Zabur 96:8 - Hodáay Pákén Ketáb Balochi zobáná

⁸ Hodáwanday námay mazaniá benázénét, korbánig byárét o áiay bárgáhá byáét.

Zabur 96:8 ပူးပေါင်းရင်းမြစ်များ

Zabur 100:4

Áiay darwázagán gón shogrgozári bepotrét o áiay bárgáhá gón satá o saná. Áiay shográ begerét o áiay námá besárháét,

Zabur 111:9

Áiá wati kawm móketag, tán abad wati ahd o karári barjam dáshtag. Áiay nám pák o bákamál ent.

Zabur 116:19

Hodáwanday lógay péshgáhá, tai nyámá, oo Urshalim! Hodáwandá benázénét, Halléluyá.

Zabur 29:2

Hodáwanday námay shán o shawkatá satá kanét, Hodáwandá mán áiay pák o palgárén drapshnákiá satá kanét.

Zabur 45:12

Suray shahray mardom gón wati thékiá kayt, shahray hastómandén mardom tai razá o washnódiay randá bant.

Zabur 72:10

Tarshish o tayábgwaráni sardhagáray bádsháh hamáiá song o máliát bedayátant, Shébá o Sabáay bádsháh pa áiá théki byárátant.

Pulosay kágad pa Rumián 12:1

Oo brátán! Mani dazbandi gón shomá esh ent ke gón Hodáay rahmatáni cháragá, wati jesm o jáná chó zendagén korbánigéá pésh bekanét ke pák o palgár ent o Hodáyá pasonda bit. É shomay ruhánién parastesh ent.

Pulosay kágad pa Rumián 15:16

ke man pa darkawmán Issá Masihay hezmatkár bebán o pa Hodáay wasshén mestágay rasénagá hezmat o péshwái bekanán, tánke darkawm Hodáay dargáhá zortagén hayráté bebant ke cha Pákén Ruhá palgárag butag.

Pa Pilipián Pulosay kágad 2:17

Bale hamá hezmat o korbánig ke shomay báwaray bar o samar ant, agan áyáni sará mani hón ham réchagi korbánigéay paymá réchag bebit, man gala bán o gón shomá sajjahénán shádkámia kanán.

Pa Pilipián Pulosay kágad 4:18

Maná har chizz rasetag o sakk báz rasetag. Gón Epápróditusá harché ke shomá dém dátag, maná rasetagant o nun maná har chizz hast. Shomay é théki washbóén shogránah o delpasondén korbánigé ke Hodáyá washnóda kant.

Petrosay Awal Kágad 2:5

Nun shomá zendagén sengáni paymá pa ruhánién lógéay bandagá kár bandag bebét, pák o palgártagén ruhánién péshwá ham bebét o anchén ruhánién korbánig bedayét ke cha Issá Masihay wasilahá Hodáyá washnóda kanant.

Elhám 15:4

Kay ent ke cha taw natorsit, oo Hodáwand! Kay ent ke tai námá shawkata nadant? Chéá ke tahná taw pák ay. Sajjahén kawma káyant o tai bárgáhá tará parastesha kanant, chéá ke tai ádelén kár záher butagant.”