Zabur 99:1 - Hodáay Pákén Ketáb Balochi zobáná

¹ Hodáwand bádsháhia kant, kawm belarzátant, á, karrubiáni nyámá, wati bádsháhi tahtá neshtag, zemin belarzát.

Zabur 99:1 ပူးပေါင်းရင်းမြစ်များ

Zabur 18:10

Karrubiéay bánzoláni sará neshtagat o gwátay bánzoláni sará bál at.

Zabur 2:6

“Man wati bádsháh, wati pák o gechénién kóh, Sahyunay sará nendáréntag.”

Zabur 80:1

Oo Esráilay shopánk! Gósh dár, taw ke shopánkéay paymá Issopay ramagay rahshón ay. Oo Hodá! Taw ke karrubiáni nyámá bádsháhi tahtá neshtagay, wati nurá tálán kan.

Zabur 80:2

Epráim, Benyámin o Manassiay démá, wati wák o tágatá borz kan o pa may rakkénagá byá.

Zabur 82:5

É “hodá” heccha nazánant o sarpada nabant, taháriá sargardán ant o zeminay sajjahén bonyád larzagá ant.

Zabur 93:1

Hodáwand bádsháhia kant áiá watá pa shán o shawkat árástag, Hodáwand porshawkat ent o zór o wáká selahband. Donyá mohr óshtátag o nalarzit.

Zabur 96:10

Sajjahén kawmáni nyámá begwashét: “Hodáwand bádsháh ent.” Jahán pa mohkami jórh kanag butag o nasorit, á, kawmáni dadrasiá pa ensápa kant.

Zabur 96:9

Cha Hodáwanday pákiay zébáiá, áiay démá kóndhán bekapét. Oo sajjahén zemin! Áiay dargáhá belarz.

Zabur 97:1

Hodáwand bádsháhia kant, zemin shádehi bekanát o sajjahén tayábi sardhagár gal bátant.

Zabur 97:4

Áiay grók jaháná róshná kant, zemina gendit o larzit.

Dargwaz 25:22

Man hamódá tai démá záhera bán o gón taw habara kanán, cha sarpóshay borzá, cha sháhediay pétiay saray doén karrubiáni nyámá Esráiliáni bárawá har parmáné ke hast, tará gwashánesh gón.

Luká 19:12

Gwashti: “Yakk baré, sardárzádagé durén molkéá shot tánke pa bádsháhiá berasit o padá wati dhéh o dhagárá per betarrit.

Luká 19:14

Bale hamá molkay mardomán cha áiá naprata kort. Áiay rawagá rand, kásed o kolawesh ráh dát ke ‘má nalóthén é mard, may sará bádsháhi bekant.’

Luká 19:27

Bale hamá ke mani dozhmen ant o mani bádsháhiá nalóthant, áyán mani kerrá byárét o mani démá bekoshét.’”

Pa Pilipián Pulosay kágad 2:12

Paméshká mani dordánagán! Anchosh ke shomá modám parmánbardár butagét, na tahná á wahdá ke man shomay kerrá atán, annun ham ke man ódá naán, angat géshter parmánbardár ét. Gorhá pa tors o larz wati nejátay rost o rodómay johdá bekanét.

Elhám 11:17

Gwashtesh: “Porwákén Hodáwandén Hodá! Má tai shográ gerén, hamá ke hastent o hast butag, chéá ke taw wati mazanén zór o wák dastá geptag o hokmráni bendát kortag.

Elhám 20:11

Randá man baláhén espétén tahté dist o hamá ham ke tahtay sará neshtagat. Zemin o ásmán cha áiay démá tatkant o pa zemin o ásmáná hecch jágahé pasht nakapt.

Elhám 6:14

Ásmán chó nazz átkagén tumáréá shot o har kóh o har jazirah cha wati jáhá sorénag but.