Zabur 71:15 - Hodáay Pákén Ketáb Balochi zobáná

¹⁵ Tai ádelén káráni habará kanán, sajjahén róchá tai dátagén nejátay járá janán, harchont ke áyáni hesáb cha mani zánagá dhann ent.

Zabur 71:15 ပူးပေါင်းရင်းမြစ်များ

Zabur 145:2

Tará har rócha názénán o tai námá satá kanán, abad tán abad.

Zabur 30:12

tánke mani arwáh tará satá bedant o bétawár mabit. Oo Hodáwand, mani Hodá! Tán abad tai shográ gerán.

Zabur 35:28

Gorhá zobánon sajjahén róchá tai adlá gwánka jant, tai satá o sanáyá.

Zabur 40:12

Chiá ke béhesábén sakkián maná angerr kortag, mayárbárián maná geptag o dista nakanán, cha mani saray mudán gésh ant, mani del kaptag.

Zabur 40:5

Oo Hodáwand, oo mani Hodá! Taw pa má bázén ajabén kár o shawré kortag, hechkas tai matth buta nakant. Agan belóthán tai káráni bárawá jár bejanán o habar bekanán, haminchok báz ant ke cha hesábá dar ant.

Zabur 40:6

Tará pa hayrát o korbánigá hájaté nést, bale mani góshet pach kortag, sóchagi korbánig o gonáháni korbániget nalóthetag.

Zabur 51:16

Tará pa korbánigá wáhagé nést, agan na, mana áwort, sóchagi korbánig tará washnóda nakant.

Zabur 71:24

Sajjahén róchá tai ádelén káráni zegrá kanán chiá ke á ke mani ázár rasénagay lóthók atant, sarjahl o sharmsár butagant.

Zabur 71:8

Dapon cha tai tawsipá porr ent, cha tai shán o shawkatá sajjahén róchá.

Zabur 73:28

Bale pa man wasshi hamesh ent ke Hodáay nazziká bebán, Hodáwandon wati panáhgáh kortag, tán tai sajjahén kárán jár bejanán, oo Hodáwand!

Zabur 89:16

Sajjahén róchá tai námay sará shádehia kanant o cha tai adlá sarboland ant.