Zabur 86:2 - Hodáay Pákén Ketáb Balochi zobáná

² Mani zenday negahpániá bekan ke tai dóstdár án, wati hezmatkárá berakkén ke tai sará tawkala kant.

Zabur 86:2 ပူးပေါင်းရင်းမြစ်များ

Zabur 119:94

Maná berakkén ke taig án tai rahbandáni shóházá butagán.

Zabur 13:5

Bale tai mehray sará tawkala kanán, delon gal o bála bit ke taw maná rakkéntag.

Zabur 143:12

Wati mehray tahá mani dozhmenán tabáh kan, mani badwáhán gár o bégwáh kan, ke man tai hezmatkár án.

Zabur 16:1

Oo Hodá! Maná pa sharri bedár, ke tai mayár o báhóth butagán.

Zabur 18:19

Áiá maná práh o émenén jágahé áwort o maná rakkénti, chiá ke cha man báz wassh o razá at.

Zabur 25:2

Oo mani Hodá! Tai sará tawkala kanán, mayl ke pashal o sharmendag bebán o dozhmen mani sará báládast bebant.

Zabur 31:1

Oo Hodáwand! Tai mayár o báhóth butagán, hechbar mayl ke sharmendag bebán, wati adl o ensápay tahá maná neját beday.

Zabur 31:14

Bale oo Hodáwand! Man tai sará tawkala kanán o gwashán ke “taw mani Hodá ay.”

Zabur 37:28

Chiá ke Hodáwandá adl dóst ent o wati dóstdárán yalaha nakant. Hodáwand tán abad pahrézkáráni posht o panáh ent, bale badkáráni nasl goddhaga bit.

Zabur 4:3

Bezánét ke Hodáwandá Hodádóst pa wat zortag o jetá kortagant. Wahdé Hodáwandá tawára kanán, á eshkont.

Zabur 50:5

“Hodádóstán mani gwará yakjáh kanét, hamá ke gón korbánig kanagá, gón man ahdesh bastag.”

Yuhanná 12:26

Agan kasé lóthit mani hezmatá bekant, gorha á lázom mani randgiriá bekant o har jáh ke mana bán, mani hezmatkár hamódá gón man góna bit. Agan kasé mani hezmatá kant, mani Pet áiá sharapdára kant.

Yuhanná 17:11

Man cha ed o rand jaháná namánán. É mardom angat jaháná mánant o man tai kerrá káyán. Oo pákén Pet! Gón wati hamá námay zórá ke taw maná dátag, esháni negahpániá bekan ke é yakk bebant, hamá paymá ke man o taw yakk én.

Pulosay kágad pa Rumián 9:18

Gorhá bezán, Hodá harkasay sará ke belóthit rahma kant o harkasay delá ke belóthit senga kant.