Zabur 90:13 - Hodáay Pákén Ketáb Balochi zobáná

¹³ Dém pa má per tarr, oo Hodáwand! Tán kadén chosha bit? Wati hezmatkáráni sará rahm kan.

Zabur 90:13 ပူးပေါင်းရင်းမြစ်များ

Zabur 106:45

gón áyán wati ahd o karári yát kort o cha wati bázén mehrá, cha áyáni badián sar gwast.

Zabur 135:14

Chéá ke Hodáwand wati mahlukay dadrasiá kant o pa wati hezmatkárán rahma kant.

Zabur 6:5

Chiá ke mordag tará yát korta nakanant, kay ent ke cha mordagáni jaháná tai shográ begipt?

Zabur 74:10

Oo Hodá! Tán kadén dozhmen tai sará bekandit? Dozhmen tán abad tai námá bad o rad bekant?

Zabur 80:14

Oo lashkaráni Hodá! May gwará per tarr, cha ásmáná delgósh kan o bechár, é anguray delgóshá bedár,

Zabur 80:15

hamé anguray ke tai rástén dastá kesht, hamé chokkay ke taw pa wat ródént o zórmand kort.

Zabur 89:46

Tán kadén, oo Hodáwand! Watá tán abad chéra dayay? Tán kadén tai hezhm chó ásá róka mánit?

Dargwaz 32:12

Chéá Mesri begwashant: ‘É mardomi cha Mesrá pa badniyati dar kortant ke kóh o gyábánán bebárt o bekoshitesh o cha jaháná gáresh bekant’? Wati hezhmay ásá kosh. Wati erádahá badal kan o é baláhá wati mahlukay sará dawr maday.

Dargwaz 32:14

Hodáwandá erádah kortagat ke wati mahlukay sará baláhé dawra dayán, bale erádahi badal kort.