1 JOHANA 2:5 - PATHIAN LEKHABU IRTHIANG C.L. Bible (BSI)

⁵ Tukhomin a thu a zômin chu Pathian kha a sân lung a ithung a ni. Amaa ei om ngêt tih inhriat infelna hrang chu hi hi a ni:

1 JOHANA 2:5 ပူးပေါင်းရင်းမြစ်များ

JOHANA 14:23

Jisua’n a sâma, “Mi’n lung an ni thungin chu ki thu khom zôm a ta, ka Pa’n ama kha lungthung a ta, a kuang zuang kin ta, a kuang om mai kin ti.

JOHANA 14:21

Tukhom ki thupêkhai poma zômpu chu lung ni thungpu a ni, lung ni thungpu chu ka Pa’n lungthung a ta, kei khomin lungthung ki ti, a kuang inlâr sa ki ti,” a tia.

LUKA 11:28

Jisua’n a sâma, “Pathian thu inhriata zômhai chu an vân a sa ual,” a ti pea.

1 JOHANA 3:24

Pathian thupêk zômtu chu Pathiana a om maia, Pathian khom a kuang a iom mai a ni. Khan, hi hi Pathian einia a om mai tih ei inhriatna a ni: Irtha a ni ipêk hi a ni.

INPÂKNA HLAHAI 119:2

A thupêk zômhai chu an vân a sa, Lungrîl murdia ama zongtuhai chu.

THUPHUANG 14:12

Hi hin Pathian mihai, a thupêk zôma Jisua ta hranga iamomhai chu tuangdiarna an inei a ni.

1 JOHANA 5:2

Pathian nâihai lung ei thung a ni ti ei inhriatna chu, Pathian lung ei thunga, a thupêkhai ei izôm hi a ni.

JOHANA 15:5

“Kei hi grep râng ki ni, nangni a ônhai nin ni. Tukhom keimaa a om maia, kei khom amaa ki om maina chu tamtakin a ra ngai; keima boiin ite tho thei mak chêi.

EZEKIELA 36:27

Khanchu nangnia khan ki’rtha sia ki ta, ki dânhai chu zômin, ki thupêk murdihai chu vongindik ta nin ti.

1 JOHANA 4:18

Lungthungnaa hin chitna rêng om maka, lungthungna irkip khan chitna murdi an hnot irhmang ngai. Chitna hi hremna a ni sa, ichia om chu lungthungnaa a la irkip loi a ni.

INPÂKNA HLAHAI 119:146

Nang ki koi ngaia; ni sansuak ro, Khanchu ni dânhai chu zôm kin ti.

2 KORINTH 5:17

Tukhom, Kristaa a omin chu, thilsiamthar a hong nia, thil miluihai chu a boia, irngai u ta, a hong thar ta.

THUPHUANG 12:17

Dragon kha nupangnu chunga a ning an mur tak taka, nupangnu irchi la om Pathian thupêk zômhai le Jisua thutak inpuang pomhai kha doi hrangin a fe tâk.

1 JOHANA 5:20

Pathian Nâipa kha a zuanga, Pathian tak kha inhre thei hrangin inhriat theina a ni pêk ti ei inhriat sa; khanchu Pathian tak khan ei iom a nia, Nâipa Jisua Kristaa khan. Hi hi a ni Pathian dik tak kha, hi hi a ni kumtuang hringna chu.

1 KORINTH 1:30

Nangni chu, Krista Jisuaa khan nin om tâka; ama chu Pathian kuang ata, eini ta hrangin chu vârna hai, thiam inchangtirna hai, irthiangna hai le irtanna hai a lei ni tâka.

ROM KHUAA MIHAI KUANGA TÎRTÔN PAULA LEKHATHON 8:1

Khasika khan atûn chu Krista Jisua omhai ta hrangin chu thiamno inchangtirna zel om ta mah.

JAKOBA toc2 JAKOBA 2:22

A iamna le a sintho kha ar hlopa, a sintho khan a iamna kha ar kiptir ta ti nin hriat.

2 KORINTH 5:21

Krista khan sual nei mah, Khannisian, ama leh irzoma Pathian felna kha ei dong sa theina hrangin Pathianin ei sual a indong a ni.

JOHANA 6:56

Tukhom ki taksa fâka, ki thisen in chu keimaa a om maia, kei khom amaa ki iom a ni.

THUHRILTU 8:5

A thupêkhai ni zôm sûng chu lungthi takin om ni ta, khan milung vârin thil tinrênga a zoro diktak le a dânhai chu an hriat ngai.

INPÂKNA HLAHAI 106:3

Roirêlna vong insahai chu an vân a sa e, Itiklai khoma fel taka thotu leh.

THUVÂRHAI 8:32

“Thoi roi, ruathartehai, ki thu irngai roi, ki thupêk zôm unglân nin râlvân sa a ti.

INPÂKNA HLAHAI 119:4

Nangma’n ni dânhai chu ni ni pêka; Sathnem irngai taka zôm hrangin ni ni bêa.

THUVÂRHAI 28:7

Ruatharte, dân zômtu chu mi vâr a nia; tukhom nuamninga om ngaihai ruala siam chu a mualinphoina an tung pe ngai.

INPÂKNA HLAHAI 105:45

A thupêk chu an zôma, A dânhai chu an vong insa theina hrangin. Rengpa chu inpâk roi.

1 JOHANA 4:17

Roirêl nikhua kha chi viat loia ei om theina hrangin einia lungthungna chu irkiptir a ni ta; rammuala khom hin ama ang takin ei iom ta a ni.

2 JOHANA 1:6

A thupêk ang dêna ei iom hi lungthungna chu a ni; hi hi a thupêk, a phut ata nin inhriat tâk kha a ni, “Lungthungnaa nin om mai hrang a ni,” ti hi.