1 JOHANA 4:4 - PATHIAN LEKHABU IRTHIANG C.L. Bible (BSI)

⁴ Nâihaio, nangni chu Pathian ata suak nin nia, nangnia om Irtha kha rammuala om nêkin chu a roiinpui ual sikin deipu dolhai kha nin ngam tâk kêng.

1 JOHANA 4:4 ပူးပေါင်းရင်းမြစ်များ

ROM KHUAA MIHAI KUANGA TÎRTÔN PAULA LEKHATHON 8:31

Kha thua khan imo ei insîr hrang tâk? Pathian chu eini tiang a changin chu tu’n mo ni doi thei hrang?

1 JOHANA 5:4

Pathian nei murdi’n chu rammual hi an hnê ngai: hi hi a ni rammual inhnêa ngamna chu, ei iamna hi.

ROM KHUAA MIHAI KUANGA TÎRTÔN PAULA LEKHATHON 8:37

Thei no ni! Khahai murdi ata khan a ni lungthungtu sikin roiinpui taka ngamtu ei ni.

1 JOHANA 4:16

Pathianin lung a ni thungna chu eini ngêtin ei inhriata, ei iam ta a ni, Pathian chu lungthungna a nia, kha lungthungnaa om mai kha Pathiana a om maia, Pathian khom amaa a om mai a ni.

1 KORINTH 2:12

Ei idong hi rammual irtha ni maka, Pathianin thil a ni ipêkhai tinrêng ei inhriat theina hrangin Pathian zu itîr Irtha kha ei idong ual a ni.

1 JOHANA 5:19

Rammual pumpui hi Mi sualpa thuhnuaia om sian khom Pathian ata suak ei nih ti ei inhriat.

1 JOHANA 4:13

A’rtha ni pêk hi Amaa ei oma, Ama khom einia a om tih ei inhriatna chu a ni.

EFESI 6:10

A mong taka chu Rengpa le a hrâtna ata kha sinthotheina la mai ngai roi.

EFESI 3:17

iamna sikin Krista chu nin milunga châm sianlân, lungthungnaa irzung kaiin phûm indet nin ini hrang a ni.

THUPHUANG 12:11

Belrate thisen le thutak an inpuang sika khan inhnêna an changa, an hringna khom thi ngam rakin an phal sa.

1 JOHANA 3:24

Pathian thupêk zômtu chu Pathiana a om maia, Pathian khom a kuang a iom mai a ni. Khan, hi hi Pathian einia a om mai tih ei inhriatna a ni: Irtha a ni ipêk hi a ni.

JOHANA 12:31

Atûn hin rammual chungchâng ngaitua lai a ni, atûn hin rammual roirêltu hi pai suak ni a ti.

JOHANA 17:23

Keima annia, nang keimaa omin, an inpumkhat tak takna hrangin; khanchu ni ni itîr a nih ti rammualin inhriat an ta, lung ni ni thung angin anni khom lung ni thung tih rammualin inhriat an ti.

1 JOHANA 4:6

Eini chu Pathian ata suak ei ni; Pathian inhretuhai khan ei thu khom an irngai ngai; Pathian ata suak loi chu ei thu khom irngaitua mahai; khataka khan irtha diktak le dikloi ei inhriat thei a ni.

2 KORINTH 6:16

Pathian tempil le millimhai khomin imo irzomna an inei? Eini chu Pathian hring tempil kêng ei ni. Pathianin, “Ki mihai kuang in sin ki ta, an kuang om ki ti; Keima an Pathian ni ki ti,” a iti ang khan.

1 JOHANA 2:13

Pahaio, ama chu a phut ata om mai kha nin inhriat tâk sikin nin kuang ki irziak a ni. Vânglaihai, Setan kha nin inhnê tâk sikin nin kuang ki irziak a ni.

1 KORINTH 6:13

Fâknêk chu phîng ta hrang a nia, phîng chu fâknêk ta hrang a ni; khannisian, Pathianin inboi seng seng a ti. Takpum hi irditna sanoa hmang hrang ni maka, Rengpa ta hrang a ni ual; Rengpa khom takpum ta hrang a ni.

EFESI 2:2

Kha laia khan chu rammuala lampui sa loihai zuiin, boiruaka irtha sinthotheinahai roirêltu thu nin izôm a ni, atûna Pathian thu zôm loihai laia sintho mai irtha hi.

JOHANA 16:11

roirêlna lama khom thiamno an ichang a ni, hi rammual roirêltu khom thiamno changin a om tâk sikin.

2 KORINTH 4:4

Hi rammuala pathian saloi khan an milung inchong inthima a sia pehai sikin an iiam loi a ni. Krista, Pathian angna neitu roiinpuizia Thurchi sa vâr an chunga zuang inlang kha an hmu loina hrangin an mit a incho pehai a ni.

JOHANA 14:30

Zoro sôt ualin chu nin kuang thu insîr intam ta no ning, hi rammual roirêlpu hi a hong hrang sikin, ama’n ki chunga irchamnei mah,

1 JOHANA 2:1

Nâihaio, thil sual nin tho loina hrangin hi thu hi nin kuang ki irziak a ni. Aniachu, tukhom hong sual ta sianlân, Pa kuanga nin sîrpuitu mi fel, Jisua Krista kha, ei nei.

1 JOHANA 3:20

Ei milung luan thiamno a nin changtirin te, Pathian kha ei milung nêkin a roiinpui uala, itinrêng an hriat zit a nih ti ei inhriata.