1 KORINTH 3:9 - PATHIAN LEKHABU IRTHIANG C.L. Bible (BSI)

⁹ Pathian ta hranga sin suam kin ni, nangni hi Pathian loimân nin ni. Pathian in sin nin ni sa.

1 KORINTH 3:9 ပူးပေါင်းရင်းမြစ်များ

1 PETERA toc2 1 PETERA 2:5

Khanchu nangni khom lung hring ang hong niin irtha tianga in hrang angin bukkhôm roi. Kha khan Jisua Krista zâra Pathian pom inruk, irtha tiang irbôlna inhlan hrang, ochai irthiang hong ni nin ti.

2 KORINTH 6:1

Pathian lungkhamna nin idong kha chanlamboia nin hmang inhek loina hrangin keini a sinthopuihaiin nangni kin ngên.

1 KORINTH 3:16

Pathian in nin nih ti le Pathian irtha nangnia a om tih nin inhriat loi ma ni?

MARKA 16:20

Irchutirhai khom kha an fe suaka, hmun tina thu an insîr tâka, Rengpa khomin a thophaia, an thu’nsîr kha a dik tiin le an sinirkhêl tho khom an det pehai thiaia. Amen.]

MATHAIA 9:37

Khasikin a irchutirhai kuang, “Bu ât hrang a itam tia le te, sinthotu an tôm, a tia.

ISAIA 61:11

Irnênga chîmu a hong ikêi ang hin, Irhuana thil phun a hong incher ngai ang hin Rengpa kin Pathianin inhnêna intungtir a ta, Nam tinrêngin inpâk an ti.

1 KORINTH 3:6

Keima’n ki phuna, Apolova’n tuiin an fâa, khannisianlân Pathianin a irsôntir a ni.

KOLOSA 2:7

Amaa khan irzung kaiin irzom unglân, irchuin nin om ang khan iamnaa khan ngîr indet unglân, lômthu insîr uar roi.

EFESI 2:10

Thil sa tho hrangin Krista Jisuaa khan isiama omin ama kut suak ei hong nia; kha thil sa tho kha ei omna hrangin Pathianin a lei isiam irfûk a ni.

1 KORINTH 6:19

Nin takpum kha nin sûnga om Pathian nangni ipêk Irtha Irthiang in a nih ti nin inhriat loi ma ni? Mâni ta ni ta mak chêia,

TÎRTÔNHAI SINTHO 4:11

Jisua hi a ni, Pathian Thu bu’n, ‘Ama hi kêng nangni in sintuhaiin nin inuamloi lung nin ipai kha, a kila lung poimo tak a hong ni ta,’ a tia.

3 JOHANA 1:8

Khanchu, thutak hranga sin suam ei ni, ei inhriat theina hrangin keini hin hi mihai hi ei ichangpui hrang a ni.

1 TIMOTHEA toc2 1 TIMOTHEA 3:15

Khannisian, kin hnung taka Pathian sûngkua, Pathian hring Koiindang, thutak vongtuhai chu, i anga om hrang mani, nin hriat theina hrangin ki hong irziak a ni.

ISAIA 61:3

Zion khua beidonghai inthâi hrang le an beidongnahai ata inhartirhai hrangin, porche taka om inhartirhai nôkna hrangin, a lei ngûi tâkhai inpâkna hla insaktirhai nôk hrangin tîr ki ni. Rengpa’n ama chôiindôm hranga a iphun thing inditom taka an nih ti thu hril hranga ki ni.

2 KORINTH 6:16

Pathian tempil le millimhai khomin imo irzomna an inei? Eini chu Pathian hring tempil kêng ei ni. Pathianin, “Ki mihai kuang in sin ki ta, an kuang om ki ti; Keima an Pathian ni ki ti,” a iti ang khan.

JEREMIA 2:21

A chi diktak, grep ra sa zât angin nang ki phuna, khan en ro, imo ni hong ichang tâk? A thua hmanghmunboi grep hrui angin kêng ni om ta.

INPÂKNA HLAHAI 118:22

In sinhai lung indit loi kha a kila lung poimo tak a hong ni ta.

INPÂKNA HLAHAI 72:16

Irnênga, tâng chunghaia hin, bu tamtak om a ta; A vûi chu Lebanon angin inhnîng siam siam a ta, Khuaa mihai chu irnêng hloisûl angin indôn nut nut an ti.

HEBRAI toc2 HEBRAI 3:6

Krista rêk chu Pathian in sûng mihai chunga Nâipa’n iam a iom a ni. A in sûng mihai chu einihai hi ei ni, ei ihâina intûk indetin ei itûng hi ei irnghat ngit ngânin chu.

MATHAIA 16:18

Khasikin nang Petera; lungpui ni ni tih nang ki hril, hi lungpui chunga hin ki koiindang inding ki ta, thina khomin inhnê no ni.

ISAIA 61:5

Nam danghai chu hmanghai nin ta, nin sa vâihai enkol an ti, ram dang mihaiin nin loi phol an ta, nin grep irhuanhai chuan an ti.

ISAIA 32:20

Tui hnâra thil phun ngai angin, sehrât le sakuartung inlêngtirhai chu hoi pehai a ti.

THUVÂRHAI 9:1

Vârna khan in a sina, a chopui sari a phuna.

MATHAIA 15:13

Jisua’n, “Thing murdi ka Pa irvâna mi iphun ni no chu phâipaiin om an ti.