1 PETERA toc2 1 PETERA 1:10 - PATHIAN LEKHABU IRTHIANG C.L. Bible (BSI)

¹⁰ Hi saninhringna chungchâng hi deipuhaiin ngûk taka zongin an suia, nin chunga Pathian thilpêk, lungkhamna zuang tung hrang chu, an lei insîr a ni.

1 PETERA toc2 1 PETERA 1:10 ပူးပေါင်းရင်းမြစ်များ

IRPHUTNA 49:10

Reng khianghrol chu Juda kuang ata irsam no nia; roirêltu khianghrol khom a ke kâr ata irsam no ni. Nam tinin ama thu la zôm an ti.

THUVÂRHAI 2:4

tangkarua angin ni zonga, irchon irthup angin ni zongin chu,

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

DANIELA 9:3

Bu ngheiin, bora puan hai, vâiphin irthua chongchaina le zongin, Rengpa Pathian tiang ki hor heia.

HAGAIA 2:7

Nam tinrênghai kha inhnîngtir ki ta, nam tinrêng thil inuamhai kha hong tung a ta, hi in hi roiinpuina’n insiptir ki ta, sipaihai Rengpa khan a ti.

ZAKARIA 6:12

Khan Sipaihai Rengpa’n hiang hin a hril tiin ama chu hril ro, ‘Khan ar hming ôn an iti kha, ama chu tuanintung takin la om a ta, Rengpa biakbuk chu lan ding thar nôk a ti.

MATHAIA 13:17

Nangni ki hril, nin ihmu hi deipu tamtak le Pathian mi tamtakin a hmu an nuam tak taka, khannisianlân, hmu thei mahai, nin inhriat khom hi inhriat an nuam tak taka, khannisian, inhre thei mahai.

MATHAIA 26:24

Mihriam Nâipa hi a thurchi an irziak ang takin a ife hrang a ni; khannisianlân, Mihriam Nâipa incheltir hrangtu chung chu a rik; kha mihriam kha chu irsiang no sian, a ta hrangin sa ual a ti,” a tia.

LUKA 10:24

Deipuhai, rênghai tamtakin nin ihmuhai ang hi hmu an nuama chu hmu mahai, nin inhriathai hi inhriat an nuama chu inhre mahai,” a ti pehaia.

LUKA 24:44

Jisua’n an kuang, “Nin laia ki om lai khan hi thuhai lele hi nangni ki hril ngai khate. Mosia Dân bua, Deipu lekhabua, inpâkna hlabuhaia ki Thurchi an lei irziak, hong tung indik ngêt hranga nangni ki lei inhrilhai kha a ni,” a tia.

JOHANA 5:39

Pathian Lekha Thu ngûk takin nin irchu ngai, a sûnga kumtuang hringna a om ti nin iam sikin. Kha Pathian Thubuhai khan ki thu inhriattirtu chu an ni.

JOHANA 7:52

Anni’n an sâma, “Nang khom Galili mi ni ini loi mo? Pathian lekha thu ngûk takin tepin lân, Galili ram ata deipu suak ngai mahai tih inhria ni ti,” an tia.

TÎRTÔNHAI SINTHO 10:43

Tukhom, Ama iam tâk chu ar hming sikin a sualhai ngaidamin om a ti, tiin deipu murdihai khomin a Thurchi an insîr ngai,” a tia.

TÎRTÔNHAI SINTHO 17:11

Khataka mihai kha chu Thesalonika mihai nêkin chu an lungrîl ar hong uala. Thu kha tui takin an irngaia, Paula thu’nsîr kha a dik le dikloi inhriatna hrangin a nitin Pathian Lekhabu an tep ngai.

TÎRTÔNHAI SINTHO 28:23

Khanchu, nikhua an khita, kha ni khan a omna ina mi tam takin an hong pana, zîng ata zân dênin Pathian ram thu an sîra, a hrilfiaa. Mosia Dan bu le deipuhai lekhabu ata Jisua chungchânga annihai kha in-iamtir tumin a hrilhaia.

TÎRTÔNHAI SINTHO 7:52

Nin puhaiin deipuhai laia tu mo deng an inthei loi? Mi fel Tak, hong hranga thu lei hriltuhai kha an thathaia, atûn nangnihai hi, kha Mi fel tak incheltirtu le thatpuhai kha nin ni.

HEBRAI toc2 HEBRAI 11:13

Iamna neiin kha mihai kha an ithi a ni. Pathianin a inkung pe kha dong phâk no khomsian, hla taka irthoka hmu’n an lei lôm tâka, irnênga hin khualmi le mi’nvâi an nih ti an lei inhriattir ta.

HEBRAI toc2 HEBRAI 11:40

Pathianin ei ta hranga thil sa ual an kung sikin. Khahai kha eini leh ngêt kêng famirkipa siamin an iom hrang tih hi Pathian thil tum a ni.

1 PETERA toc2 1 PETERA 1:11

Annia Krista irtha om chu, Krista tuangna le a hnunga chôiindôma a om hrang thu, a lei inhriattira, i zoroa mo zuang tunga, itina zuang tung hrang moh ti inhriat an tum ngai a ni.

1 PETERA toc2 1 PETERA 1:13

Khasikin lungrîl irsiam diamin irtûng chian unglân, Jisua Krista a zuang inlang tika lungkhamna nangni a zuang chôi pe hrang kha tûng ngit roi.