Zabur 84:11 - Hodáay Pákén Ketáb Balochi zobáná

¹¹ ke Hodáwandén Hodá róch o esparé, Hodáwand rahmata bakshit o ezzata dant. Hamá ke zendá pa bémayária gwázénit, Hodáwand sharrén chizzán cha áiá dura nadárit.

Zabur 84:11 ပူးပေါင်းရင်းမြစ်များ

Pédáesh 15:1

Cha é chizzán o rand, Hodáwanday habar elhám o shobénéay tahá pa Ebrámá átk: “Oo Ebrám! Mators, man tai espar án. Tai enám sakk mazan ent.”

Zabur 119:114

Taw mani panáh o espar ay, man wati óst o omét gón tai habará bastag.

Zabur 15:2

Hamá ke béayb gám bejant, adl o ensápá barjáh dárit o pa delsetki rásténá begwashit,

Zabur 27:1

Hodáwand mani rozhn o rakkénók ent, cha kayá betorsán? Hodáwand mani zenday kalát ent, cha kayá bimmé bebit?

Zabur 3:3

Bale taw oo Hodáwand! Wat mani chágerdá espar ay, Mani shán o shawkat ay, maná sarperáza kanay.

Zabur 47:9

Kawmáni sarók o master mocch butagant, gón Ebráhémay Hodáay kawmá yakjáh, chiá ke jahánay sajjahén sardár, Hodáayg ant, á béhesáb maz‌anshán ent.

Zabur 84:9

May bádsháhá delgósh kan, oo Hodá! Wati rógen per moshtagéná delgósh kan.

Zabur 85:12

Béshakk, Hodáwand nékén chizza bakshit o may zemin áiay bar o samará kárit.

Mattá 6:33

Cha har chizzá pésar, Hodáay bádsháhi o áiay rástén ráhay shóházá bebét, é sajjahén wat shomárá dayaga bant.

Yuhanná 1:16

Má sajjahénán cha áiay pormehrén rahmatay sawgátá modám barkat geptag.

Yuhanná 1:9

Hamá rástén rozhn ke pa sajjahén mardomán rozhnáia kárit, nun jaháná pédák at.

Yuhanná 8:12

Issáyá padá gón mardomán habar kort, gwashti: “Jahánay nur o rozhn man án. Kasé ke mani randgiriá kant, áiay ráh hechbar tahára nabit o á zenday rozhnáiay wáhonda bit.”

Pa Galátián Pulosay kágad 2:14

Bale wahdé man dist ke é mardom wasshén mestágay rástén ráhá rawagá naant, sajjahénáni démá gón Képáyá gwashton: “Taw wat Yahudié ay o angat wati zendá Yahudiáni dhawlá nagwázénay, darkawmáni dhawlá gwázénay, gorhá darkawmán parchá hojja kanay ke Yahudiáni dhawlá zend begwázénant?”

Pa Pilipián Pulosay kágad 1:6

É gappá ham deljam án ke Hodáyá hamá sharrén kár ke shomay del o daruná bongéj kortag, tán hamá wahdá barjáhia dárit ke sarjam bebit, tán hamá róchá ke Issá Masiha kayt.

Pa Pilipián Pulosay kágad 4:19

Mani Hodá shomay har zaluratá wati jenday porshawkatén mál o hastiay hesábá o Issá Masihay barkatá puraha kant.

Elhám 21:23

O shahrá na róch pakár ent o na máh ke áiá rozhná bekanant, chéá ke Hodáay shán o shawkat eshiá rozhná kant o Gwarándh eshiay cherág ent.