پێدایش 34:8 - هُدائے پاکێن کتاب، بلۆچی زبانا

⁸ هَمۆرا گۆن آیان هبر کرت و گوَشت: ”منی چُکّ شِکێمئے دل په شمئے جنکّا بند اِنت. آییا په دینَها زامات کنێت.

پێدایش 34:8 ပူးပေါင်းရင်းမြစ်များ

پێدایش 34:3

شِکێمئے دل گۆن آکوبئے جنکّ دینَها لگّت و آ، دینَهئے مِهرا گِرپتار بوت و گۆن دینَها نرم نرما هبری کرت.

پێدایش 34:7

اَنچۆ که آکوبئے چُکّ سهیگ بوتنت، چه گیابانا پِر تَرِّتنت. پَدرد اَتنت و زهرا پُرّ اَتنت که شِکێما آکوبئے جنکّ زِنا کرتگ و اِسراییل بَنّام کرتگ. اے کار مبوتێن.

پێدایش 34:9

گۆن ما سانگبندی بکنێت. وتی جنکّان مارا بدئیێت و مئیگان شما بزورێت.

زَبور 119:20

په تئیی هُکمان منی اَرواه مُدام زهیران درُشتگ.

زَبور 63:1

او هُدا! منی هُدا تئو ائے، گۆن وتی سجّهێن دل و جانا تئیی شۆهازا آن، اَرواهُن تئیی تُنّیگ اِنت و جسم و جانُن تئیی هُدۆناک، بےآپ و هُشکێن زمینێا.

زَبور 84:2

منی اَرواه په هُداوندئے پرستشگاهئے پێشجاهان شئیدا و هُدۆک اِنت، منی دل و جان په زندگێن هُدایا په شادهی کوکّارَ کنت.