Zabur 81:12 - Hodáay Pákén Ketáb Balochi zobáná

¹² Gorhá man á yalah dátant ke wati sengén deláni randgiriá bekanant, wati jenday ráh o hayáláni.

Zabur 81:12 ပူးပေါင်းရင်းမြစ်များ

Pédáesh 6:3

Nun Hodáwandá gwasht: “Mani arwáh tán abad ensánay jesm o jáná namánit, chéá ke ensán merókén chizzé o cha yakk sad o bist sálá géshter omra nakant.”

Dargwaz 11:9

Hodáwandá gón Mussáyá gwasht: “Perawn shomay habarán gósha nadárit. Paméshká Mesrá mane Hodáwanday mójezah géshtera bant.”

Kásedáni Kár 14:16

Pésarigén zamánagá, Hodáyá sajjahén kawm mókal dátagant ke wati ráhá wat gechén bekanant.

Kásedáni Kár 7:42

Bale Hodáyá wati dém cha áyán tarrént o yalah dátant, bell ke nun máh o róch o estárán parastesh bekanant, hamá dhawlá ke Nabiáni Ketábán nebeshtah ent: ‘Oo Esráilián! Shomá tán chell sálá mán gyábánán pa man hayrát o korbánig kortagat?

Pulosay kágad pa Rumián 1:24

Paméshká Hodáyá á, áyáni delay sell o badén wáhagáni tahá yalah kortant tán gón nápákiá wati jesmán watmánwatá sobakk o béarzesh bekanant.