زَبور 58:10 - هُدائے پاکێن کتاب، بلۆچی زبانا

¹⁰ پهرێزکار، بێرا که گندیت، شادهیَ کنت، وتی پادان مان بدکارانی هۆنا شۆدیت.

زَبور 58:10 ပူးပေါင်းရင်းမြစ်များ

زَبور 107:42

نێکدِلِشَ گِندنت و شادمانیَ کننت و هر بدکار وتی دپا بندَ کنت.

زَبور 52:6

پهرێزکارَ گندیت و تُرسیت، بدکارئے سرا کندیت و گوَشیت:

زَبور 64:10

پهرێزکار هُداوندئے درگاها شادهی کنات و آییئے درگاها پناه بزورات. سجّهێن نێکدِل پَهر بکناتنت.

زَبور 68:23

تانکه تئیی پاد آیانی هۆنا لگتمال بکننت و تئیی کُچِکانی زبان هم وتی بهرا چه دژمنان بگرنت.“

زَبور 91:8

تهنا گۆن وتی چمّانی شانک دئیگا بدکارانی سزایانَ گندئے.

اِلهام 14:20

شَرابکَشّی هئوز چه شهرا ڈنّ لَگَت دئیگ بوت و چه هئوزا هۆن در آتک. هۆن اَنچۆ باز اَت که اسپانی لگامان سر بوت و تان سئے سَد کیلومیترا چۆ آپا تتک.

اِلهام 18:20

آییئے سرا شادهی کنێت، او آسمانان! شادهی کنێت، او هُدائے پَلگارتگێن مردمان، او کاسِد و پئیگمبران! چێا که هُدایا اِشیئے دادرسی هما پئیما کرتگ که اِشیا گۆن شما کرتگ.