په تیتوسا پولُسئے کاگد 3:9 - هُدائے پاکێن کتاب، بلۆچی زبانا

⁹ چه بێسرێن اَڑ و کُڑان و مُپتێن سر و بُن کنگان و چه دپجاک و شَریَتئے بارئوا جنگ و جێڑهان وتا دور بدار، چێا که اے بێمانا و بێپائدگێن گپّ اَنت.

په تیتوسا پولُسئے کاگد 3:9 ပူးပေါင်းရင်းမြစ်များ

په تیموتاووسا پولُسئے ائولی کاگد 4:7

وتا چه وَتگڑێن و بے سر و پادێن کِسّهان که گۆن هُدایا هچّ سر و کارِش نێست، دور بدار. گۆن اِشان سر و چێر بئیگئے بدلا وتا هُداتُرسیئے تَمرینا بدئے.

په تیموتاووسا پولُسئے دومی کاگد 2:14

باوَرمندان مدام اے چیزّانی ترانگا بگێج. هُدایا شاهد کن و آیان هبردار کن که لبز و مانایانی سرا جنْگ مکنێت. اے چیزّان هچّ اَرزش نێست، هُشکا گۆش دارۆکانی ایمانا تَباهَ کننت.

په تیموتاووسا پولُسئے دومی کاگد 2:16

وتا چه بے سر و پادێن گَپّان که گۆن هُدایا هچّ سر و کارِش نێست، دور بدار چێا که چُشێن گپّ و رَپّ مردما چه هُدایا رۆچ په رۆچ دورترَ کننت.

په تیموتاووسا پولُسئے دومی کاگد 2:23

ترا گۆن اَهمَک و ناسرپدێن گپّان کار مبیت، چێا که تئو زانئے که اے گپّ، اَڑ و کُڑ پادَ کننت.

په تیتوسا پولُسئے کاگد 1:14

یَهودیانی وَتگڑێن کسّهان دِلگۆش مکننت و چُشێن مردمانی هُکمان گۆش مدارنت که چه راستیا بَر گَشتگ‌اَنت.

آکوب 4:1

شمئے نیاما، جنْگ و دَپجاک چه کجا ودیَ بنت؟ چه شمئے جندئے هما تَماه و واهگان نه‌اَنت که شمئے رگ و بندانی تها جنْگا اَنت؟