1 KORINTH 4:4 - PATHIAN LEKHABU IRTHIANG C.L. Bible (BSI)

⁴ Itea irdemna hrang inhre ma ung, sêlna boi ki ni tihna lak ni mah, ni fiatu chu Rengpa a ni.

1 KORINTH 4:4 ပူးပေါင်းရင်းမြစ်များ

INPÂKNA HLAHAI 143:2

Ni suak chunga hin fiana sia no ro; Ni mithmua khan mi fel rêng rêng om mahai.

INPÂKNA HLAHAI 130:3

Rengpa, kin sualnahai ni’rsinsia hletin chu, O Rengpa, tu mo an ding thei hrang?

2 KORINTH 1:12

Hi rammuala kin hringnuna le a bîkin nangni leh kin irzomna khan lungkhamna sinthotheina sikin Pathian ipêk irthiangna le dikna an ni vong ti kin sia le sa inhriatna’n a ni hril sikin kin irsong a ni.

THUVÂRHAI 21:2

Mi tinin an omlam tinrêng hi anni mita chu a dikin an bê zit ngaia, Rengpa’n chu lungrîla tum dân kêng a ivarh ngai.

INPÂKNA HLAHAI 19:12

Tu’n mo mani tho’nsualhai inhre thei hrang? Sual irthuphai ata hin ni’rkêmtir roh.

2 KORINTH 5:10

Mi tinin taksaa sinthohai, a sia mo, a sa mo, ei itho ang taka ei hmu theina hrangin Krista roirêlna toihmun makunga khan inlangin ei iom zit hrang a ni.

1 KORINTH 4:5

Khanchu Rengpa zuang nôk mâka chu a zoro loia tûte insîr insiat no roi. Rengpa zuang mâka chu, ama’n inthima thup irhmanghai chu ivâra hong inlang an ta, lungrîla tumna irthuphai khom inlang sa a ti. Khanchu, mi tinin mâni irphu tôka Pathian inpâk hlo seng an ti.

ROM KHUAA MIHAI KUANGA TÎRTÔN PAULA LEKHATHON 2:13

Dân inhriat sika ni loiin a zôma zôm sika khan Pathian makunga thiam chang thei a ni.

JOBA 40:4

keima mi chanlamboi hin, itin mo nang ki isâm thei hrang? Ki bâi ki inhruk a ni.

JOBA 27:6

Ki dikzia hi inhre mai ki ta, intha loiin ite inzak no ning, ki dam sûng chu ki thei loi changna inhre viat no ning.

JOBA 25:4

Itin mo mihai hin Pathian makunga thiam an ichang thei hrang? Itin mo nupang inei nâi a irthiang thei hrang?

TÎRTÔNHAI SINTHO 23:1

Paula’n roirêltuhai kha a hong enin felhaia, “Urênghaio, a vuan sûn ten hin Pathian makunga ki om lama ki sia le sa inhriatnaa mani, thei nona ite nei ma ung,” a tia.

JOHANA 21:17

A voithumna khan a kuang, “Simon, Johana nâipa, nangin lung ni ni thung mo?” a tia. Jisua’n a voithumna’n, “Nangin lung ni ni thung mo?” a ti pe nôk sikin, Petera irngai a siat tâka. “Rengpa itinrêng nin hriat, lung nang ki thung ti nin hriat,” a tia. Jisua’n a kuang, “Ki belrahai infa roh.

JOBA 15:14

Mihriam rêng rêng hi a irthiang thei ma ni? Nupang inei hi Pathian kôla a idik thei ma ni?

JOBA 9:20

Sual ki nih irti no khom inlân, ki chongbâi suaka hin thei loi a ni inchangtir a ni ta, demna nei ma ung ti khom inlân, ki dik loina a hmu ta.

ROM KHUAA MIHAI KUANGA TÎRTÔN PAULA LEKHATHON 4:2

Abrahama khan sintho sika thiam a changin chu song hrang a inei a ni; aniachu, Pathian makunga song hrang nei viat mah.

INPÂKNA HLAHAI 50:6

Khanchu, irvânhai khin a felna chu tâng insampui a ta, Ama Pathian ngei chu roirêltu a nia.

INPÂKNA HLAHAI 26:12

Ki ke hi hmun inzôl taka a ngîra; Inkhômnahaia khan Rengpa chu inpâk ki ti.

THUVÂRHAI 29:26

Mi tamtakin roirêltuhai ngaipoimo dongna an zong ngaia, mihriam chunga roirêlna dik chu Rengpa kuang ata suak a ni.

1 KORINTH 4:3

Nangni’n mo mi dangin mo nin ni fiana hi itea bê ma ung, keima lakin irfia ngai ma ung.