1 TIMOTHEA toc2 1 TIMOTHEA 1:14 - PATHIAN LEKHABU IRTHIANG C.L. Bible (BSI)

¹⁴ Khan ei Rengpa lungkhamna tamtak khan Krista Jisuaa iamna le lungthungna’n a ni vur insip ual ta.

1 TIMOTHEA toc2 1 TIMOTHEA 1:14 ပူးပေါင်းရင်းမြစ်များ

FESUAKNA 34:6

A maton tiang fe angin Rengpa khan, “Keima Rengpa hi khonza le satna sip Pathian chu ki nia, a ninginmur zel ngai loi lungkhamna lian le iamomna inlang ngaitu chu ki ni.

MATHAIA 20:9

Khohloi dâr ringa vêla sin kophai kha an hongin chu a duli chit an dong senga.

TÎRTÔNHAI SINTHO 15:11

Khaang khan ni ma! anni ang dênin eini khom Rengpa Jisua lungkhamna sika saninhring hrang ni’n ei irtûng,” a tia.

ROM KHUAA MIHAI KUANGA TÎRTÔN PAULA LEKHATHON 16:20

Irngeina Pathian khan Setana kha nin ke hnuaia nangni insirphatir a ti. Ei Rengpa Jisua Krista lungkhamna kha nin kuang om ri se.

1 KORINTH 15:10

Khannisianlân, Pathian lungkhamna sikin ki ini nih ki ni ta. A lungkhamna ni pêk hi a korong ni mak e, tirtôn danghai nêkin ki sin intam kêng, khannisianlân, keima isin ni mah, ki kuanga om Pathian lungkhamna isin a ni ual.

1 KORINTH 3:10

Pathianin thilpêk a ni ipêk hmangin in sintu thiam tak angin keima’n lungphûm ki phûma, mi dangin in an isin a ni. Khannisianlân, mi tinin an sin hrang lam chita irdîn ri sehai.

2 KORINTH 13:14

Rengpa Jisua Krista lungkhamna, Pathian lungkhamna le Irtha Irthiang pôlna kha nin rênga chunga om ri se.

2 KORINTH 4:15

Hihai tinrêng hi nangni hrang sika a ni; Pathian lungkhamna’n mi tam ual a izo tîr tîr ang khan, khahai khan Pathian roiinpuina hrangin lômthu insîrna chongchai Pathian kuang inhlan ual ual an ti.

2 KORINTH 8:9

Ei Rengpa Jisua Krista lungkhamna nei intamzia chu nin inhriat; inriangna sikin nin hong irchong theina hrangin irchong ok khomsian, nangni sikin a lei inriang tâk a ni.

GALATIA 1:13

Juda sakhuaa ki’rpêk laia ki om lam kha nin inhriat; Pathian koiindanghai laia hong lûta deng kin theitirhaia, inram chithai ki itum ngai kha.

1 THESALONIKA 1:3

Iamna sika irnak nin isonghai, lungthungna sika nin sin intamzia haia, ei Rengpa Jisuaa sabeina nin sip indetziahai, ei Pa le Pathian makunga kin inhriat mai ngai a ni.

1 THESALONIKA 5:8

Eini chu sûna mi ei ni sika hin iamna le lungthungna rôppho kha innghâkin, saninhring sabeina kha lukhuma hmangin irtûng chianin om ei ti.

1 TIMOTHEA toc2 1 TIMOTHEA 2:15

Nupanghai nâi nei zoro’n, Pathianin natna le dengintheina nangni an tongtira; khan khomnisian, iamna le lungthungna le, irthiangna neiin, lungrîl feltak leh an om photin chu saninhringin om an ti.

1 TIMOTHEA toc2 1 TIMOTHEA 4:12

Ni nâiinpang sikin tûte’n nang manêp no ri sehai, thu’nsîrna lama, omlam dâna, lungthungna lama, irthiangna lama, iamtuhai entonrua ni roh.

1 TIMOTHEA toc2 1 TIMOTHEA 6:11

Nang, Pathian mi, kha thilhai kha nangma’n chu rotsan roh. Felna hai, Pathian ngaisakna hai, iamna hai, lungthungna hai thuhnuairôlna hai, tuangdiarna hai, nunhoina hai, nei tum khak roh.

2 TIMOTHEA toc2 2 TIMOTHEA 1:13

Ki kuanga ta ni inhriat ngai irchutirna hrisêl kha a sân zômin lân, Krista Jisua iamnaa le lungthungnaa khan om ngit roh.

2 TIMOTHEA toc2 2 TIMOTHEA 2:22

Thoibop irzukna hai chu irheisanin lân, milung irthiang taka Rengpa irlamtuhai le felna hai, iamna hai, lungthungna hai, irngeina hai irzûl roh.

TITA toc2 TITA 2:2

Putarhai chu insumthei, mahripom, irsepthei, iam dân dik, lungthungna nei mi le mi khonza thei ni hrangin inthorhai ro.

1 PETERA toc2 1 PETERA 1:3

Ei Rengpa Jisua Krista Pathian le Pa chu inpâkin om ri se. Jisua Krista kha mithi lai ata kaithoiin sabeina hring nei hrangin a za’rngaina roiinpui tak khan a nin hring nôk tâka.

1 JOHANA 4:10

Hi ngêt hi a ni lungthungna chu: Eini’n Pathian lung ei ithung ni loiin, Ama’n lung a ni thunga, ei sual thuphachôina hrangin a Nâipa a zuang tîr tâk a ni.

THUPHUANG 22:21

Rengpa Jisua lungkhamna kha mi tin kuang om ri se, Amen.