Zabur 95:6 - Hodáay Pákén Ketáb Balochi zobáná

⁶ Byáét, sará jahla kanén o sojdaha kanén, wati addh kanókén Hodáwanday bárgáhá kóndhána kapén,

Zabur 95:6 ပူးပေါင်းရင်းမြစ်များ

Zabur 100:3

Bezánét ke Hodáwand, Hodá ent, hamáiá márá addh kortag o má hamáiayg én, má áiay kawm, áiay charágáhay ramag én.

Zabur 119:73

Maná tai dastán addh kort o shekl o dróshom dát, maná agl o hósh beday ke tai hokmán sarpad bebán.

Zabur 139:13

Béshakk mani del o darun taw addh kortag taw maná mátay lápá gwaptag.

Zabur 149:2

Esráil pa wati addh kanóká shádehi bekanát, Sahyunay chokk pa wati bádsháhá gal bátant.

Zabur 72:9

Áiay dargáhá gyábánay nendók sará jahl bekanátant, áiay dozhmen hák bechatthátant.

Zabur 95:1

Byáét Hodáwandá pa galé názénén, pa wati nejátay talárá pa shádehi kukkára kanén.

Dargwaz 20:5

Esháni démá sará jahl makan o sojdahesh makan. Chéá ke man tai Hodáwandén Hodá hasaddigén Hodáé án. Petáni radkáriáni sezáyá áyáni chokkána dayán. Á ke cha man naprata kanant, áyáni radkáriáni sezáyá áyáni sayomi o cháromi nasl o padréchá dayán.

Dányál 6:10

Nun wahdé Dányál sahig but ke choshén parmáné dashatt kanag butag, wati lógay hamá borzi kóthiá shot ke darigi dém pa Urshalimá pacha butant o anchó ke modám kortagati, róché say randá kóndhána kapt, dwáia kort o wati Hodáay shogria gept.

Mattá 4:2

Chell shap o chell róch róchag dáragá rand Issá shodig but.

Mattá 4:9

gwashti: “Agan taw mani démá kóndhán bekapay o maná parastesh bekanay, man é sajjahénán tará dayán.”

Markás 14:35

Cha ódá kammé démterá shot, dém pa chér kapt o dwá kanán gwashti: “Oo mani Pet! Agan buta kant, é sakkén sáhatá cha mani sará bethagalén.”

Luká 22:41

Randá, yakk dhókéay chagaljáhay kesásá, cha moridán dur but, kóndháni sará nesht o chosh dwái kort:

Yuhanná 1:3

Hodáyá sajjahén chizz cha Gálay wasilahá jórh kortant o cha é jórh butagénán, bé Gálá hecch chizzé jórh nabut.

Kásedáni Kár 20:36

Cha é habaráni halásiá rand, Pulos kóndhán kapt o gón sajjahénán hór dwái kort.

Kásedáni Kár 21:5

Bale wahdé ódá may jallagay róch halás butant, má padá wati sapar bendát kort. Sajjahén báwarmand gón wati jan o chokkán may hamráhiá cha shahrá dhann, tayábdapá átkant. Ódá má sajjahén kóndhán kaptén o dwáen kort.

Kásedáni Kár 7:60

Randá, Estipán kóndhán kapt o pa borztawári gwashti: “Oo Hodáwand! Eshán pa é gonáhá mayárbár makan.” Gón hamé habaráni gwashagá, sáhi dát.

Pa Pilipián Pulosay kágad 2:10

ke harkas Issáay námá kóndhán bekapit, ásmáná ham, zeminay sará ham o zeminay chérá ham,

Petrosay Awal Kágad 4:19

Paméshká, á ke gón Hodáay razáyá sakki o sóriáni tahá kaptagant, watá may jórh kanókay sepordah bekanant ke wapádár ent o nékén kár kanán bebant.

Elhám 22:17

Pákén Ruh o bánóra gwashant: “Byá.” Hamá ke eshkont, bell gwashit “Byá.” Hamá ke tonnig ent, bell kayt, hamá ke lóthók ent bell cha zendápá mopt o bé zarrá zurit.

Elhám 22:8

O mane Yuhanná, hamá án ke é chizzi eshkotag o distagant. Wahdé man eshkot o dist, hamá préshtagay pádáni démá pa sojdahá kaptán ke maná é chizzi pésh dáshtant.