Zabur 84:1 - Hodáay Pákén Ketáb Balochi zobáná

¹ Oo lashkaráni Hodá! Tai bárgáh chón dóstnák ent.

Zabur 84:1 ပူးပေါင်းရင်းမြစ်များ

Zabur 122:1

Áyán ke gwasht: “Hodáwanday lógá berawén” man shádán bután.

Zabur 27:4

Cha Hodáwandá yak chizzé lóthetagon o hameshiay pad o randá bán, ke wati zenday sajjahén róchán Hodáwanday lógá jahmenend bebán, tánke Hodáwanday zébáiá begendán o parasteshgáhá cha hamáiá rahshóni belóthán.

Zabur 36:8

Á cha tai bárgáhay sarréchén nyámatán séra bant o cha wati lezzatáni kawrá áyán sérápa kanay.

Zabur 42:1

Áskay paymá ke pa kawray ápán zahirwár ent, hamé paymá, oo mani Hodá, mani arwáh tai zahirán ent.

Zabur 43:3

Wati rozhn o rástiá ráh day, tánke mani rahshón bebant o maná pákén kóhá o tai bárgáhá byárant.

Zabur 8:1

Oo Hodáwand, may Hodáwand! Chenkadar porshawkat ent tai nám jahánay chárén kondhán. Taw wati shán o mazani ásmánáni sarborá sheng o tálán kortag.

Zabur 81:1

Hodáyá pa shádehi benázénét ke may zór o wák ent, pa Ákubay Hodáyá shádmániay kukkárá borz kanét.