1 TIMOTHEA toc2 1 TIMOTHEA 6:11 - PATHIAN LEKHABU IRTHIANG C.L. Bible (BSI)

¹¹ Nang, Pathian mi, kha thilhai kha nangma’n chu rotsan roh. Felna hai, Pathian ngaisakna hai, iamna hai, lungthungna hai thuhnuairôlna hai, tuangdiarna hai, nunhoina hai, nei tum khak roh.

1 TIMOTHEA toc2 1 TIMOTHEA 6:11 ပူးပေါင်းရင်းမြစ်များ

1 RÊNGHAI 13:1

Jeroboama chu maichâm bula thilinhlan hranga a ngîr laiin, Rengpa itîr deipu, Judai ram ata Bethel hmuna a hong tunga.

1 RÊNGHAI 13:26

A lei hruaitu deipu tarpa khan an hriatin chu, “E, Rengpa thupêk zôm loitu deipu kha a ni kha te. Rengpa iti angin kâmkeibakneiin sê that hrang a itipu khan a ise that a ni ta,” a tia.

1 RÊNGHAI 17:18

Meithâinu khan Elija kuang khan, “Pathian mi, itho mo hianga ni ni ilo? Pathian kuang ki sualna târinlang hrang le ki nâipa that hranga ni ihong kêng a ni hi te,” a tia.

1 RÊNGHAI 17:24

Meithâinu khan, “Pathian mi ni nia, Rengpa hin ni kuanga thu an sîrin, nang a sâm ngai a nih ti atûn hin kin hriat infel suak ta,” a tia.

1 RÊNGHAI 20:28

Khan deipu inkhat hi Israel rêng Ahaba kuang a honga, “Rengpa’n hiang hin a ti; Suriahaiin Rengpa chu tâng ram Pathian a nia, phâizôl Pathian chu ni mah an ti sikin hi sipai tamtak hi ni kuta nang ki pêk, nang le ni mihai hin Rengpa ki nih ti nin inhriatna hrangin,” a tia.

2 RÊNGHAI 1:13

Rengin sipai le hruaitu dang sômringa sipai a tîrhai nôka. Tânga a hong luia, Elija hmâikunga a khûksadela, “O Pathian mi, kei le ki sipaihai hi lung nin khamin lân, kin hringna hi ni hôi pe roh.

2 RÊNGHAI 1:9

Rengin a sipai hruaitu, sômringa sipai leh a tîra. Anni khan tâng sîpa Elija lei toi an va hmua, a kuang, “Nang Pathian mi, rêngin zuang ro nang a ti,” an tia.

2 RÊNGHAI 23:17

deipu thân a hmua, “Tu thân mo?,” a tia. Bethel khuaa mihaiin, “Judai ram ata hong deipu, hi ni thil thohai len sîrtu thân a ni,” an tia.

2 RÊNGHAI 5:20

Hlataka a fe mân zel khan, Pathian mi Elisa hnungzui Gehazia’n, “Ka pu hin Naamana chu ite la loiin an fetira, kha Suria mipa’n pêk a itum kha la sianlân a isa hrang, Rengpa irhming sâmin la va’rzûl hi rong, i zât mo khôk la va sut ngêt hrang,” a tia.

1 THURCHI SUINA 23:14

Pathian mi Mosia irchihai rêk chu Levi irchihai laia tep sa an ni.

2 THURCHI SUINA 8:14

A pa Davida inkung sai angin ochaihai a ni tina an tho hrang infelpuia, ochaihai hla saka lei changpui hrang Levia irchihai tho hrang khom infel pea. Tempil sipaihai a ni tina an sin hrang hai, inkhâr hrang hai, Pathian mi Davida ihril angin an danghai vinga.

NEHEMIA 12:24

Khan, Levi ulianhai chu: Hasabia, Serebia, Kadmiela, Jesua le Binuia, a urêng, Pathian mi Davida thupêk anga a pâl pâl irthûla, inpâk le lômthu insîr hranghai leh.

NEHEMIA 12:36

a urêng Semaia, Azarela, Milalaia, Gilalaia, Maaia, Nethanela, Juda, Pathian mi Davida itum ngai thilhai chôi ngai, Hanania haiin an zuia; khan lekha irziaktu Ezra’n a hruaihaia:

INPÂKNA HLAHAI 34:14

Sual rotsanin lân, thil sa tho roh; Irngeina zongin lân, a’rzûlin irzûl roh.

INPÂKNA HLAHAI 38:20

Thil sa thil suala thuan ngaihai hi thil sa ki’rzûl sikin ni doituhai an nia.

THUVÂRHAI 15:9

Rengpa khan mi siahai lampui chu a hnôla, felna lampui zuituhai rêk chu lung a thung ngai.

ISAIA 51:1

Sansuak nuama Rengpa zongtuhaio, ki thu hi irngai roi. Nin suakna lungpui hi en unglân, nin hong isuakna lungpui hi en roi.

JEREMIA 35:4

Rengpa tempila anni chu ki hruaia. Igdalia nâipa deipu Hanana tentana ki lûtpuia. Kha khan mi lianhai tentan kôl, mikot nghâktu Saluma nâipa Maaseia tentan sûnga om a ni.

ROM KHUAA MIHAI KUANGA TÎRTÔN PAULA LEKHATHON 14:19

Khanchu irngeina hrang le inlâptir irhlômna hrang thilhai kha ei irzûl ngêt hrang a ni.

1 KORINTH 10:14

Khasikin inditom takhaio, millim biak hi irheisan roi.

1 KORINTH 14:1

Khan, nin irzûl hrang tak chu lungthungna hi a ni. Irtha thilpêkhai irzuk roi, a bîkin, Pathian thu insîr theina thilpêk kha irzuk roi.

1 KORINTH 6:18

Irdit hi mong ta roi. Mihriamin sualna dang a isin tinrêng chu a takpum pên tiang a ni; irdit song mi rêk kha chu ama takpum chunga a isual a ni.

DÂN INHNINA 16:20

Itiklai khomin a’rhoi tôk tak le dik takin thiltho ngai om tôk tak le dik takin thil tho ngai roi; khanchu, Rengpa nin Pathianin ram nangni a ipêk hi dam takin lua mai thei nin ti.

DÂN INHNINA 33:1

Pathian mi Mosia khan a thi mân, hiang satvurnahai hi Israel mihai ta hrangin a ngên pehaia.

1 TIMOTHEA toc2 1 TIMOTHEA 1:14

Khan ei Rengpa lungkhamna tamtak khan Krista Jisuaa iamna le lungthungna’n a ni vur insip ual ta.

1 TIMOTHEA toc2 1 TIMOTHEA 4:12

Ni nâiinpang sikin tûte’n nang manêp no ri sehai, thu’nsîrna lama, omlam dâna, lungthungna lama, irthiangna lama, iamtuhai entonrua ni roh.

1 TIMOTHEA toc2 1 TIMOTHEA 6:20

O Timothe, ni chunga enkoltirna irnghat hi a sân vong irdîn roh. “Inhriatna dik,” tia an isong, dik ual loi, thu irkal, rammual mi tamtakin an irhnikpui ngai ata kha irkêm roh.

2 TIMOTHEA toc2 2 TIMOTHEA 2:21

Hi thil saloi ki insîrhai ata irkêm mi hi chu hmangrua hlu, in Neitupa hrangin hmang zât, irsûkinfâi diam, sin sa tinrêng sinna hranga hmang zôi thei hranga irsiam chak ang hi lei ni a ti.

2 TIMOTHEA toc2 2 TIMOTHEA 2:22

Thoibop irzukna hai chu irheisanin lân, milung irthiang taka Rengpa irlamtuhai le felna hai, iamna hai, lungthungna hai, irngeina hai irzûl roh.

2 TIMOTHEA toc2 2 TIMOTHEA 3:10

Nangma’n chu irchutirna hai, ki om dân hai, ki thil tum hai, ki iamna hai, ki tuangdiarna hai nin hriat.

2 TIMOTHEA toc2 2 TIMOTHEA 3:17

Khaanga hmangin kêng Pathian mi chu hmang inruk a hong nia, thil sa tinrêng thothei hranga irbel a hong ni ngai a ni.

HEBRAI toc2 HEBRAI 12:14

Mi tin leh irngeia lêng tum unglân, irthiangna nei tum sa roi; kha irthiangna boiin tûte’n Rengpa hmu thei no ni.

1 PETERA toc2 1 PETERA 3:11

Sual irheisanin thil sa tho ri se, Irngeina zongin lungrîl pêk takin irzûl mai ri se.

1 SAMUELA 2:27

Elia kuang khan Pathian mi inkhat a honga, a kuang Rengpa thu a hon tunga; “Nin irchibulhai kha Aigupta rama Faroa suaka an om lai khan an kuang ki inlâr mo ni ma?

1 SAMUELA 9:6

A hnungzuitu khan, “Irngai ro, hi khuaa hin Pathian mi a oma, mi mahripom tak a ni, a insîr murdi chu a hong itung indik ngai a ni. Tho kha khan fe ei ta, sakuartunghai omna a nin hril thei duai khom a ni thei,” a tia.