1 JOHANA 4:1 - PATHIAN LEKHABU IRTHIANG C.L. Bible (BSI)

¹ Inditom takhaio, irtha narân hi iam no roi, irtha chu Pathian ata zuang suak a ni le ni loi fia bak ngai roi; deipu dol tamtak rammuala an hong suak tâk sikin.

1 JOHANA 4:1 ပူးပေါင်းရင်းမြစ်များ

1 THESALONIKA 5:21

Itinrêng fia ual unglân, a sa kha pom khak unglân,

2 PETERA toc2 2 PETERA 2:1

Mipuihai laia deipu dol an iom ngai ang khan nangni laia khom irchutirna dikloi la hong om a ti; mi insiat thei irchutirna dikloi inrûkin la hong lûtpui an ta; Inlaltak anni irtantu kha, hnôlin mâni siatna inrang takin intungtir an ti.

1 TIMOTHEA toc2 1 TIMOTHEA 4:1

Zoro hnungkhôna chu mihaiin iamna thu hi la’rheisan an ti, irtha dikloi la iam an ta, ramilhlihai irchutirna la zui an tih ti irtha fel takin an sîr.

2 JOHANA 1:7

Mi huang ngaihai, Jisua Krista chu taksa irputin a zuang ti pomloihai, rammuala an hong suak tâka, khaang mihai kha huangtu le Krista doituhai an ni.

THUVÂRHAI 14:15

Into’n chu chong murdi a iama; mi vârin chu a ke sir hrang a en bak ngai.

1 KORINTH 14:29

Thuhriltuhai khom mi inhni mani inthum mani vaiin hrilhai sianlân, mi dangin a sate’n lei irngai ri sehai.

1 JOHANA 2:18

Nâihaio, zoro hnungkhôn a hong ni tâka, Krista râl la hong om a ti, ti nin inhriat ang khan, atûn hin Krista râlhai tamtak an hong suak ta; khasika khan zoro hnungkhôn kha a ni tah ti ei inhriat a ni.

LUKA 12:57

“A dik le dikloi kha ithoa mo nangni khomin nin itheithâk mai loi?

LUKA 21:8

Ama’n, “Hruai pai nin ni nona hrangin irdîn roi; ki’rhming songin, ‘keima hi ki ni, a zoro tung hrang a ni ta,’ tiin mi tamtak hong suak an ti, an hnung zui no roi.

2 TIMOTHEA toc2 2 TIMOTHEA 3:13

Mi sualhai le tho pa paihai chu an dongtum hong siat tîr tîr an ti, mi dang huang ngai khomsian anni ngei khom huang an ti.

THUPHUANG 2:2

Ni sintho murdia ni sin irnak songzia hai le ni diarzia hai, mi sualhai nirngai theizia hai, ni tirtôn ni loia tirtôn dang irtihai kha ni fiaa, milak an nih ti nin hriat tâkzia hai kha kin hriat.

1 KORINTH 12:10

mi dang kuang thuhril theina pêk a nia, mi dang kuang Irtha dik le dikloi inhriat theina pêk a nia, mi dang kuang chong inhriat loi chi dang dang pêk a ni, mi dang kuang chong inhriatloi hrilfiah theina pêk a ni.

TÎRTÔNHAI SINTHO 20:29

Ki hnunga chu inê ichiomhai nin laia hong lût an ta, belra pâlhai kha hôi no nihai tih kin hriat.

MARKA 13:21

“Kha zoro tika chu, tukhomin nin kuang, ‘En u ta, Krista chu hi hi te,’ mani, ‘En u ta, so so mani,’ an ti khomin taksôn no roi.

JEREMIA 5:31

deipuhai khan thu milak bana chu hril suak mahaia; ochaihai chu deipuhai thupêkin roi an rêla, ki mipuihai khomin an lôm lamtak a ni. Nikhua a hek tika chu itin mo an itho hrang tâk?” a tia.

TÎRTÔNHAI SINTHO 17:11

Khataka mihai kha chu Thesalonika mihai nêkin chu an lungrîl ar hong uala. Thu kha tui takin an irngaia, Paula thu’nsîr kha a dik le dikloi inhriatna hrangin a nitin Pathian Lekhabu an tep ngai.

1 RÊNGHAI 13:18

Bethel-a deipu tarpa khan a kuang, “Kei khom nangma ang dênin deipu ki nia, Rengpa itîr vântîrtônin ki kuang, ni ina fâk nêk zong hrangin ama kha hong hruai roh a ni iti a ni,” tiin minlak a thoa.

JEREMIA 14:14

Khan Rengpa’n a iti chu, “Deipu khan ki’rhmingin minlak a tho a ni, anni chu tîrhai ma unga, thupêkin an laia chongbâi khat lua ki iti loi a ni. Inlârna thu an ihrilhai kha keima ata suak ni maka; an thu inpuanghai chu hlutna nei loi, an lungrîla an ingaitua lik a ni.

JEREMIA 23:16

Rengpa itinrêng sinthei khan Jerusalem mihai kuang a ti pea, “Deipuhai chong irngai no ro; tûngna dik loihaiin nangni an infâ a ni. Keima iti ni loiin an lungrîla an ingaitua kha nangni an ihril ngai a ni.

1 THESALONIKA 5:20

Thuhrilhai khom hmusit no roi.

2 THESALONIKA toc2 2 THESALONIKA 2:2

Irthaa insîr mani, thuhril mani, kin lekha sikin mani sirsana, “Rengpa nikhua kha a tung mai ta,” ti thu’nthang sika nin lungrîl inthinga inbuai loi hrangin nangni ki ngên.

1 JOHANA 2:7

Inditom takhaio, nin kuang thupêk thar ki hong irziak ni mak e, thupêk milui, a phut ata nin inei kha ki irziak a ni. Thupêk milui kha, nin inhriat sai tâk kha a ni.

3 JOHANA 1:11

Urêng inditom tak, a saloi chu irchu no’n lân, a sa chu irchu ual roh. Thil sa thotu chu Pathiana suak a nia, sin saloi thotu chu Pathian la hmu ngai mah.