Zabur 86:5 - Hodáay Pákén Ketáb Balochi zobáná

⁵ Taw, oo Hodáwand, nék o bakshendah ay o pa áyán cha mehrá sarréch ay ke gón taw peryáta kanant.

Zabur 86:5 ပူးပေါင်းရင်းမြစ်များ

Zabur 103:3

hamá ke tai sajjahén gonáhána bakshit o tai drostigén nádráhián dráha kant.

Zabur 103:8

Hodáwand rahm kanók o mehrbán ent, hezhm geragá déra kant o mehrá sarréch ent.

Zabur 119:68

Taw nék ay o nékia kanay, wati hokmán maná sój day.

Zabur 130:4

Bale taw bakshendah ay tánke tai tors may delá bebit.

Zabur 130:7

Oo Esráil! Ométá pa Hodáwandá bedár, ke mehr gón Hodáyá ent o kámelén rakkénag hamáiay dastá ent.

Zabur 145:18

Harkas ke Hodáwandá tawára kant, Hodáwand áiay nazzikká ent, harkas ke pa del o setk áiá tawára kant.

Zabur 25:8

Hodáwand nék o rást ent, paméshká gonahkárán ráhá sója dant.

Zabur 36:7

Oo Hodá! Tai mehr chenkadar porarzesh ent, bani ádam tai bánzoláni sáhegá panáha gipt.

Zabur 50:15

Sakki o sóriáni róchá maná belóth, man tará nejáta dayán o taw maná shán o shawkata dayay.”

Zabur 52:1

Oo porzórén mard! Chiá badiay sará pahra kanay? Hodáay mehr dáemi ent.

Zabur 69:14

Maná cha pujgelán dar kan, tánke ér maboddhán. Cha naprat kanókáni panjagá maná berakkén o cha johlánkén ápán dar kan.

Zabur 69:16

Oo Hodáwand! Mani passawá beday ke tai rahmat báz ant, wati rahmatáni kesás o hesábá, wati démá gón man betarrén.

Zabur 86:15

Bale taw, oo Hodáwand, rahm kanók o mehrabánén Hodáé ay, hezhm geragá déra kanay o mehr o wapáyá sarréch ay.

Dargwaz 34:6

Hodáwand jár janáná Mussáay démá gwast: “Hodáwand án, Hodáwand, rahmán o mehrabánén Hodá man án. Gazabay áragá déra kanán o cha mehr o wapáyá porr án.

Dányál 9:9

Rahmat o pahelli gón may Hodáwandén Hodáyá ent bell toré má cha áiá yági butagén.

Yuhanná 4:10

Issáyá áiay passawá gwasht: “Agan taw bezántén ke Hodáay dád o bakshesh chéé o é kay ent ke cha taw ápa lóthit, gorhá allamá taw gón áiá dazbandi kortagat ke maná áp beday o áiá tará zendáp dátagat.”

Kásedáni Kár 2:21

Á róchá, harkas Hodáwanday námá begipt, rakkit.”’