1 TIMOTHEA toc2 1 TIMOTHEA 4:13 - PATHIAN LEKHABU IRTHIANG C.L. Bible (BSI)

¹³ Ki zuang mân chu vântâng laia Pathian thu tep hai, thuhril hai, irchutirna hai lei uar roh.

1 TIMOTHEA toc2 1 TIMOTHEA 4:13 ပူးပေါင်းရင်းမြစ်များ

JOHANA 5:39

Pathian Lekha Thu ngûk takin nin irchu ngai, a sûnga kumtuang hringna a om ti nin iam sikin. Kha Pathian Thubuhai khan ki thu inhriattirtu chu an ni.

TÎRTÔNHAI SINTHO 17:11

Khataka mihai kha chu Thesalonika mihai nêkin chu an lungrîl ar hong uala. Thu kha tui takin an irngaia, Paula thu’nsîr kha a dik le dikloi inhriatna hrangin a nitin Pathian Lekhabu an tep ngai.

TÎRTÔNHAI SINTHO 6:4

Keini chu chongchai le thu’nsîrin om kin ti,” an tia.

ROM KHUAA MIHAI KUANGA TÎRTÔN PAULA LEKHATHON 12:8

mi irtharngamtir hrang a ni’n chu thei tôp insua’n lân; pêktu’n chu phal takin pe sianlân, roirêltu’n chu takirtâi takin rêl sianlân, changpui innanghai changpuitu’n chu raifân takin changpui ri se.

1 KORINTH 14:26

Urênghaio, inkhômnaa hla nei mani, thu inpuang hrang nei mani, chong inhriatloia chong nang mani, hrilfiana neihai nin omin chu, itina tho hrang mani? Koiindang siaminsat lam tianga tho hrang a ni.

1 KORINTH 14:3

Khannisian, Pathian thu’nsîrtu’n chu mihriam laia a insîr a nia, siaminsatna thuhai, inthorna thuhai le irtharngamna thuhai a pêk ngai.

1 KORINTH 14:6

Khasikin urênghai, nin kuang hong ta inlân, chong inhriatloiin thu insîr inlân, nin ta hrangin imo a’rfêna ki iom hrang? Pathiana irthoka thuphuang thu mani, inhriatna thu mani, thu sa insîr hrang mani, irchûna thu mani ki hong chôi no zelin chu nin ta hrangin ar fêna ki iom loi hrang a ni.

DÂN INHNINA 17:19

kha kha dôn a ta, a dam sûngin a itep ngai hrang a ni; hi a dânhai le thu’nkunghai hi ngûk takin zôm a ta, Rengpa, a Pathian chu a ichôiindôm ngai hrang a ni.

1 TIMOTHEA toc2 1 TIMOTHEA 4:16

Ni sintho le irchutirnaa a sân irdînin lân, hi hi tho maiin lân, nangma le ni thu irngaituhai ni isaninhring hrang a ni.

1 TIMOTHEA toc2 1 TIMOTHEA 4:6

Hi kaihruainahai hi urênghai hrilin lân, Krista Jisua sinthotu sa ni ini hrang a ni; iamna thu le irchutirna sa ni zôm ngai ang khan irtha tianga nang irsôntir sa ri se.

2 TIMOTHEA toc2 2 TIMOTHEA 3:15

Ni nâipangte ata Lekha irthiang kha nin hriat sa tâka, Jisua Krista iam sika saninhring ni hranga vârna nang a pêk thei ti nin hriat.

2 TIMOTHEA toc2 2 TIMOTHEA 4:2

Thu chu hril roh, zoro saa khom, zoro saloia khom, bei mai roh; tuangdiar taka irchutir pumin an dikloina irhmutirin lân, halirchu’n lân, inthor roh.

TITA toc2 TITA 2:15

Hi thuhai hi ni ihril hrang a ni, inthorin lân, irchamnei takin ngohai ro. Tûte’n nang ngainêp no ri sehai.

JOSUA 1:8

Itiklai khomin ki dân bu sûnga thu irziakhai hi tep irnghil no ro, ni zôm zit theina hrangin a sûn a zânin irchu ngai ro; khanchu lam tinrênga hmangchangin hlochuk zêl ni ti.