دَرگوَز 28:39 - هُدائے پاکێن کتاب، بلۆچی زبانا

³⁹ جامَگا چه شَرّێن لیلُما اَڈّ کن و نَکشی پِر کن. شَرّێن لیلُمئے پاگے اَڈّ کن و رنگ‌گواپێن لانکیگے هم اَڈّ کن.

دَرگوَز 28:39 ပူးပေါင်းရင်းမြစ်များ

زَبور 45:14

گۆن پُردۆچێن جامگان بادشاهئے کِرّا برنتی، نِشتگێن جنک، آییئے دَزگهار، آییئے پدا گۆن اَنت.

دَرگوَز 26:36

آسمانی و جَمو و سهرێن پَژم و هورت‌گواپێن لیلُم بزور و په تَمبوئے دپا رَنگ‌گواپێن پردهے اَڈّ کن.

دَرگوَز 27:16

په پێشگاهئے دپا پردهے اَڈّ کن که سَرجمیا بیست دَست ببیت، گۆن چار مِنُک و چار بُنهِشتا. اے پرده چه آسمانی و جَمو و سُهرێن پَژم و چه هورت‌گواپێن لیلُما اَڈّ ببیت و رنگ‌گواپ ببیت.

دَرگوَز 28:4

اِش اَنت هما پۆشاک که تئیار کنگی اَنت: سێنَگ‌پۆشے، اێپۆدے، کباهے، نَکش نَکشێن جامگے، پاگے و لانکیگے. په تئیی برات هارون و آییئے مَردێن‌چُکّان اے پۆشاکان تئیار بکننت که هارون و چُکّ دینی پێشوا ببنت و منی هِزمتا بکننت.

دَرگوَز 29:5

گُد و پۆشاکان بزور و جامَگ و اێپۆدئے کباه و اێپۆد و سێنَگ‌پۆشا هارونئے گوَرا دئے. اێپۆدا گۆن اێپۆدئے بندا بند.

دَرگوَز 29:6

پاگا هارونئے سرا دئے و تلاهئے پَٹّیا، بزان پاکێن تاجا پاگئے سرا بند.

دَرگوَز 29:8

هارونئے چُکّان بیار و جامَگِش گوَرا دئے و

دَرگوَز 39:27

په هارون و هارونئے مردێن‌چُکّان چه هورت‌گواپێن لیلُما جامَگِش گوَپت و اَڈّ کرت.