Zabur 71:20 - Hodáay Pákén Ketáb Balochi zobáná

²⁰ Harchont taw maná bázén sakki o sóri pésh dáshtag, bale padá mani zendá bódénay, Haw, nóksará maná cha zeminay johlánkiá borzáda káray.

Zabur 71:20 ပူးပေါင်းရင်းမြစ်များ

Zabur 119:25

Man hákán waptagán, maná wati labzay hesábá zendag bedár.

Zabur 138:7

Harchont ke sakki o sóriáni tahá gardán, bale taw maná zendaga dáray. Taw mani dozhmenáni hezhmay helápá wati dastá shaháray o gón wati rástén dastá maná rakkénay.

Zabur 16:10

Chiá ke taw maná mordagáni jaháná yalaha nakanay o wati dóstdárá sarhag o pussagá naylay.

Zabur 60:3

Wati kawmet gránén jáwarán perréntag, márá madhósh kanókén sharábet wáréntag.

Zabur 60:5

Gón wati rástén dastá berakkén o passaw beday tán hamá ke tará dóst ant berakkant.

Zabur 80:18

Gorhá má wati démá cha taw natarrénén, márá zend bebaksh ke tai námá begerén.

Zabur 85:6

Márá padá zenda nabakshay ke tai kawm tai bárgáhá shádehi bekant?

Zabur 86:13

ke pa man tai mehr sakk mazan ent, taw maná cha johlánkián rakkéntag, cha mordagáni jaháná.

Zabur 95:4

Zeminay johli hamáiay dastá ant o kóháni borzi ham hamáiayg ant.

Markás 15:34

Bégáhay sáhat sayá, Issáyá chihál jat: “Elui, Elui, lemá sabakktani?” (Bezán: Oo mani Hodá, oo mani Hodá! Taw chéá maná tahná esht?)

Kásedáni Kár 2:24

Bale Hodáyá cha mordagán zendag kort o cha markay ranj o azábá rakként, chéá ke nabuteni at mark áiá wati panjagáni tahá bedárit,

Elhám 7:14

Man passaw dát: “Wájah! Taw wata zánay.” Nun áiá gón man gwasht: “É hamá ant ke cha mazanén azábá dar átkagant o wati póshákesh gón Gwarándhay hóná shoshtag o espét kortagant.