Zabur 94:21 - Hodáay Pákén Ketáb Balochi zobáná

²¹ Áyáni thóli pahrézkáráni helápá hamdast o hamkára bant o bégonáhán markay sezá dayant.

Zabur 94:21 ပူးပေါင်းရင်းမြစ်များ

Zabur 106:38

Bégonáhén hónesha rétk wati bachakk o jenekkáni hón, ke pa Kanhánay botán korbánigesha kortant o zemin cha esháni hóná áludag but.

Zabur 22:16

Kochekán mani chapp o chágerd geptag, sherr o badkáráni rombá angerr án, mani dast o pádesh thong thong kortagant,

Zabur 56:6

Pandala sázant o kamina kanant, mani gámána chárant o mani koshagay randá ant.

Zabur 59:3

Bechár ke che paymá pa mani kóshá kaminesh kortag. Oo Hodáwand! Zórákén mard mani helápá yakjáh butagant, maná hech gonáh o mayáré ham nést.

Dargwaz 23:7

Cha drógén bohtámjaniá pahréz kan. Bégonáh o rást o barhakkén mardomá markay sezá maday. Chéá ke man náhakkén mardomá bégonáh hesába nakanán.

Dányál 6:8

Oo bádsháh! Nun hokm beday o é parmáná dashatt kan tánke badal but makant. É dhawlá é hokm, Mád o Pársay kánuné jórha bit ke badal kanaga nabit.”

Mattá 27:1

Sabáhá máhallah, sajjahén mazanén dini péshwá o kawmay kamásh Issáay kóshá hamshawr butant.

Mattá 27:4

Gwashti: “Man sakk mayárig án ke yakk bégonáhén mardomé pa kóshárénagá geráéntag.” Bale áyán passaw dát: “Má chón kanén, taw bezánay o tai kár.”

Kásedáni Kár 7:52

Kojám paygambar shomay pet o pirénán ázár nadátag? Shomay pet o pirénán tantaná hamá paygambar ham koshtant ke áyán á ‘Pák o Nékénay’ áyagay péshgói kortagat. Nun shomá áiay jenday dróhók o hónig ét.

Ákub 5:6

Shomá tachk o pahrézkárén mardom mayárig kortag o koshtagant. Á shomay helápá naóshtátagant.

Elhám 17:6

Nun man dist ke janén cha Hodáay palgártagénáni o Issáay sháhedáni hónay nóshagá neshah o malár at. Man ke dist, sakk hayrán o habakkah mantán.