Zabur 84:3 - Hodáay Pákén Ketáb Balochi zobáná

³ Jengolá ham pa wat lógé dar gétk o pistáná pa wat kodóhé ke wati chureg o chippokán ódá beródénit, tai korbánjáhay nazziká, oo lashkaráni Hodáwand, mani bádsháh o mani Hodá!

Zabur 84:3 ပူးပေါင်းရင်းမြစ်များ

Zabur 116:7

Padá árám bay, oo mani arwáh, ke Hodáwand pa taw mehrabán butag.

Zabur 42:3

Shap o róch warákon ars ent, Wahdé mardom modám maná gwashant: “Tai Hodá kojá ent?”

Zabur 43:4

Á wahdi Hodáay korbánjáhá rawán, dém pa Hodáyá ke mani wasshi o shádehi ent. Oo Hodá, mani Hodá! Tará gón changá názénán.

Zabur 5:2

Oo mani bádsháhén Hodá! Mani peryátá beshkon, chiá ke tai gwará dwá kanán.

Zabur 90:1

Oo Hodáwand! Nasláni nasl taw may menendjáh butagay.

Zabur 91:1

Hamá ke borzén arshay Hodáay panáhgáhá neshtag, zórákay sáhegá áráma gipt.

Mattá 23:37

Urshalim, oo Urshalim! Taw paygambarána koshay o Hodáay ráh dátagénán sengsára kanay. Báz randá man lóthetag tai chokkán wati kerrá mocch o yakjáh bekanán, anchosh ke nekénkén morgé chureg o chippokán wati bál o bánzoláni chérá moccha kant, bale shomá nalóthet.

Mattá 8:20

Issáyá gwasht: “Róbáhán hóndh o jágah hast o báli morgán kodóh o kodám, bale maná ke Ensánay Chokk án pa saray ér kanagá hecch jágah nést.”