1 JOHANA 5:4 - PATHIAN LEKHABU IRTHIANG C.L. Bible (BSI)

⁴ Pathian nei murdi’n chu rammual hi an hnê ngai: hi hi a ni rammual inhnêa ngamna chu, ei iamna hi.

1 JOHANA 5:4 ပူးပေါင်းရင်းမြစ်များ

1 KORINTH 15:57

Khannisian, ei Rengpa Jisua Krista zâra inhnêna ni pêktu Pathian kuang lômthu om ri se!

1 JOHANA 4:4

Nâihaio, nangni chu Pathian ata suak nin nia, nangnia om Irtha kha rammuala om nêkin chu a roiinpui ual sikin deipu dolhai kha nin ngam tâk kêng.

JOHANA 16:33

Keimaa irtharngamna nin hmûna hrangin nin kuang hi thu hi ki insîr a ni; rammuala hin intak nin tuang ngai; khannisian hâi takin om roi! Keiin rammual kin hnê ta,” a tia.

1 JOHANA 3:9

Tukhom Pathian nâi chu sual ngai maka, Pathian nitna tak amaa a om maia; Pathian kha a pa a ni sikin a isual thei ta loi a ni.

1 JOHANA 5:5

Jisua hi Pathian Nâipa a nih ti iamtu vai no chu tu mo rammual hi inhnê thei hrang?

THUPHUANG 3:21

An hnêtu ka chu rêngtoihmun kôla intoitir ki ti; kei khomin kin hnêa ka Pa rêngtoihmun kôla ki itoi ang hin.

THUPHUANG 12:11

Belrate thisen le thutak an inpuang sika khan inhnêna an changa, an hringna khom thi ngam rakin an phal sa.

THUPHUANG 3:5

An hnêtu ka chu khaang khan puan chekhai insiltir ni an ta, hringna lekhabua irthokin an irhming kha pai viat no ning. Ka Pa le vântîrtônhai makunga ki ta an ni tiin inpuang inlang ki ti.

THUPHUANG 2:11

“Irtha’n koiindanghai kuang thu a insîr hi mikuar nei murdi’n chu irngai roi! An hnêtu ka chu thina inhnina khan ite nangni lo no ni, a ti,” tiin.

THUPHUANG 3:12

An hnêtu kha chu ki Pathian biak ina chopuiin siam ki ta, kha hmuna khan om ta a ti. Khan, amaa khan ki Pathian irhming le, ki Pathian khopui Jerusalem thar, ki Pathian kuang ata irvâna irthoka zuang chum hrang irhming le ki’rhming thar irziak ki ti.

THUPHUANG 2:26

An hnêtu kakai le a mong dêna ki nuamlam sintuhai chu, ka Pa kuanga irthoka ki hmu ang taka irchamneina kha pe ki ti; nam tin chunga thîr khianghrol leh roirêl a ta, pilbêl anga intôk khoi chit hrangin irchamneina pe sa ki ti. Sikhovâr khom pe sa ki ti.

1 JOHANA 5:1

Tukhom Jisua hi Krista kha a nih ti iam murdi chu Pathian nâi an ni. Tukhom Pa lungthungtu khan nâi khom lung a ithung sa ngai a ni.

THUPHUANG 15:2

Khan, hlîmen mei leh irpol tuikhanglian nia irhoi taka inlang ki hmua. Sahrâng le a’rlim le a’rhming nambar inhnêtuhai kha ki hmu sa. Pathian perkhuang chôiin, hlîmen tuikhanglian muanga khan an ngîra.

THUPHUANG 2:7

“Irtha’n koiindanghai kuanga thu a insîr hi mikuar nei murdi’n chu irngai roi! An hnêtu ka chu Pathian Irhuana hringna thing ra infatir ki ti,” tiin.

THUPHUANG 2:17

“Irtha’n koiindanghai kuang thu a insîr hi mikuar nei murdi’n irngai roi! An hnêtu ka chu mana irthup kha pe ki ta, lung ngoi a chunga irhming thar irziak, a dongtu ti no’n chu tûte’n an inhriat ngai loi kha pe sa ki ti, a ti,” tiin.

JOHANA 1:13

Kha mihai kha thisena irzir ni mahai, pasal nuamlama irzir khom ni mahai, Pathian ata irzir an ni.

JOHANA 3:3

Jisua’n a sâma, “Thudik tak nang ki hril, mi tukhom a suakinthar no’n chu Pathian Ram hmu thei no ni,” a tia.

1 JOHANA 2:29

Ama kha mi diktak a ni ti nin inhriatin chu, dik taka thoptu ka chu a nâihai an nih ti inhre roi.

1 JOHANA 5:18

Tukhom Pathian inei chu thil tho’nsual mah ti ei inhriata; Pathian Neitu khan a vong inhringa, mi sual khan a itôn theiloi a ni.