Zabur 96:7 - Hodáay Pákén Ketáb Balochi zobáná

⁷ Oo kawmáni kabilahán! Hodáwandá benázénét, Hodáwanday shán o kodratá benázénét.

Zabur 96:7 ပူးပေါင်းရင်းမြစ်များ

Zabur 22:27

Zeminay chárén kondh áiá yáta kanant o dém pa Hodáwandá pera tarrant, sajjahén kawmáni hándán o kothom áiay bárgáhá sará jahla kanant.

Mattá 6:13

Márá ázmáesh o chakkásá dawr maday o cha Shaytáná berakkén.’

Luká 2:14

“Shán o shawkat borzén arshay Hodáyá bát o zeminay sará sohl o émeni pa hamá mardomán bát ke Hodá cha áyán wassh o washnód ent.”

Petrosay Awal Kágad 5:11

Wák o kodrat abad tán abad hamáiayg ent. Anchosh bát. Ámin.

Elhám 14:7

Gón borzén tawáréá gwashti: “Hodáay bimmá delá bedárét o áiá shán o shawkat bedayét chéá ke áiay dádrasiay sáhat átkag o rasetag. Hamáiá parastesh bekanét ke ásmán o zemin, daryá o ápi chammagi jórh kortagant.”

Elhám 19:1

Cha é chizzán o rand man anchén mazanén tawáré eshkot, gwashaygá ásmáná sakkén baláhén mocchiéay tawár at, gwashagá atant: “Hodáwandá benázénét, Halléluyá. Rakkénag o shawkat o zór may Hodáayg ant,

Elhám 19:6

Padá man anchén tawár eshkot ke chó mazanén mocchi o bázén áp o trondén grandáni tawárá atant ke gwashtesh: “Hodáwandá benázénét, Halléluyá. Chéá ke may porwákén Hodáwandén Hodá hokmránia kant.

Elhám 5:13

Ásmáná, zeminay sará, zeminay chérá o daryáay tóká, harché ke áyáni tahá hast, man eshkot sajjahén addh kortagén chizz gwashagá atant: “Satá, ezzat, shawkat o zór, tahtay sará neshtagénay o Gwarándhay bát, abad tán abad.”

Elhám 5:9

Á nókén sawté janagá o gwashagá atant: “Taw tumáray zurag o eshiay mohráni pach kanagay láhek ay chéá ke taw helár kanag butagay o gón wati hóná pa Hodáyá cha har kabilah, zobán, kawm o rájá mardom pa bahá zortag.

Elhám 7:12

Gwashagá atant: “Ámin, satá o shawkat o dánái o shogrgozári o ezzat o zór o wák may Hodáayg ant, abad tán abad. Ámin.”