Zabur 7:8 - Hodáay Pákén Ketáb Balochi zobáná

⁸ Bell ke Hodáwand pa kawmán shawr o hokm beborrit. Oo Hodáwand! Gón mani rásti o tachkiá, wati dadrasiá mani pahrézkáriáni sará bekan.

Zabur 7:8 ပူးပေါင်းရင်းမြစ်များ

Pédáesh 18:25

Cha tai dastá choshén káré mabát ke pahrézkárá gón badkárá hór bekoshay o pahrézkár o badkárá yakkén chammá becháray. Sajjahén jahánay dádras pa hakk o ensáp kára nakant?”

Pédáesh 31:53

Ebráhémay Hodá, Náhóray Hodá, áyáni petay Hodá mani o tai nyámá dádras bát.” Gorhá Ákubá wati pet Esákay Hodáay námá sawgend wárt.

Zabur 11:4

Hodáwand wati pákén parasteshgáhá ent, Hodáwanday taht ásmáná ent. Chammi gendagá ant, didagi ensánay chokkána ázmáit.

Zabur 25:21

Tachki o rásti mani negahpán bát, chiá ke mani omét taw ay.

Zabur 26:1

Oo Hodáwand! Gonáhay bohtámá cha mani sará bethagalén, chiá ke wati bémayáriay tahá gámon jatag o bé larzagé Hodáwanday sará tawkalon kortag.

Zabur 26:11

Bale man wati bémayáriay tahá gáma janán, maná berakkén o mani sará rahm kan.

Zabur 41:12

Cha mani tachki o rástiá, taw mani posht o panáh butagay o modám wati bárgáhá jágaha dayay.

Zabur 43:1

Oo Hodá! Gonáhay bohtámá cha mani sará bethagalén, Hodánábáwarén kawméay démá, pa mani hakká jáh bejan o maná cha badkár o prébkáráni dastá berakkén,

Zabur 78:72

Dáudá gón sápén delé áyáni shopánki kort o gón honarmandén dasté áyáni rahshón but.

Zabur 82:1

Hodá, wati Hodái bárgáhá barjam ent, “hodáyáni” diwáná dádrasia kant.

Zabur 9:8

Á wat jaháná gón adlá dádrasia kant, kawmáni sará gón ensápá shawra borrit.

Zabur 96:13

Hodáwandá benázénátant, chiá ke á kayt, haw, pa zeminay dadrasiá kayt. Jahánay dadrasiá pa adl o ensápa kant o kawmáni dadrasiá wati rásti o tachkiay hesábá.

Zabur 98:9

Hodáwanday bárgáhá sawt bejanátant, ke á pa zeminay dadrasiá kayt. Á jaháná pa adl dádrasia kant o kawmán pa ensáp.

Kásedáni Kár 17:31

Chéá ke áiá yakk róché gisshéntag ke á róchá donyáay sajjahén mardománi kortagén kárán gón ensáp dádrasi o dáwaria kant o pa é maksadá yakké gechéni kortag. Hodáyá á paméshká cha mordagán zendag kort ke pa harkasá é habaray rásti pakká bebit.”

Pa Tesálunikián Pulosay awali kágad 2:10

Shomá sháhed ét o Hodá ham sháhed ent ke má báwarmandáni nyámá, bezán shomay nyámá chónén pahrézkár o pák o béaybén zendé gwázént.