Khatak khan lamlian om rum a ta, “Lampui irthiang,” ti an ti. Mi porinchehai fe no nihaia, hi hi a nih anni fena hrang lampui chu, a fe murdi, mi’ntohai khom hruai irhmang no nihai.
Ki rual lungthunghai, kha chonginkunghai murdi kha eini hrang a ni. Khasika khan, takpum le irtha porinche thei thil ata irkiang ei ta, Pathian mahrip tho pumin irthiangna irkiptir ei ti.
Mi danghai leh nin om dânhai kha Krista Thurchi Sa leh irhme bak ri se, ki hong mo hong no mo irtha hmunkhata ngîrindetin, lungrîl hmunkhat irputin Thurchi Sa iamna kha nin thop irrual ti inhriat thei ki ti.
Ei sintho sika ni loiin ama tum dân a ni ual sikin lungkhamna’n a ni saninhringa, irthiang taka hring hrangin a ni ikoi a ni. Krista Jisuaa khan irnêng irsiang mân daiha a lungkhamna kha a ni pêk tâka.
Hi thu hi a dik a ni. Pathian iam tâkhai chu thil sa tho nuamna lungrîl an irput zêl theina hrangin hi thu hi uar hrangin nang ki nuam a ni; kha kha a saa, tu hrang khomin a inlâp a ni.
Sum irngaiinnat mi ni no unglân, nin thil nei lam anga khan milung inchuk roi. Pathianin, “Nang intha viat no ninga, mâk khom nang ma viat no ning,” a ti sikin.
Jentailhai lai ata satakin lêng unglân, thil sual thoa nangni an bê khomin nin sintho sahai anni ngêtin hmu an ta, Pathianin nangni a zuang hro tika ama chôiindôm thei an ti.
Nangni chu nam inthang, Rengpa ochai, nam irthiang, Pathian ta bîk, ama vâr irkhêl taka lût hranga inthim ata nangni koi suaktu Pathian sintho roiinpui inpuang hrang nin ni.
Khannisianlân, thuhnuairôl le bengvâr takin, sia le sa inhriatna irthiang tak neiin tho roi, khanchu Kristaa nin om lam sa insîrinsiathai kha mualinphoiin om an ti.
“Filadelfia koiindang vântîrtôn kuang hiang hin irziak roh: Hi thu hi mi irthiang tak le a dik tak, Davida châbi neitu, tûte ikhâr theiloi hrang inhong, tûte inhong theiloi hrang khârtu khan a insîr a ni.
Kha thilhring minlihai khan mitha kiruk an nei seng, kha an mithahai kha sûng tiang le pên tiang mita sip an ni. A sûn a zânin, “Rengpa Pathian Itinrêngthothei, A om tâka le A om maia le A la om hrangtu chu A’rthiang e, a’rthiang e, a’rthiang e, tia sakin mong ngai mahai,” tiin.
Anni khan hnukirhai inring takin, “Itinrêngthothei Rengpa, A’rthiang le A diktu! Idôr ten mo irnênga mihai chunga roirêl loiin kin thisen phuba la loiin ni iom hrang?” tiin an khêka.