1 JOHANA 3:2 - PATHIAN LEKHABU IRTHIANG C.L. Bible (BSI)

² Inditom takhaio, atûn hin Pathian nâihai ei ni tâka, itin mo ei la iom hrang tih chu lan lang mah. Ama a zuang inlâr tika chu ama angin om ei tih iti ei inhriat, a nilam ang takin ama kha ei la hmu hrang sikin.

1 JOHANA 3:2 ပူးပေါင်းရင်းမြစ်များ

JOBA 19:26

Ki vunhai hi a siat zoi le, ki taksa hin Pathian la hmu ki ti.

INPÂKNA HLAHAI 16:11

Nangin hringna lampui kha nin hretir ni ta, ni makunga chu râifâna sip lêtin a oma; ni kut chang tiang chu kumkhuaa lômna hrang a om.

INPÂKNA HLAHAI 17:15

Keima’n chu felna neiin ni hmêl ki hmua: Nangma angna neia ki meng tika chu lunginchuk ta ki ti.

INPÂKNA HLAHAI 31:19

O, ni satna, nangma chituhai hrangin ni ibukkhôm kha, a roiinpui bâka! Mihriam nâihai mithmua nangmaa iamna irnghathai hranga a itho pe kha.

ISAIA 56:5

Ki Tempil, ki in sûng ngêta hin, ama inhriat maina siam pe ki ta, nâinupang le pasal neituhai laia irhming sa infelhai ki ti. A’rhming dâi ngai ta no ni.

MALAKIA 3:2

“Khannisianlân, a zuangna nikhuaa khan tu mo om thei hranga? Ama a zuang inlang tika chu tu mo ngîr ni? ama fiana mei ang le puan sôptu sabon ang a nia;

MATHAIA 5:8

“Milunga irthianghai chu an vân a sa e, Pathian an la ihmu hrang a ni.

LUKA 17:30

Mihriam Nâipa a zuang tika chu khaang dên khan a ini hrang a ni.

LUKA 20:36

Thi khom thi nôk thei ta no nihai, vântîrtônhai angin om an ti. Thina ata an thoi nôk tâk sikin Pathian nâihai ni ta an ti.

JOHANA 1:12

Mi senkhatin chu an lei lôma, ama iamtu murdihai chu an kuang Pathian nâihai ni theina hrang a pêka.

JOHANA 11:52

An nam irthûl vai khom ni loiin Pathian nâi rammuala indarhai pâl khata a hruaikhôm nôkna hrang khom a insîr a ni.

JOHANA 17:24

Ka Pa, nangin mi, ni ni ipêkhai hi ki kuanga om hrangin ki nuam, nangin lung ni ni thung sika rammual irsiang mâna ni ipêk ki roiinpuina kha an hmûna hrangin;

ROM KHUAA MIHAI KUANGA TÎRTÔN PAULA LEKHATHON 8:16

Kha Irtha ngei khan einia irtha leh irkopin Pathian nâihai ei ni a nin hriattira.

ROM KHUAA MIHAI KUANGA TÎRTÔN PAULA LEKHATHON 8:18

Atûna tuangnahai hi nakana ei ta hranga roiinpuina inlang hrang leh khan irkhek inrukin bê ma ung.

ROM KHUAA MIHAI KUANGA TÎRTÔN PAULA LEKHATHON 8:19

Thil siam murdi’n chu Pathianin a nâihai a hong inlangtir zoro an nghâkhmo tak tak a ni.

ROM KHUAA MIHAI KUANGA TÎRTÔN PAULA LEKHATHON 8:29

a lei inhriathai kha ama Nâipa ang taka om hrangin a lei inkunga; khanchu, a Nâipa chu urêng tamtak laia nâi lutîr tak a hong ini hrang a ni.

1 KORINTH 13:12

Atûn chu hlîmena inlang rêi ruai ang dênin ki’rhmua, nakana chu hmâi irtongin hmu ta ei ti. Atûn chu a chimrip vai ei inhriata, nakana chu Pathianin nin inhriat infel ang hin lan hriat infel ei ti.

1 KORINTH 15:49

Khan, irnênga siamtu ang kha ei ini angin, irvâna irthoka zuangpu angna khom la nei ei ti.

1 KORINTH 2:9

Pathian Thu’n, “Pathianin ama lungthunghai ta hranga an irfûk angin chu, Mita hmu ngailoi le mikuara inhre ngai loi. Mihriam lungrîla lût ngai loi a ni,” a iti angin.

2 KORINTH 3:18

Keini chu kin rêngin hmâi irkhu loiin Rengpa roiinpuina chu kin inlangtira, roiinpui ata roiinpui ual ual hrangin, ama irangpuia om hrangin, irthiangtir mai ei ni, kha kha Rengpa ti a ni, ama kha Irtha a ni.

2 KORINTH 4:17

Sôtnote sûnga kin intakna tuang nêp taka hin kumtuang roiinpuina, tetûk inruk loi dôra irkhêl, a ni siam pe a ni.

GALATIA 3:26

Khanchu Krista Jisua nin iamna sikin nin rêngin Pathian nâihai nin ni ta;

GALATIA 4:6

Nâi nin nih ti a felna hrangin, Pathian khan a Nâipa Irtha kha ei milung sûnga a hong tîra, “Abba, Ka pa” tiin a khêk suak ngai.

FILIPI 3:21

Itinrêng ar cham hnuaia sia theitu khan, ei taksa intem tak hi ama taksa roiinpui anga om hrangin a sinthotheina khan a ni indanglamtir hrang a ni.

KOLOSA 3:4

Nin hringna bul, Krista kha, a zuang inlang tena chu nangni khom a kuang roiinpui takin inlang sa nin ti.

HEBRAI toc2 HEBRAI 9:28

Khaang dênin Krista khom kha mi tamtakhai sual inboi hrangin voikhat irbôlna’n inhlan a ni tâka. Sualhai lapai hrang ni ta loiin ama lei nghâktuhai saninhringnaa hruai lût hrangin a izuang nôk hrang a ni.

2 PETERA toc2 2 PETERA 1:4

Khanchu; thilpêk roiinpui tak le hlu tak a inkung chu, a ni pêk tâka, khasika khan rammual irzukna, a nin siatthei ata nin suaka, Pathian zia nin irkoppui thei tâk a ni.

1 JOHANA 2:28

Atûn hin, Nâihaio, a zuang inlâr tika hâi taka ei oma, a zuang Nikhuaa inzak loia ei om theina hrangin Kristaa khan om mai roi.

1 JOHANA 2:7

Inditom takhaio, nin kuang thupêk thar ki hong irziak ni mak e, thupêk milui, a phut ata nin inei kha ki irziak a ni. Thupêk milui kha, nin inhriat sai tâk kha a ni.

1 JOHANA 3:1

Irngai u ta, Pa lung ni thungna hi a lûminna bâka! Pathian nâihaia a ni ibe tâk hi; khaang kha ei hong ini kêng. Hi sika hin rammualin nin hre ma, ama kha an inhriat no sikin.

1 JOHANA 3:10

Pathian nâihai le Diabola nâihai inlang infelna chu hi hi a ni: tukhom thil dik tholoi le a urêng lungthung loi chu Pathiana suak ni mah.

1 JOHANA 3:21

Inditom takhaio, ei lungrîlin thiamno a nin changtir no’n chu Pathian ei hnôl ngam ngai.

1 JOHANA 5:1

Tukhom Jisua hi Krista kha a nih ti iam murdi chu Pathian nâi an ni. Tukhom Pa lungthungtu khan nâi khom lung a ithung sa ngai a ni.

THUPHUANG 22:4

A hmêl hmu an ta, ar hming an michala chuang sa a ti.