1 TIMOTHEA toc2 1 TIMOTHEA 4:1 - PATHIAN LEKHABU IRTHIANG C.L. Bible (BSI)

¹ Zoro hnungkhôna chu mihaiin iamna thu hi la’rheisan an ti, irtha dikloi la iam an ta, ramilhlihai irchutirna la zui an tih ti irtha fel takin an sîr.

1 TIMOTHEA toc2 1 TIMOTHEA 4:1 ပူးပေါင်းရင်းမြစ်များ

IRPHUTNA 3:13

Khan, Rengpa Pathianin nupang kuang khan, “Ni sintho hi itinlama mani tâk?” a tia. Khan, nupangnu’n, “Mirûlin a ni huanga, ki ifâk tâk a ni,” a tia.

1 RÊNGHAI 13:18

Bethel-a deipu tarpa khan a kuang, “Kei khom nangma ang dênin deipu ki nia, Rengpa itîr vântîrtônin ki kuang, ni ina fâk nêk zong hrangin ama kha hong hruai roh a ni iti a ni,” tiin minlak a thoa.

ISAIA 2:2

Zoro hnungkhôna chu Rengpa in omna tâng chu, tâng roiinpui tak ni a ta, tâng tinrênghai khêl a ta, Nam tinrêng hong nuam an ti.

JEREMIA 23:26

Kha deipuhai khan mipuihai chu idôra sôt mo an thu phuachôp mipuihai laia an ihruai insual mai hrang hi?

JEREMIA 48:47

Khan zoro la hong hranga chu Rengpa’n Moab ngîrhmun siam insa nôk a ti. Hihai hi Rengpa’n Moab chunga tung hranga a iti chu a ni.

JEREMIA 49:39

Khan, zoro la hong hranga chu Elama ngîrhmun siam insa nôk ki ti. Keima Rengpa’n ki iti a ni,” a tia.

EZEKIELA 1:3

kei, ochai Ezekiela, Buzia nâipa kuanga Babulon rama Kebar vadung kôla khan Rengpa thu chu a zuang tung tâka, Rengpa kut chu ki chunga a chum tâka.

EZEKIELA 38:16

Phâivopuiin ram a isêm phît angin, ki mi Israelhai chu doihai ni ta, a zoro a hong tung tena chu, ki ram chu doi hrangin, nang tîr ki ti; tu mo ki inih ti hi nam tinhai irhmutirhaina hrang le nangma hmanga ki sinthôna hin ki’rthiangzia inlangtirna hrangin.

DANIELA 10:14

Sûnmaton tianga ni mihai chunga thil hong tung hrang inhriat theina nei hranga zuang ki ni: inlârna chu sûnmaton tiang a la ini hrang a ni,” a tia.

HOSEA 3:5

Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

MIKA 4:1

Khannisianlân, nikhua hnungkhônhaia chu hiang hin ni a ta, Rengpa nin omna tâng kha tâng lian chunghaia khan indetin om a ta, tâng tehai chunga khan chôiirsângin om sa ti; kha khan chi tinrênghai kha fe mur mur an ti.

NAMBAR 24:14

Khan Balaama’n Balaka kuang, “Irngai ro, atûn chu ki mihai kuang kîr nôk hrang ki ni ta, khannisian ki kîr nôk mân hin, sûnmatona ni mihai chunga an itho hrang lam hi nang la irhmutir ki ti,” a tia.

MATHAIA 18:7

Tûknahai sikin rammual chung an tak vang na! Tûknahai chu om mai a ti, khan tûknahai inomtirtu chung chu an tak vang na!

LUKA 17:1

Khan, Jisua’n a irchutirhai kuang, “Tûknahai hi om no thei ni mah, khannisianlân, an omtirtu chung chu a rik e,

JOHANA 16:13

Irtha dik tak a zuang tung tika chu thutak murdia nangni hruai inlût a ti. Ama phuachôpin thu insîr no ni; thu a idong kha insîr a ta, thil la hong tung hrang khom nangni hril a ti.

TÎRTÔNHAI SINTHO 13:2

Bu an ngheia Rengpa an biak suam laiin Irtha Irthiangin, “Barnaba le Saula hi anni ki inkungna san tho hrangin ni’rsentir roi,” a tia.

TÎRTÔNHAI SINTHO 17:18

Khan, Epikuria mi senkhat le Stoik mi vâr senkhathai leh khom an irdoia. Senkhatin, “Hi hmûr thiampa hin imo insîr a itum?” an tia. Senkhat nôkin chu, “Ram dang Pathian thu a insîr hrang a ni hi te,” an tia. Hianga an itih nasan chu Paula’n Jisua thu le thoi nôk thu an sîr sika a ni.

TÎRTÔNHAI SINTHO 20:23

Khannisianlân, kho tina, “Intâng ina buaina’n a ni nghâk ti vai hi Irtha Irthiangin a nin hriattir, ki inhriat a ni.

TÎRTÔNHAI SINTHO 21:11

Kin kuang a zuanga, Paula kongkhit kha a lâka, a ke le a kut ar khita, “Jerusalem Judahaiin hiang hi kongkhit neitu hi khit an ti, Jentailhai kuta pe an ti, Irtha Irthiangin a ti,” a tia.

TÎRTÔNHAI SINTHO 28:25

An chong irhmun thei ta maka, Paula’n hi thu hi an sîr zoiin chu an fe suak tâka. A thu’nsîr kha hi hi a ni. “Irtha Irthiangin deipu Isaia bâia nin irchibulhai kuang a insîr kha a sân a dik.

1 KORINTH 10:20

Ni mak e! ki iti chu sonong maichâma irbôlna kha Pathian kuanga ni loiin ramilhlihai kuang an inhlan a ni ual. Ramilhlihai leh irzom hrangin chu nangni ki inuam viat loi a ni.

1 KORINTH 11:19

(Mi dikhai kha an inlang theina hrangin nin laia irsenna a om hrang pial a ni.)

1 KORINTH 12:11

Hihai murdi hi Irtha inkhata sintho zit a nia, a inuam ang takin mi tin kuang chi dang dang a ipêk a ni.

1 KORINTH 2:10

Eini chu Pathianin a thutak irthup kha Irtha’n a nin hriat tâka. Irtha khan tinrêng a suisuak ngai Pathian thil tum inthûk tak khom.

2 KORINTH 11:3

Nin lung sûng kha hong siatin Kristaa nin irpêkna rikip le irthiang kha marak nin ti, ti ki ichi a ni, khaang khan Evi kha mirûl butdi milak khan inthêmin a iom a ni.

DÂN INHNINA 32:29

Vâr ualhai sian chu inhre thei an ti, an om hrang dân thîr thei an ti.

DÂN INHNINA 4:30

Nikhua hnungkhônhaia chu intak tuang nin ta, a thu zôm ta nin ti.

KOLOSA 2:18

Takpum irngainêp hrang, vântîrtônhai khom biak hrang tia inlârna danglam bîk hmua irbe, taksa lungrîl tak irputa, ite ni loia irpâkhai hi nin chunga ircham inneitirhai no roi.

2 TIMOTHEA toc2 2 TIMOTHEA 3:13

Mi sualhai le tho pa paihai chu an dongtum hong siat tîr tîr an ti, mi dang huang ngai khomsian anni ngei khom huang an ti.

2 TIMOTHEA toc2 2 TIMOTHEA 4:4

Thudika an mikuar sungloia, thonthu mai mai irhnikpui an ti.

JAKOBA toc2 JAKOBA 3:15

Khaang vârna kha chung tianga zuang chum ni maka, rammual ata taksa irzukna le ramkhohri ata a ni ual.

1 PETERA toc2 1 PETERA 1:20

Ama chu khorsiang kho’rzir mân daiha Pathian lei inkung a nia, atûn zoro hnungkhôna hin nin ta hrangin a len lang ta a ni.

2 PETERA toc2 2 PETERA 2:1

Mipuihai laia deipu dol an iom ngai ang khan nangni laia khom irchutirna dikloi la hong om a ti; mi insiat thei irchutirna dikloi inrûkin la hong lûtpui an ta; Inlaltak anni irtantu kha, hnôlin mâni siatna inrang takin intungtir an ti.

2 PETERA toc2 2 PETERA 3:3

Sûn hnungkhôna chu hmusitpuhai, mâni irzukna ang taka omhai hong suak an ti, ti inhre masa roi. Hmusit tak takin,

1 JOHANA 2:18

Nâihaio, zoro hnungkhôn a hong ni tâka, Krista râl la hong om a ti, ti nin inhriat ang khan, atûn hin Krista râlhai tamtak an hong suak ta; khasika khan zoro hnungkhôn kha a ni tah ti ei inhriat a ni.

1 JOHANA 4:6

Eini chu Pathian ata suak ei ni; Pathian inhretuhai khan ei thu khom an irngai ngai; Pathian ata suak loi chu ei thu khom irngaitua mahai; khataka khan irtha diktak le dikloi ei inhriat thei a ni.

JUDA 1:18

“Zoro hnungkhôna chu, nangni innuisantuhai, Pathian uksak loia mâni irzukna ang taka omhai la om an ti,” tia nangni a ihril kha.

JUDA 1:4

Mi senkhat Pathian nei loihai, inrûkin ei laia hong lût an oma, kha mihai khan ei Pathian lungkhamna kha hurna an inchangtira, ei Hruaitu le ei Rengpa neisun Jisua Krista khom pom mahai. Kha mihai khan thiamno an chang hrang dân chu tianlai ata Pathian Thubu’n a lei inpuang sai diam tâk a ni.

THUPHUANG 13:14

Sahrâng masa mit hmua sinirkhêl sin hranga phalna a hmu sika khan irnênga mi murdihai a huanga; an kuang, sahrâng khandaia pop tâk la dam nôk chôiirsângna hrangin ama irlim siam hrangin thu a pêka.

THUPHUANG 16:14

Kha kha ramilhli irtha an ni, sinirkhêl khom an tho ngai. Pathian Itinrêngthothei nikho roiinpui irdoinaa hruai irchunkhôm hrangin irtha inthumhai kha rammual pumpuia rênghai murdi kuang an fea.

THUPHUANG 18:2

Ama khan hnukirhai inring takin, “Babulon kho roiinpui an rîl ta! an rîl ta! Ramilhlihai omna le irtha porinche hai, va porinche tinrêng chêng inbualna a hong ni ta.

THUPHUANG 18:23

Meiser vâr khom ni sûnga hmu nôk ni ta no ni, pasal le moi irhai ni sûnga inhre nôk ni viat ta no ni. Ni bepârhai kha rammual pumpuia mi lianhai an nia, ni dôi milakin rammual pumpuia mihai huangin an iom a ni ta!” a tia.

THUPHUANG 19:20

Sahrâng kha an chela, deipu dol, a mit hmua sinirkhêlhai sin ngaipu kha an chel saa. (Kha sinirkhêlhai sika khan sahrâng irsinsiana neihai le a’rlim chubai mûkhai kha a ihuang ngai a ni). Sahrâng le deipu dol kha an ruaiin an hring pumin kâta kâng mei laia khan an paithâk tâka.

THUPHUANG 2:11

“Irtha’n koiindanghai kuang thu a insîr hi mikuar nei murdi’n chu irngai roi! An hnêtu ka chu thina inhnina khan ite nangni lo no ni, a ti,” tiin.

THUPHUANG 2:17

“Irtha’n koiindanghai kuang thu a insîr hi mikuar nei murdi’n irngai roi! An hnêtu ka chu mana irthup kha pe ki ta, lung ngoi a chunga irhming thar irziak, a dongtu ti no’n chu tûte’n an inhriat ngai loi kha pe sa ki ti, a ti,” tiin.

THUPHUANG 2:29

“Irtha’n koiindanghai kuang thu a insîr hi mikuar nei murdi’n chu irngai roi, a ti,” tiin.

THUPHUANG 2:7

“Irtha’n koiindanghai kuanga thu a insîr hi mikuar nei murdi’n chu irngai roi! An hnêtu ka chu Pathian Irhuana hringna thing ra infatir ki ti,” tiin.

THUPHUANG 20:10

Khanchu, annihai huangtu Diabola kha, sahrâng le deipu dol omnaa, kâta kâng meidîla khan an paihaia, kha khan a sûn a zânin hremna tuangin kumkhua’n om ta an ti.

THUPHUANG 20:8

khanchu rammual pumpuia nam tin irthekindarhai, Gog le Magog huanga, irdoinaa hong hruai bûm hrangin fe suak a ti. An tam lam chu tuikhangliana chiaiphoi dôr an ni.

THUPHUANG 3:13

“Irtha’n koiindanghai kuang thu a insîr hi mikuar nei murdi’n chu irngai roi, a ti,” tiin.

THUPHUANG 3:22

Irtha’n koiindanghai kuang thu a insîr hi mikuar nei murdi’n chu irngai roi, a ti” tiin.

THUPHUANG 3:6

“Irtha’n koiindanghai kuang thu a insîr hi mikuar nin neiin chu irngai roi, a ti,” tiin.

THUPHUANG 9:20

Mihriam, kha hremnaa that banhai khan an kut sinthohai ata irlet ual mahaia; ramilhli hai, rângachak millim hai, sum millim hai, dâr millim hai, lung millim hai, thing millim hai, ite hmu theiloi, inhretheiloi le fe theiloi hai biak kha ma mahai.