tho irngam pehai no ninga, lungrîl taka ni ngîk hrangin siamhai ki ta, khanchu hnung ni songsan ngai no nihai.

JOHANA 12:48

Tukhom ni hnôla ki thu pom nuam loi chu a chungthu rêl pe hrang inkhat a nei. Ki thu’nsîr ngei kha, zoro hnungkhôna chu a chungthu rêl petu la ni a ti.

JOHANA 17:15

“Anni chu rammual ata la suak hrangin nang ngên ma ung, mi sual ata hrung hrangin nang ki ngên a ni.

JOHANA 4:14

Tukhom an kuanga ki ipêk hrang tui in ka chu an tui inhrâl nôk ta no ni. An kuang ki ipêk hrang chu an phîng sûnga tuihnâr hong chang a ta, kumtuang dênin kang ta no ni,” a tia.

JOHANA 5:24

“Thudik nangni ki hril, tukhom ki thu inhriata, a ni tîrtu iam chu kumtuang hringna a nei ta, thiamno changin om ta no nia, thina ata hringnaa a ilût tâk a ni.

ROM KHUAA MIHAI KUANGA TÎRTÔN PAULA LEKHATHON 11:20

Ni ti indik; an iam no sikin ikhiakpaiin an oma, nang chu ni iam sikin izom ni ni, lârirpâkpui no roh, chi ual roh.

ROM KHUAA MIHAI KUANGA TÎRTÔN PAULA LEKHATHON 8:18

Atûna tuangnahai hi nakana ei ta hranga roiinpuina inlang hrang leh khan irkhek inrukin bê ma ung.

1 KORINTH 1:21

Pathian vâr dân chu hi hi a ni, Rammualin vârna hmanga Pathian an inhriat theiloi hnungin, kin thuhril invêt hmanga iamtuhai saninhring hi: Kha kha Pathian nuamlam tak a ni.

2 KORINTH 1:24

Nin iam ngêt hrang thu nangni insîr pe tum ma ung, iamnaa khan nin ngîr indet ti kin hriat sikin. Kha nêkin, nin raifânna hrangin nangni leh sin kin tho ual a ni.

GALATIA 2:20

Keima hringna pangaia hring ni ta ma unga, keimaa hin Krista kha a hring tâk a ni. Atûna taksaa ki ihring hi, a ni lungthungtu ki ta hranga hringna pêktu, Pathian Nâipa iama hring ki ni.

EFESI 2:8

Lungkhamna sika iamnaa saninhring nin ni; nangni itho suak ni maka, Pathian thilpêk a ni.

EFESI 3:17

iamna sikin Krista chu nin milunga châm sianlân, lungthungnaa irzung kaiin phûm indet nin ini hrang a ni.

FILIPI 1:6

Nangnia hi thil sa insuaktu khan Krista Nikhuaa puihling dênin a tho mai ki iam ngit a ni.

FILIPI 4:7

Khanchu, mihriam inhriat phâk loi, Pathian irtharngamna khan nin milung le nin lungrîlhai kha Krista Jisuaa khan nangni enkol pe a ti.

2 TIMOTHEA toc2 2 TIMOTHEA 3:15

Ni nâipangte ata Lekha irthiang kha nin hriat sa tâka, Jisua Krista iam sika saninhring ni hranga vârna nang a pêk thei ti nin hriat.

TITA toc2 TITA 2:13

Ei Pathian roiinpui taka a zuang inlangna nikho lômom ei isabei hi hlo’nchuk zoro ei inghâk a ni.

HEBRAI toc2 HEBRAI 6:12

Nin irtha inboi loiin iamna le tuangdiarna sika Pathian inkung hmuhai om dân kha irchu hrangin nangni kin inuam sa a ni.

HEBRAI toc2 HEBRAI 9:28

Khaang dênin Krista khom kha mi tamtakhai sual inboi hrangin voikhat irbôlna’n inhlan a ni tâka. Sualhai lapai hrang ni ta loiin ama lei nghâktuhai saninhringnaa hruai lût hrangin a izuang nôk hrang a ni.

1 PETERA toc2 1 PETERA 1:13

Khasikin lungrîl irsiam diamin irtûng chian unglân, Jisua Krista a zuang inlang tika lungkhamna nangni a zuang chôi pe hrang kha tûng ngit roi.

1 PETERA toc2 1 PETERA 4:13

Krista tuangna koppuituhai nin ni sikin lôm unglân, roiinpui taka a zuang inlang tena chu raifân le lômin nin la isip hrang a ni.

1 PETERA toc2 1 PETERA 5:1

Nin laia koiindang upahai kha, keima an upa chanpui, Krista tuangnahai inhriatpuitu le roiinpuina zuang inlang hrang chang sa hranga sabeitu hin nangni ki inthor a ni.

2 PETERA toc2 2 PETERA 1:3

A roiinpuina le a satna dong hranga ni koipu ei inhriatna sika, sakhua diktak hringnuna ei om theina hrangin, thil ei innang murdi Pathian sinthotheina lianin a ni pêk ta.

1 JOHANA 3:2

Inditom takhaio, atûn hin Pathian nâihai ei ni tâka, itin mo ei la iom hrang tih chu lan lang mah. Ama a zuang inlâr tika chu ama angin om ei tih iti ei inhriat, a nilam ang takin ama kha ei la hmu hrang sikin.

JUDA 1:1

Jisua Krista suak le Jakoba urêng Juda khan, Pa Pathian lungkhamna le Jisua Krista ienkolnaa om, ikoihai chu chubai ki mûk.

JUDA 1:24

Tûkloi hranga nang enkol thei chu, a roiinpuina makunga sêlna boi le raiinfân tak taka nangni inngîrtir theipu,

1 SAMUELA 2:9

A mi irthianghai ke chu a hrung inzôk ngaia, Mi siathai chu an thimbup zoro hin an irhmang ngai; hrâtna ringotin chu tûte’n inhnêna chang thei no ni.