زَبور 9:19 - هُدائے پاکێن کتاب، بلۆچی زبانا

¹⁹ او هُداوند! پاد آ و مئیل که انسان بالادست ببیت، بِلّ که تئیی درگاها کئومانی شئور و هُکم بُرّگ ببیت.

زَبور 9:19 ပူးပေါင်းရင်းမြစ်များ

پێدایش 32:28

مَردا گوَشت: ”چه اِد و رند تئو آکوب گوَشگَ نبئے، تئیی نام اِسراییلَ بیت، چێا که تئو گۆن هُدایا و گۆن مردمان مِڑِتگئے و سردَست بوتگئے.“

زَبور 10:12

او هُداوند! پاد آ. او هُدا! وتی دستا شهار. بزّگێنان مشمۆش.

زَبور 149:7

که چه راجان بێر بگرنت و کئومان سزا بدئینت،

زَبور 3:7

او هُداوند! پاد آ. او منی هُدا! منا برَکّێن. تئو ائے که منی دژمنانی دێما شهماتَ جنئے و بدکارانی دپ و دنتانانَ پرۆشئے.

زَبور 44:23

او هُداوند! آگاه بئے. په چے واب ائے؟ جاه جن و مارا تان اَبد یله مکن.

زَبور 44:26

پاد آ و مئے مَدَتا بیا، وتی مِهرئے سئوَبا مارا بمۆک و برَکّێن.

زَبور 7:6

او هُداوند! گۆن وتی هِژما جاه بجن و منی دژمنانی گَزبئے دێما پاد آ! آگاه بئے، او منی هُدا! تئو ائے که دادرسیئے جارِت جتگ!

زَبور 79:6

وتی گَزبا هما کئومانی سرا بگوار که ترا پجّاهَ نئیارنت و هما مُلکانی سرا که تئیی ناما نگِرنت،

زَبور 80:2

اِپراییم، بِنیامین و مَنَسّیئے دێما، وتی واک و تاگتا بُرز کن و په مئے رَکّێنگا بیا.

اِلهام 19:15

چه اسپ‌سوارئے دپا تێزێن زهمے در آیگا اِنت تانکه گۆن اِشیا کئومان بجنت و گۆن آسنێن اَساێا آیانی سرا هُکمرانی بکنت. آ، پُرواکێن هُدائے گَزب و هِژمئے شَرابکَشّی هئوزا لَگَت دئیگا اِنت.