آکوب 4:2 - هُدائے پاکێن کتاب، بلۆچی زبانا

² چیزّے لۆٹێت و شمارا نرسیت. چه هماییئے تَماها، هۆن و کۆشا کپێت، بله اَنگت شمارا نرسیت. نون جنْگ و جدلَ جۆڑێنێت، پدا هم شمارا نرسیت چێا که چه هُدایا نلۆٹتگۆ.

آکوب 4:2 ပူးပေါင်းရင်းမြစ်များ

یوهَنّا 16:24

تان اے وهدی شما هچّ چیزّ منی نامئے سرا نلۆٹتگ، بلۆٹێت تانکه شمارا برسیت و شمئے شادمانی سَرجم ببیت.

یوهَنّا 4:10

ایسّایا آییئے پَسّئوا گوَشت: ”اگن تئو بزانتێن که هُدائے داد و بَکشش چێے و اے کئے اِنت که چه تئو آپَ لۆٹیت، گڑا اَلّما تئو گۆن آییا دَزبندی کرتگ‌اَت که منا آپ بدئے و آییا ترا زنداپ داتگ‌اَت.“

آکوب 1:5

اگن چه شما یکّێئے زانت و هِکمت کمّ ببیت، چه هُدایا بلۆٹیت و هُدا، که چه وتی بَکشندگیا هرکَسا بے مِنَّت و شِگانَ دنت، آییا زانت و هِکمتَ بَکشیت.

آکوب 5:6

شما تچک و پهرێزکارێن مردم مئیاریگ کرتگ و کُشتگ‌اَنت. آ شمئے هلاپا نه‌اۆشتاتگ‌اَنت.

یوهَنّائے ائولی کاگد 3:15

کَسے که چه براتا بێزارَ بیت و نَپرتَ کنت هۆنیگے. شما زانێت، هۆنیگێن مردمے هچبر نمیرانێن زِندئے واهندَ نبیت.