1 PETERA toc2 1 PETERA 1:17 - PATHIAN LEKHABU IRTHIANG C.L. Bible (BSI)

¹⁷ Theibîk nei loia mi tin an sintho ang taka ngaitua petu kha “Pa” tia nin koiin chu, hi rammuala nin om sûng hin ama chi pumin om roi.

1 PETERA toc2 1 PETERA 1:17 ပူးပေါင်းရင်းမြစ်များ

IRPHUTNA 47:9

Jakoba’n Faroa kuanga khan, “Ki khual inzinna kum chu irzakhat sômthum a nia; ki dam lai kum hi a tômin a intak a ni. A ni neituhai kum leh irkhiin chu, an dam lai kum chimrip khom ni ma,” a tia.

1 THURCHI SUINA 29:15

O Pathian, ni makunga chu kin pi le puhai ang khan, keini khom mikhual, zoro sôtnotea om ang hi kin nia, kin dam lai nihai chu irhlîm anga om a nia, a ihek zôi ngai a ni.

2 THURCHI SUINA 19:7

Rengpa kha chi unglân, irdîn takin itinrêng tho roi, Rengpa ei Pathian chu mi huanghai, theibîk neihai, thamna neihai hi a inuam loi a ni,” a ti ngaia.

JOBA 34:19

Hruaituhai khom indit bîkhai ual maka, Mi irchonghai khom inrianghai nêkin en irsânghai mah. Ama kut suak ving an nia.

INPÂKNA HLAHAI 39:12

O Rengpa, ki chongchaina hi irngaiin lân, nang kin samna hin mikuar do’n lân; Ki mitrithi tâk hi dâisanhrek no roh. Ni mikhual ki nia, ki’rchibulhai ang khan khual inzin chian ki ni.

INPÂKNA HLAHAI 89:26

Ama khan, ‘Nang chu ka Pa, ki Pathian, ki saninhringna lungpui ni ni,” tiin nin sam a ti.

THUVÂRHAI 14:16

Mi vârin chu buaina a lôina hrang a ngaitua ngaia, intohai rêk chu ngaitua loiin an pût zôi zel ngai.

THUVÂRHAI 28:14

Rengpa thu zôm mai mi chu an râlvân a sa. a tukullian ngaitu chu irhmang a ti.

JEREMIA 3:19

Rengpa’n a tia, “Israel ram milung chuk om, rammual pumpui sûnga ram hoitak nang pe hrangin, ki nâi hrangin nang ki inuam a nia, ‘Ka pa,’ tiin a ni koia. Ki kuanga irthokin a dang tiang tehelzong ta loi hrangin, Nang ki inuam a ni.

ZEFANIA 3:9

Kha tika chu mipuihai kha hmûr irthiang irputtir nôk ki ta, Rengpa irhming kha an inzaa anni tiang inthuruala a sin an tho suam theina hrangin,

MATHAIA 16:27

Mihriam Nâipa hi vântirtônhai le a Pa roiinpuina le, a izuang hrang a nia; kha tika chu mi tin an sintho ang zêlin thuan seng a ti.

MATHAIA 22:16

Khan, an irchutir senkhathai le Heroda pâla mi senkhathai a kuang an tîra, kha mihai khan, “Irchutirtu, thutak nin sîr ngai ti kin inhriat tukhom uksak ual ngai mak chea, tukhom theibîk loiin mihriam ta hranga Pathian lungdo thutak kha nir chutir ngai.

MATHAIA 6:9

Khanchu, nangni chu hiang hin chongchai roi: ‘Kin Pa, irvâna mi, Ni’rhming mahripin om ri se, Ni Ram zuang tung ri se.

ROM KHUAA MIHAI KUANGA TÎRTÔN PAULA LEKHATHON 11:20

Ni ti indik; an iam no sikin ikhiakpaiin an oma, nang chu ni iam sikin izom ni ni, lârirpâkpui no roh, chi ual roh.

2 KORINTH 1:2

Pathian ei Pa le ei Rengpa Jisua Krista’n lungkhamna le irngeina nangni pe ri se.

2 KORINTH 5:6

Khasika khan takpum ei om sûng hin Rengpa kuang om mak meh ti inhriatin kumkhua’n ir-ial takin ei om ngai.

2 KORINTH 7:1

Ki rual lungthunghai, kha chonginkunghai murdi kha eini hrang a ni. Khasika khan, takpum le irtha porinche thei thil ata irkiang ei ta, Pathian mahrip tho pumin irthiangna irkiptir ei ti.

2 KORINTH 7:11

En u ta, nin lungdûknaa Pathian sintho hi, sathnem irngaina nangni an neizia hai, nin irthiangzia fia nin nuam dân hai, ninginthikna hai, irningna hai, ngaituana hai, irpêkna hai, tho’nsualna hai dengintheina hai hranga nin irsiam dân hai kha! kha thu rêng rênga khan nangni chu sêlna om mak chêi ti nin inlang a ni.

GALATIA 2:6

Hruaitu poimo nia inlanghai, an ni tak tak le ni loi, ki ta hrangin danglam ual mah, Pathianin pên tiang inlang dân vai ngaisâng ma, hihai luan insîr hrang ite nei mahai.

EFESI 1:17

Ei Rengpa Jisua Krista Pathianin roiinpuina Pa khan inhriatna lama vârna le inhriat infelna nin nei theina hrangin, Irtha kha nangni a pêkna hranga ngên maiin.

EFESI 3:14

Hi sika hin Pa makunga khûksadelin ki kûn ngai.

EFESI 6:9

Khan, nangni hruaituhaio, khaang dênin an chunga tho roi. Nin suakhai le nin Hruaitu, theibîk neiloi kha, irvâna a om ti inhre maiin irngô irhal ma roi.

DÂN INHNINA 10:17

Rengpa nin Pathian hi pathianhai Pathian, rênghai Reng, Pathian roiinpui, sinthothei le ichiom tak kha a ni; tûte theibîk nei maka, inthêm inhnê thei lak ni ma.

FILIPI 2:12

Khanchu, ki indit takhaio, ki om laia ki thu nin izôm ang khan atûn ki om no khomin nin zôm nôk ual a inang a ni. Pathian chi le inthing pumin nin saninhringna irkiptir hrangin sin mai roi.

KOLOSA 3:25

Thil dikloi thotuhai khan thil dikloi an itho man hmu an ti, Pathian chu tûte theibîk nei mah.

HEBRAI toc2 HEBRAI 12:28

Khasikin lôm ei ti, raifânin, a lôm hrang lamin mahrip le ichi pumin Pathian chubai mûk ei ti,

HEBRAI toc2 HEBRAI 4:1

Atûn hin Pathianin kha irngamnaa nin lût hrangin chonginkung a ni ipêk a ni. Khasikin, nin laia tûte kha irngamnaa lût theiloi nin om loina hrangin irdîn ei ti.

1 PETERA toc2 1 PETERA 2:11

Inditom takhaio, khual inzin, mi rama om nin ni sikin irtha doi ngai, taksa irzukna hai ata irkêm hrangin nangni ki ngên a ni.

1 PETERA toc2 1 PETERA 3:15

Krista kha inza unglân, nin lungrîla rênga nei roi. Nangnia om nin isabei nasan chu nangni irdon murdi chu sâm hrangin irsiam diam roi.