Zabur 80:19 - Hodáay Pákén Ketáb Balochi zobáná

¹⁹ Oo Hodáwand, lashkaráni Hodá! Gón má wasshán bay, wati démá gón má rozhná kan ke má berakkén.

Zabur 80:19 ပူးပေါင်းရင်းမြစ်များ

Zabur 27:4

Cha Hodáwandá yak chizzé lóthetagon o hameshiay pad o randá bán, ke wati zenday sajjahén róchán Hodáwanday lógá jahmenend bebán, tánke Hodáwanday zébáiá begendán o parasteshgáhá cha hamáiá rahshóni belóthán.

Zabur 27:9

Démá cha man chér maday, wati hezmatkárá gón hezhm per matarrén, taw ke mani madatkár butagay. Oo mani rakkénókén Hodá! Maná dawr maday o yalah makan.

Zabur 31:16

Démá pa wati hezmatkárá drapshán kan, gón wati mehrá maná berakkén.

Zabur 44:3

Na áyáni zahmáni zór at ke molkesh gept na ke básk o bázuán sóbén kortant. É tai rástén dast at, tai básk o chehragay rozhn, chiá ke áyáni sará mehrabán atay.

Zabur 80:1

Oo Esráilay shopánk! Gósh dár, taw ke shopánkéay paymá Issopay ramagay rahshón ay. Oo Hodá! Taw ke karrubiáni nyámá bádsháhi tahtá neshtagay, wati nurá tálán kan.

Zabur 80:3

Oo Hodá! Gón má wasshán bay wati démá gón má rozhná kan ke má berakkén.

Zabur 80:7

Oo lashkaráni Hodá! Gón má wasshán bay wati démá gón má rozhná kan ke má berakkén.