Zabur 85:6 - Hodáay Pákén Ketáb Balochi zobáná

⁶ Márá padá zenda nabakshay ke tai kawm tai bárgáhá shádehi bekant?

Zabur 85:6 ပူးပေါင်းရင်းမြစ်များ

Zabur 138:7

Harchont ke sakki o sóriáni tahá gardán, bale taw maná zendaga dáray. Taw mani dozhmenáni hezhmay helápá wati dastá shaháray o gón wati rástén dastá maná rakkénay.

Zabur 149:2

Esráil pa wati addh kanóká shádehi bekanát, Sahyunay chokk pa wati bádsháhá gal bátant.

Zabur 53:6

Kasé cha Sahyuná byáyát o Esráilá berakkénát. Wahdé Hodá washbahtiá pa wati kawmá pera tarrénit, Ákub gal o bála bit o Esráil shádehia kant.

Zabur 71:20

Harchont taw maná bázén sakki o sóri pésh dáshtag, bale padá mani zendá bódénay, Haw, nóksará maná cha zeminay johlánkiá borzáda káray.

Zabur 74:1

Oo Hodá! Chiá márá tán abad yalah dátaget? Pa ché tai hezhmay ás pa tai charágáhay pasán rók ent?

Zabur 77:8

Áiay mehr pa modámi halás butag o kawli pa sajjahén naslán zawál?

Zabur 80:18

Gorhá má wati démá cha taw natarrénén, márá zend bebaksh ke tai námá begerén.

Zabur 90:14

Bámgwáhán, márá gón wati mehrá sér kan, tánke sajjahén omrá sawt bejanén o shádehi bekanén.