Khahai kha la boi irhmang a ta, nang chu om mai ni ti: A ni, khahai murdi kha silkai angin la milui a ta; Puan angin thûl ni ta, hong danglam ta ni ti:
Thudik nangni ki hril, irnêng le irvân hi a om sûng chu Dân thua om inchuk dap mani, kaipit mani a rêngin a tung irkip zit mâka chu inkhat lua hi boi no ni.
Keima hi mi irthiang murdihai laia chîn tak nêk khoma chîn ual ki ni, khan khomin Pathianin Jentailhai kuang Krista irchongna suisuak zoiloi Thurchi Sa insîr hrangin a lungkhamna’n a nin kunga.
Milak tho ngailoi Pathian khan, kha kha irnêng irsiang mân daiha a lei inkung tâka, ama thu ang dênin sa a ti zoro taka a zuang inlangtir ta, a ni Saninhringtu Pathian thupêk anga, kha Thurchi Sa inpuangna sin kha inkoltir ki ni.
Anni ta hrang ni loi, nangni ta hrangin sin an tho a nih ti inhriattir an ni. Irvân ata tîr, Irtha Irthiang changpuia nin kuanga thurchi Sa hriltuhai khan, kha kha nangni an hril tâk kha. Kha thil kha vântîrtônhaiin khom inhriat an irzuk a ni.
Deipuhai thu lei inpuang kha a dik ngêt tih keini khomin kin pom indet uala, nangni khomin, Vârpâr Ârsi a zuang inlang mân vâr angin, kha thu kha nin milunga invârtu hmang unglân sa a ti.
Nangni’n nin ni pôl sa theina hrangin kin ihmu le kin inhriat kha nangni kin ihril a ni, kin irpôlna kha Pa le Nâipa Jisua Krista leh kin irpôlna a nia.
Khan, irnênga mi murdi zât tina mihai, chi tina mihai, chong tina mihai le nam tina mihai kuang tânginsam hrang Thurchi Sa nei vântîrtôn dang irvânlaizôla vuang ki hmua.