1 TIMOTHEA toc2 1 TIMOTHEA 6:16 - PATHIAN LEKHABU IRTHIANG C.L. Bible (BSI)

¹⁶ Ama vai hi thi theiloi, nâisâiloi zât, vâra om, tûte la ihmu loi le hmu thei ni sa loi kha a ni, a kuanga chôiindômna le sinthotheina kumtuangin om ri se. Amen.

1 TIMOTHEA toc2 1 TIMOTHEA 6:16 ပူးပေါင်းရင်းမြစ်များ

JOBA 37:23

Itinrêngthothei chu hmu suak thei loiin sinthotheina le dikna khan a roiinpuitira. Felna a nei intama, phâk zoi zât ni mah.

INPÂKNA HLAHAI 104:2

Nangma’n chu vâr kha puan angin nir bela; Irvânhai khi puan in chung angin ni kaiphara:

INPÂKNA HLAHAI 90:2

Tânghai om mâna, Irnêng le rammual nin ding mân khom khan, Kumtuang ata kumtuang dên khomin nang chu Pathian ni ni.

FESUAKNA 3:14

Khanchu, Pathianin Mosia kuang khan, “Kei chu ‘OMA KI NI’, a tia. Khanchu nangma’n Israel irchihai kuanga khan, OMA khan nangnihai hruai suak hrangin a ni zuang itîr a ni, ni iti hrang a ni,” a tia.

FESUAKNA 33:20

Ki hmâi chu nang irhmutir no ning, mi tukhomin an ni hmu’n chu an ihring ngai loi a ni.

ISAIA 57:15

Hmun irsânga om, kumtuanga hring, mi irthiangin hiang hin a ti: Hmun irthiang irsângtaka om khom inlân, mi thuhnuairôl le irsîrhai kuang chu, chôiirsâng le nin har nôk hrangin ki om mai ngai.

HABAKUKA 3:4

A’rtêkzia kha vâr ang dên a nia; A kut ata vâr irtêk a hong suaka, Ama khan a sinthotheina irthupin a om.

JOHANA 1:18

Tukhomin Pathian hmu ngai mahai; Pa Nâipa nei sun, a rôpsuama om khan, a thurchi an hriattir ta a ni.

JOHANA 14:9

Jisua’n, “Filipa, hi dôr hi nin kuang ki om tâka chu, nin ni la inhriat loi ma ni? Keima ni hmu chu Pa hmu a ni. Itina mo ‘Pa chu nir hmutir roh’ ni iti?

JOHANA 6:46

Tûte’n Pa an hmu tâk ki iti ni mah; Pa kuang ata zuangpu vaiin kêng Pa chu a ihmu.

JOHANA 8:58

Jisua’n an kuang, “Thudik kêng nangni ki ihril. Abrahama suak mân khom ki om,” tiin a sâma.

EFESI 3:21

itiklai khomin, Koiindanga le Krista kuang roiinpuina kumtuangin om ri se! Amen.

DÂN INHNINA 32:40

Pathian hring ki ni hi, bân pharin ki nuam le thu kin kung ngai.

FILIPI 4:20

Ei Pathian le ei Pa kha kumtuangin roiinpui ri se! Amen.

KOLOSA 1:15

Krista kha hmu theiloi Pathian angpui, thil siam murdi mahruaitu a ni.

1 TIMOTHEA toc2 1 TIMOTHEA 1:17

Inlaltak kumtuanga om, thi theiloi, mita hmu theiloi, Pathian tak vai kuanga khan chôiirsângna le roiinpuina kumtuangin om ri se. Amen.

HEBRAI toc2 HEBRAI 13:8

Jisua Krista chu mizân, a vuan le kumkhua’n a pangai dên a ni.

JAKOBA toc2 JAKOBA 1:17

Thilpêk sa le thilpêk irkip chu irvâna irthoka danglamna le irthûlna nei viat ngailoi Pathian, irvâna vâr Siamtu kuanga irthoka zuang chum ngai a ni.

1 JOHANA 1:5

A Nâipa ata thu kin inhriat nin kuanga kin inpuang chu hi hi a ni: Pathian chu vâr a nia, amaa inthim zel om mah.

1 JOHANA 1:7

Ama vâra a om angin vâra ei iomna san chu ei irpôlkhôm hi a ni, A Nâipa Jisua thisenin ei sual murdi a ni’rsûkinfai tâk a ni.

1 JOHANA 4:12

Tukhomin Pathian hmu ngai mahaia chu, lung ei irthung irhlômin chu Pathian einia a om maia, a lungthungna khom einia irkiptirin a iom a ni.

JUDA 1:25

Pathian omsun, a ni saninhringtu kuang khan, ei Rengpa Jisua Krista zâra, roiinpuina hai, inlalna hai, sinthotheina hai, irchamneina hai zoro theng tâk murdihai ata atûn le kumtuang dênin om mai ri se. Amen.

THUPHUANG 1:6

khua le tui le a Pathian le a Pa sintho hranga ochaihaia ni siamtu kuang, a ni, ama kuang ngei roiinpuina le irchamneina kumtuangin om mai ri se! Amen.

THUPHUANG 1:8

“Keima hi a maton tak le a hnungkhôn tak ki ni,” Rengpa Pathian om mai tâk le om tâka le la om mai hrang, Itinrêngthothei khan a ti.

THUPHUANG 21:3

Rengtoihmuna irthokin hnukirhai inringtakin, “Atûn chu Pathian in kha mihriamhai laia a zuang om ta! Ama chu an kuang om a ta, anni chu a mihai ni an ti. Pathian ngei kha an kuang om a ta, an Pathian ni a ti.

THUPHUANG 22:5

Zân om ta no nia, meiser le misa khom nang ta no ni; Rengpa Pathian khan êl invâr ta a ta, kumtuang kumtuangin rênghai angin roirêl ta an ti.

THUPHUANG 4:11

“Kin Rengpa le Kin Pathian! Roiinpuina le chôiindômna, sinthotheina hai hmurua ni ni, Nangma’n thil tinrêng ni siama, Ni’rchama om le a hring an ni,” an tia.

THUPHUANG 7:12

“Amen! Inpâkna hai, roiinpuina hai, vârna hai, lômthu insîrna hai, chôiindômna hai, Sinthotheina hai, Kumkhontuangin ei Pathian ta a ni mai! Amen!” tiin Pathian chubai a mûka.