Zabur 69:17 - Hodáay Pákén Ketáb Balochi zobáná

¹⁷ Démá cha wati hezmatkárá mapóshén, pa mani madatá eshtáp kan ke sakk tang átkagán.

Zabur 69:17 ပူးပေါင်းရင်းမြစ်များ

Zabur 102:2

Mani sakki o sóriay róchá wati démá cha man chér maday. Wati delgóshá gón man kan, wahdé tará tawára kanán, zutt passaw beday.

Zabur 13:1

Oo Hodáwand! Tán kadén? Bárén maná tán abada shamóshay? Tán kadén wati démá cha man panáha kanay o póshénay?

Zabur 143:7

Hodáwand! Maná zutt passaw day, mani ruhá dam bortag, wati démá cha man chér maday, ke hamáyáni paymá bán ke kall o kabrá kapant.

Zabur 143:9

Oo Hodáwand! Maná cha dozhmenán berakkén, man tai kerrá chéra bán.

Zabur 22:24

Chiá ke áiá cha setam distagénay bazzagiá posht nakortag o démi cha áiá natarréntag. Peryáti ke kortag áiá eshkotagant.

Zabur 27:9

Démá cha man chér maday, wati hezmatkárá gón hezhm per matarrén, taw ke mani madatkár butagay. Oo mani rakkénókén Hodá! Maná dawr maday o yalah makan.

Zabur 40:13

Oo Hodáwand! Mehrabáni kan o maná berakkén. Hodáwandá! Zutt pa mani madatá byá.

Zabur 44:24

Chiá wati démá chéra dayay o pa ché may bazzagi o lagatmáliá shamóshay?

Zabur 66:14

hamá kawl ke lonthán wádah dátag o dapá gwashtagant sakki o sóriáni wahdá.

Zabur 70:1

Oo Hodá! Zutt kan o maná berakkén. Oo Hodáwand! Pa mani madatá eshtáp kan.

Mattá 26:38

Gón áyán gwashti: “Sakk paréshán án, gam o andóhán maná markig kortag, shomá edá bedárét, mawapsét o mani hamráhiá ágah o hozzhár bét.”

Mattá 27:46

Bégáhay sáhat sayá, Issáyá chihál jat: “Eli, Eli, lemá sabakktani?” Bezán: Oo mani Hodá, oo mani Hodá! Taw chéá maná tahná esht?