1 TIMOTHEA toc2 1 TIMOTHEA 5:17 - PATHIAN LEKHABU IRTHIANG C.L. Bible (BSI)

¹⁷ Koiindang Upa, mi hruai thiam, thuhril le irchutirna tianga takirtâi bîkhai chu a bâk inhnia chôiindôm inruk an ni.

1 TIMOTHEA toc2 1 TIMOTHEA 5:17 ပူးပေါင်းရင်းမြစ်များ

2 RÊNGHAI 2:9

Tui an irkân zoiin chu, Elija’n Elisa kuang, “Nangma rengata ilâkin ki om mân, imo nang tho pe inlân ni nuam?” a tia. Elisa’n, “Ni’rtha man bâk hni ang hi dong ki nuam,” a tia.

ISAIA 40:2

Jerusalem kuang irtharngamna thu hril lat roi, an ituang hrang chu insum hrang a ni ta, Rengpa kut chu a bâk inhniin an tuang ta.

JEREMIA 16:18

Ki ram chu millim pathian hringna boi le pathian dik loi porchein an siam sikin, an sualnahai le pualoinahai sika khan a bâk inhniin thuanhai ki ti,” a tia.

JEREMIA 17:18

Deng nin theitirtuhai chunga mualphoina insumin lân, Rengpa keima chu ni la hôi roh. Chitna irkhêlin anni chu insipin lân, keima chu ichiomin ni siam no roh. An chunga vânduaina irkhêl intungin lân, thatpaihai ving roh.

ZAKARIA 9:12

O nangni atûna sabeina nei, sal intânghai, Lungthi taka nin omna hrang hmun tiang kîr nôk roi. Nangni ki hril, nin dengtheinahai kha a lêt hniin satvurna’n nangni thuan ki ti.

NAMBAR 18:31

Kha hmuna khom fa thei nin ta, nangni le nin in mihai khomin, irtongna Biakbuka nin sintho man a ni sikin.

MATHAIA 24:25

Irngai roi! A zoro a hong tung mân nangni ki lei ihril a ni,

LUKA 10:7

Nin tungna ina vai om unglân, in tin rôl têt tuat no roi, nangni an ipêk ka fâkin in roi, sinthotu chu a hlo hmu rua a ni.

LUKA 12:42

Rengpa’n, “An pu’n a siahlohai hruaitua le an bu sem tika sem ngaitu hrangin sum enkoltu iamom tak le vâr tak a inkung hrang kha tu mo a ini hrang?

JOHANA 4:38

Nin sin sôl loina ra ât hrangin nangni ki itîr hi, mi dangin an sina, an isinna ra kha nin i-ât a ni,” a tia.

TÎRTÔNHAI SINTHO 11:30

Kha kha an tho ngeia, upahai laia pe hrangin Barnaba le Saula kuta an thon ta.

TÎRTÔNHAI SINTHO 20:35

Lam tinrênga sintho irnaksongin le Rengpa Jisua’n, ‘Lâk nêkin pêk an lâp ual’ a iti kha inhre mai roi,” a tia.

TÎRTÔNHAI SINTHO 28:10

Annihai khan a saterengin an ni chôiindôma, kin fe nôk hrang khomin kin innang murdi irkuanga an siaa.

ROM KHUAA MIHAI KUANGA TÎRTÔN PAULA LEKHATHON 12:8

mi irtharngamtir hrang a ni’n chu thei tôp insua’n lân; pêktu’n chu phal takin pe sianlân, roirêltu’n chu takirtâi takin rêl sianlân, changpui innanghai changpuitu’n chu raifân takin changpui ri se.

ROM KHUAA MIHAI KUANGA TÎRTÔN PAULA LEKHATHON 15:27

Irphal taka tho an ni, aniachu an ni ata lâkai an nei mai ngai a ni. Jentailhaiin an irtha tiang thila Judahai an irkoppuiin chu, rammual tianga thila khom Jentailhaiin Judahai sin an itho a inang a ni.

ROM KHUAA MIHAI KUANGA TÎRTÔN PAULA LEKHATHON 16:12

Trufaini le Trufosi, Rengpaa a satêna sinthohai kha, chubai ki mûk. Ki rual satak Persi, Rengpa hranga a satêna sintho ngai kha, chubai ki mûk.

1 KORINTH 15:10

Khannisianlân, Pathian lungkhamna sikin ki ini nih ki ni ta. A lungkhamna ni pêk hi a korong ni mak e, tirtôn danghai nêkin ki sin intam kêng, khannisianlân, keima isin ni mah, ki kuanga om Pathian lungkhamna isin a ni ual.

1 KORINTH 16:16

Khaanga mihai le an isinpuihai le an sin lei tho pe ngaihai irchamneina kha pomin, an thu zôm hrangin nangni ki ngên a ni.

1 KORINTH 3:9

Pathian ta hranga sin suam kin ni, nangni hi Pathian loimân nin ni. Pathian in sin nin ni sa.

2 KORINTH 6:1

Pathian lungkhamna nin idong kha chanlamboia nin hmang inhek loina hrangin keini a sinthopuihaiin nangni kin ngên.

GALATIA 6:6

Kristian thu irchutirna dongpu khan thil sa murdi chu ama irchutirtu kuang a ipêk sa hrang a ni.

DÂN INHNINA 18:8

Ochai danghai idong ang fâk hrang kha a idong zit hrang a ni, ama in sûng mihaiin thilinhlan hong ithon rêk chu dôn sa thei a ti.

FILIPI 2:16

Khanchu, môk intân ni loia, môk sinsôl ni ual loiin, Krista Nikhuaa chu song hrang nei thei ki ti.

FILIPI 2:29

Ama hi Rengpa irhmingin raifân takin lei lôm unglân, hiang mi hi irngaiinhlu roi.

FILIPI 4:3

Nang khom, ki ringkol irbunpui iamom tak, kha nupanghai kha changpui hrangin nang ki ngên a ni; anni khan Klemena le Hringna Bua irhming chuang danghai le, Thurchi Sa hrilna sina ni sinpui intam ngai an ni.

1 TIMOTHEA toc2 1 TIMOTHEA 3:5

Mâni in sûngkua rêl fel thiam loiin itin mo Pathian Koiindang a ienkol thei hrang?

1 TIMOTHEA toc2 1 TIMOTHEA 4:10

Pathian hring kha ei isabei irnghatna a ni tak tak a ni. Ama kha mi murdi ta hrangin saninhringtu a nia, iamtuhai ta hrangin a ni lele sa.

1 TIMOTHEA toc2 1 TIMOTHEA 4:14

Upahaiin ni chunga kut irnghat laia deipuhai insîr anga irtha tiang thilpêk ni idonghai kha inthâ no roh.

1 TIMOTHEA toc2 1 TIMOTHEA 4:16

Ni sintho le irchutirnaa a sân irdînin lân, hi hi tho maiin lân, nangma le ni thu irngaituhai ni isaninhring hrang a ni.

1 TIMOTHEA toc2 1 TIMOTHEA 4:6

Hi kaihruainahai hi urênghai hrilin lân, Krista Jisua sinthotu sa ni ini hrang a ni; iamna thu le irchutirna sa ni zôm ngai ang khan irtha tianga nang irsôntir sa ri se.

1 TIMOTHEA toc2 1 TIMOTHEA 5:19

Koiindang upa an ihnôlna chu thun hretu inhni mani, inthum mani lua an om no’n chu, pom no roh.

1 TIMOTHEA toc2 1 TIMOTHEA 5:3

Mâni ringota om meithâihai chu inza’n lân;

2 TIMOTHEA toc2 2 TIMOTHEA 2:6

Loimâna sin takirtâipu ngêt khan a ra a idong masa hrang a ni.

2 TIMOTHEA toc2 2 TIMOTHEA 4:2

Thu chu hril roh, zoro saa khom, zoro saloia khom, bei mai roh; tuangdiar taka irchutir pumin an dikloina irhmutirin lân, halirchu’n lân, inthor roh.

HEBRAI toc2 HEBRAI 13:17

Nin hruaituhai thu zôm unglân, an thupêk murdi zui roi. Pathian kuang an sintho an lan sîr hrang sikin irngam loiin nangni an enkol ngai a ni. An thu nin zômin chu, raifân takin sin an ti, khano’nchu, intak pumin sin an ta, nin ta hrangin sa no ni.

HEBRAI toc2 HEBRAI 13:24

Nin hruaituhai murdi le Pathian mihai murdi kha chubai ni mûk pe roi. Itali rama urênghaiin chubai nangni an mûk.

HEBRAI toc2 HEBRAI 13:7

Pathian thu nangni lei insîr pe nin hruaitu masahai kha inhre mai roi. An lei hong om dân le an thi ziahai kha ngaitua unglân, an iam dân irchu roi.