Zabur 91:2 - Hodáay Pákén Ketáb Balochi zobáná

² Hodáwanday bárawá gwashán: “Hamá mani panáh o kalát ent, mani Hodá, ke hamáiay sará tawkala kanán.”

Zabur 91:2 ပူးပေါင်းရင်းမြစ်များ

Pédáesh 17:7

Man wati o tai nyámay ahd o paymáná abadmánén ahd o paymáné jórha kanán, gón taw o gón tai áyókén nasl o padréchá. Man tai Hodá án o cha taw rand tai poshpaday Hodá bán.

Zabur 14:6

Shomá setam distagénáni shawrbandián rishkanda kanét, bale Hodá esháni panáhgáh ent.

Zabur 142:5

Oo Hodáwand! Tai bárgáhá peryáta kanán o gwashán: “taw mani panáhjáh ay o zendagénáni zeminá mani bahr.”

Zabur 142:6

Mani peryátá gósh dár ke man mazanén sakki o sórián kaptagán. Maná cha á mardomán berakkén ke mani randá kaptagant, chéá ke cha man zórákter ant.

Zabur 18:2

Hodáwand mani talár ent, mani kalát o mani rakkénók ent, mani Hodá mani talár ent o hamáiay poshtá báhóth o mayára bán. Á mani espar ent, mani zórákén rakkénók o mani sangar.

Zabur 18:3

Hodáwandá ke satá o sanáay láhek ent tawára kanán o cha wati dozhmenána rakkán.

Zabur 25:2

Oo mani Hodá! Tai sará tawkala kanán, mayl ke pashal o sharmendag bebán o dozhmen mani sará báládast bebant.

Zabur 31:15

Mani wahd o damán tai dastá ant, maná cha dozhmenán berakkén, cha hamáyán ke mani randá kaptagant.

Zabur 43:4

Á wahdi Hodáay korbánjáhá rawán, dém pa Hodáyá ke mani wasshi o shádehi ent. Oo Hodá, mani Hodá! Tará gón changá názénán.

Zabur 46:1

Hodá may panáhgáh o zór o wák ent, madat kanóké ke sakkiáni wahdá tayár ent.

Zabur 46:2

Paméshká natorsén, toré zemin bejombit o kóh daryáay delá bekapant.

Zabur 48:14

ke Hodá hamesh ent, may Hodá, abad tán abad, hamá ent ke tán marká may rahshóna bit.

Zabur 61:5

Chiá ke taw, oo Hodá, mani dátagén kawl eshkotagant o wati námay torsetagénáni miráset maná bakshátag.

Zabur 71:3

Mani panáh dayagay talár bay, ke modám dém pa áiá byáyán. Taw pa mani rakkénagá hokm kortag, chiá ke mani talár o kalát taw ay.

Zabur 91:9

Agan Hodáyá wati panáh bekanay, borzén arshay Hodáyá wati menendjáh,

Luká 20:38

Á mordagáni Hodá naent, zendagénáni Hodá ent, chéá ke áiay gwará, sajjahén zendag ant.”