پێدایش 43:32 - هُدائے پاکێن کتاب، بلۆچی زبانا

³² په ایسُّپا جتا پَرزۆنَگے پَچِش کرت و په آییئے براتان جتا. هما مِسری که اۆدا ورگا اَتنت، آیانی پَرزۆنَگ هم جِتا اَت، چێا که مِسریان گۆن اِبرانیان هۆر ورگَ نئوارت. آیانی نِزّا اے سکّێن بَژّناکێن کارے اَت.

پێدایش 43:32 ပူးပေါင်းရင်းမြစ်များ

پێدایش 31:54

همۆدا، کۆهستگێن دَمگا کُربانیگے کرتی و سیاد و وارِسی ورگێا داوَت داتنت. ورگا رند شپا همۆدا داشتِش.

پێدایش 43:16

وهدے ایسُّپا دیست که بِنیامین گۆن اِنت، وتی لۆگئے پێشکاری گوَشت: ”اے مردمان منی لۆگا بیار. پَس و کۆش کن و ورگے تئیار کن که اے مردم سُبارگا منی کِرّا اَنت.“

پێدایش 46:34

شما بگوَشێت که ’تئیی کَستر چه کَسانیا شپانک و مالدار بوتگ‌اَنت، وتی پت و پیرُکانی پئیما.‘ گڑا شمارا اے اجازتَ رسیت که گۆشِنئے دَمگا جَهمنند ببێت که مِسریانی نِزّا سجّهێن شِپانک بَژّناکێن مردم اَنت.“

دَرگوَز 8:26

بله موسّایا گوَشت: ”ما چۆ کرتَ نکنێن. چێا که ما په وتی هُداوندێن هُدایا اَنچێن کُربانیگَ کنێن که په مِسریان بَژّناک اَنت. اگن ما مِسریانی چمّانی دێما اَنچێن کُربانیگ بکنێن که په آیان بَژّناک اَنت، مارا سِنگسارَ نکننت؟