Zabur 7:6 - Hodáay Pákén Ketáb Balochi zobáná

⁶ Oo Hodáwand! Gón wati hezhmá jáh bejan o mani dozhmenáni gazabay démá pád á! Ágáh bay, oo mani Hodá! Taw ay ke dádrasiay járet jatag!

Zabur 7:6 ပူးပေါင်းရင်းမြစ်များ

Zabur 103:6

Hodáwand adl o ensápa kant o pa sajjahén setam distagénán dádrasi.

Zabur 12:5

Hodáwanda gwashit: “Cha nezórén mardománi lagatmáli o hájatmandáni nálagáni sawabá nun jáha janán. Man eshán hamá paymá émenia bakshán ke esháni armán ent.”

Zabur 138:7

Harchont ke sakki o sóriáni tahá gardán, bale taw maná zendaga dáray. Taw mani dozhmenáni hezhmay helápá wati dastá shaháray o gón wati rástén dastá maná rakkénay.

Zabur 143:3

Dozhmen mani randá kaptag, áiá maná zeminá dawr dátag, maná taháriá jahmenendi kortag kwahnén mordagáni paymá.

Zabur 3:7

Oo Hodáwand! Pád á. Oo mani Hodá! Maná berakkén. Taw ay ke mani dozhmenáni démá shahmáta janay o badkáráni dap o dantánána próshay.

Zabur 35:1

Oo Hodáwand! Gón hamáyán bemerh ke gón mana merhant o gón hamáyán jang kan ke gón man janga kanant.

Zabur 35:23

Ágáh bay o pa mani dádrasiá jáh bejan. Oo mani Hodá, oo mani Hodáwand! Pa mani hakká.

Zabur 44:23

Oo Hodáwand! Ágáh bay. Pa ché wáb ay? Jáh jan o márá tán abad yalah makan.

Zabur 44:26

Pád á o may madatá byá, wati mehray sawabá márá bemók o berakkén.

Zabur 59:5

Oo Hodáwand, oo lashkaráni Hodá! Taw Esráilay Hodá ay, ágáh bay, sajjahén kawmán sezá beday o badkárén dróhókáni sará rahm makan. Ósht...

Zabur 73:20

Wábéay dhawlá ant ke wahdé chamm pacha bant gára bit, á wahdá ke taw páda káay, oo Hodáwand, eshán wahméay paymá mána nayáray.

Zabur 74:3

Wati gámán dém pa wati hamé modámigén wayránagán betarrén, chiá ke dozhmená har chizz bérán kortag ke tai pákén jágahá butag.

Zabur 78:65

Nun Hodáyá anchosh jáh jat ke yakké cha wábá bosta kant, chó ke jangólé cha sharábay béhóshiá jáh bejant.