مَتّا 23:23 - هُدائے پاکێن کتاب، بلۆچی زبانا

²³ بَژن و اَپسۆز په شما، او شَریَتئے زانۆگران و پَریسیان! او دوپۆستێن شَتَلکاران! شما پورچێنک، گواتگ و زیرَّگئے دَه‌یَکّا کَشّێت و هُدائے ناما دئیێت بله چه شَریَتئے دگه مسترێن هُکمان بزان دادرسی و اِنساپ، رَهمدلی و وپاداریا بێهئیال و بێتْرانگ بوتگێت. دْرێگتا، شما اے کار بکرتێننت و آ هم یله مداتێننت.

مَتّا 23:23 ပူးပေါင်းရင်းမြစ်များ

مَتّا 12:7

اگن شما اے هبرئے مانا بزانتێن که گوَشیت: من هئیرات و کُربانیگ کنگئے لۆٹۆک نه‌آن، مِهر و رهمتئے لۆٹۆک آن، گڑا شما آ مردم مئیاریگ نکرتگ‌اَتنت که بێمئیار اَنت.

مَتّا 23:13

بله بَژن و اَپسۆز په شما، او شَریَتئے زانۆگران و پَریسیان! او دوپۆستێن شَتَلکاران! شما مردمانی دێما آسمانی بادشاهیئے دروازگا بندَ کنێت، نه وتَ پُترێت و نه دگرانَ کِلّێت.

مَتّا 9:13

بله برئوێت و اے هبرئے مانایا در بگێجێت که من هئیرات و کُربانیگ کنگئے لۆٹۆک نه‌آن، مِهر و رهمتئے لۆٹۆک آن. من په پهرێزکاران نئیاتکگان، گُنهکارانی لۆٹگ و گْوانک جنَگا آتکگان.

لوکا 11:42

او پَریسیان! بَژن و اَپسۆز په شما که پورچێنک و سَداپ و اے دگه کاهُکانی سرا دَه‌یَکَّ دئیێت بله چه دادرسی و اِنساپ و هُدائے مِهرا بێهئیال و بێتْرانگ اێت. دْرێگتا، شما اے کار بکرتێننت و آ هم یله مداتێننت.

لوکا 18:12

من هپتگے دو رۆچ، رۆچگَ داران و وتی سجّهێن مالئے دَه‌یَکّا دئیان.