Zabur 9:8 - Hodáay Pákén Ketáb Balochi zobáná

⁸ Á wat jaháná gón adlá dádrasia kant, kawmáni sará gón ensápá shawra borrit.

Zabur 9:8 ပူးပေါင်းရင်းမြစ်များ

Pédáesh 18:25

Cha tai dastá choshén káré mabát ke pahrézkárá gón badkárá hór bekoshay o pahrézkár o badkárá yakkén chammá becháray. Sajjahén jahánay dádras pa hakk o ensáp kára nakant?”

Zabur 10:16

Hodáwand abad tán abad bádsháh ent, kawm cha áiay sardhagárá gár o gomsára bant.

Zabur 29:10

Hodáwand hár o tuppánay sarborá, wati tahtay sará neshtag, Hodáwand tán abad wati bádsháhi tahtay sará neshtag.

Zabur 50:6

Ásmán áiay adl o rástiá jára janant, chiá ke Hodá wat dádras ent. Ósht...

Zabur 94:15

Dádrasi padá pa ensápa bit, sajjahén nékdel ensápay randgiriá kanant.

Zabur 96:13

Hodáwandá benázénátant, chiá ke á kayt, haw, pa zeminay dadrasiá kayt. Jahánay dadrasiá pa adl o ensápa kant o kawmáni dadrasiá wati rásti o tachkiay hesábá.

Zabur 98:9

Hodáwanday bárgáhá sawt bejanátant, ke á pa zeminay dadrasiá kayt. Á jaháná pa adl dádrasia kant o kawmán pa ensáp.

Zabur 99:4

Bádsháh zóráwar ent, adli dósta bit. Taw, oo Hodá, ensáp barjáh dáshtag, sajjahén Esráilá taw hamá kár kortag ke pa adl o ensáp ant.

Dargwaz 15:18

Hodáwand abad tán abad hákemia kant.”

Kásedáni Kár 17:31

Chéá ke áiá yakk róché gisshéntag ke á róchá donyáay sajjahén mardománi kortagén kárán gón ensáp dádrasi o dáwaria kant o pa é maksadá yakké gechéni kortag. Hodáyá á paméshká cha mordagán zendag kort ke pa harkasá é habaray rásti pakká bebit.”

Pulosay kágad pa Rumián 2:16

É hamá róchá paddara bit ke Hodá cha Issá Masihay ráhá, mardománi chér o andémén pegráni dádrasiá kant, hamá dhawlá ke mani wasshén mestága gwashit.